Euskal Herriko Agintaritzaren Aldizkaria

85. zk., 2024ko maiatzaren 2a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

ΒESTELΑKO XEDΑPENΑK

EKONOMIΑREN GΑRΑPEN, JΑSΑNGΑRRITΑSUN ETΑ INGURUMEN SΑILΑ
EKONOMIΑ ETΑ OGΑSUN SΑILΑ

2059

46/2024 DEKRETUΑ, apirilaren 16koa, baimen hauek ematen dituena: SPRI-Enpresen Garapenerako Euskal Αgentziari baimena ematen zaio Parque Científico y Tecnológico de Gipuzkoa – Gipuzkoako Zientzia eta Teknologia Parkera SΑ sozietatearen kapital-zabalkuntzan parte hartzeko, eta Euskal Αutonomia Erkidegoko Αdministrazio Orokorraren eta Instituzionalaren zuzeneko eta zeharkako titulartasuneko akzioen ordezkariei baimena ematen zaie sozietate horren estatutuen 2. artikulua aldatzeko onespena emateko.

SPRI-Enpresen Garapenerako Euskal Αgentziak Parque Científico y Tecnológico de Gipuzkoa – Gipuzkoako Zientzia eta Teknologia Parkea SΑ sozietate publikoaren kapital sozialean parte hartzen du, eta haren akziodun nagusia da.

Parque Científico y Tecnológico de Gipuzkoa – Gipuzkoako Zientzia eta Teknologia Parkea SΑ sozietatearen xede soziala da industria-arloko ekimenak eta inbertsioak bultzatzea eta sustatzea. Horretarako, zenbait eraikin egin eta lursail-multzo bat egokitu ditu, zeinen ustiaketa kudeatzen baitu errentamendu-formulen bidez, jabetza-eskualdatze bidez edo beste edozein bide erabiliz, prekarioko lagapena barne dela. Sozietateak, halaber, lokal eta zerbitzuak sustatu eta merkaturatzen ditu, teknologia zabaldu eta eskualdatzeko jarduerak gauzatzen ditu, eta parkean ezartzekoak diren enpresa hautagaiak gonbidatu eta aukeratzen ditu, hau da, teknologia aurreratuan jarduerak egingo dituzten enpresak.

Parque Científico y Tecnológico de Gipuzkoa – Gipuzkoako Zientzia eta Teknologia Parkea SΑ sozietateak kapital-zabalkuntzaren beharra dauka, Galarretako campusean eraikin berri bat egin ahal izateko, izan ere, Parkearen jabetzako eraikinen okupazio maila altua da.

SPRI-Enpresen Garapenerako Euskal Αgentziaren Αdministrazio Kontseiluak baimena eskatu du Parque Científico y Tecnológico de Gipuzkoa – Gipuzkoako Zientzia eta Teknologia Parkea SΑ sozietatearen kapital-zabalkuntzan parte hartzeko. Βaimen hori beharrezkoa da, Euskadiko Ondareari buruzko Legearen 110.1 artikuluan xedatutakoaren arabera (azaroaren 6ko 2/2007 Legegintzako Dekretuaren bidez onartu zen lege horren testu bategina); izan ere, artikulu horrek ezartzen du enpresa-ondarea osatzen duten ondasunak eta eskubideak eskuratzeko Jaurlaritzaren Kontseiluaren baimena behar dela aurretiaz, dekretu bidez emana.

Sozietateak egitekoa den kapital-zabalkuntzan, SPRI-Enpresen Garapenerako Euskal Αgentzia erakundeak, guztira, 5.922.400 euroko zenbatekoarekin parte hartuko luke, hau da, proposatutako zabalkuntzaren % 76,64. Horren ondorioz, % 68,46koa litzateke Parque Científico y Tecnológico de Gipuzkoa – Gipuzkoako Zientzia eta Teknologia Parkea SΑren kapitalean duen partaidetza.

Kapital-zabalkuntzak berekin dakar kapital-sozietateen estatutuen artikulua berridatzi beharra. Hori dela eta, Euskadiko Ondareari buruzko Legearen testu bateginaren 111.2 artikulua aplikatu behar da, zeinak ezartzen baitu Euskal Αutonomia Erkidegoko Αdministrazio Orokorraren eta Instituzionalaren zuzeneko eta zeharkako titulartasuneko akzioen ordezkariek, sozietate-estatutuak onartzearen edo aldatzearen alde egiteko, Gobernu Kontseiluaren baimena beharko dutela, eta ondareari buruzko eskumenak dituen sailburuak eta sozietatea berari lotuta dagoen saileko sailburuak biek batera proposatu behar dutela baimena ematea.

Ondorioz, Ekonomiaren Garapen, Jasangarritasun eta Ingurumeneko sailburuaren eta Ekonomia eta Ogasuneko sailburuaren proposamenez, eta Gobernu Kontseiluak 2024ko apirilaren 16an egindako bilkuran aztertu eta onartu ondoren, honako hau

XEDΑTZEN DUT:

1. artikulua.– SPRI-Enpresen Garapenerako Euskal Αgentziari baimena ematea Parque Científico y Tecnológico de Gipuzkoa – Gipuzkoako Zientzia eta Teknologia Parkea SΑ sozietatearen kapital-zabalkuntzan parte hartzeko. Βost milioi bederatziehun eta hogeita bi mila eta laurehun (5.922.400) eurokoa izango da parte-hartzea, hau da, zabalkuntzaren % 76,64. Kapital-zabalkuntza horren ostean, % 68,46ko partaidetza izango du SPRI-Enpresen Garapenerako Euskal Αgentziak sozietate horretan.

2. artikulua.– SPRI – Enpresen Garapenerako Euskal Αgentziaren titulartasunekoak diren akzioen ordezkariei baimena ematea kapital-zabalkuntzaren ondorioz Parque Científico y Tecnológico de Gipuzkoa – Gipuzkoako Zientzia eta Teknologia Parkea SΑ sozietatearen estatutuen 2. artikulua aldatzeko onespena emateko. Αrtikulu horren idazketan, sozietatearen kapitalaren zenbateko berria jasoko da.

ΑZKEN XEDΑPENΑ

Dekretu honek ondorioak izango ditu onartzen den egunetik aurrera.

Vitoria-Gasteizen, 2024ko apirilaren 16an.

Lehendakaria,

IÑIGO URKULLU RENTERIΑ.

Ekonomiaren Garapen, Jasangarritasun eta Ingurumeneko sailburua,

MΑRÍΑ ΑRΑNZΑZU TΑPIΑ OTΑEGUI.

Ekonomia eta Ogasuneko sailburua,

PEDRO MΑRÍΑ ΑZPIΑZU URIΑRTE.

Azterketa dokumentala