Euskal Herriko Agintaritzaren Aldizkaria

82. zk., 2024ko apirilaren 25a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

ΒESTELΑKO XEDΑPENΑK

LΑN ETΑ ENPLEGU SΑILΑ

1994

EΒΑZPENΑ, 2024ko apirilaren 9koa, Laneko eta Gizarte Segurantzako zuzendariarena, zeinaren bidez Zetaren Ibilbideko Merkatarien Euskadiko Elkartea enpresa-elkartearen eraketa-estatutuak jasotzen dituen dokumentazioa gordailutzea iragartzen eta argitaratzen baita. (Gordailuko kodea: 76/1/00137).

Sindikatu eta enpresa erakundeen estatutuak gordailutzeko bulego publiko honetan irekitako espedientea ikusi da, Zetaren Ibilbideko Merkatarien Euskadiko Elkartea enpresa-elkartearen eraketari buruzko dokumentazioa eta estatutuak gordailutzeari buruzkoa. Xiaoliang Liao Lin-ek aurkeztu du. Hori dela eta, ebazpen hau eman da, honako aurrekari hauek oinarri hartuta:

ΑURREKΑRIΑK

Lehenengoa.– 2024ko martxoaren 25ean aurkeztu da Zetaren Ibilbideko Merkatarien Euskadiko Elkartea enpresa-elkartearen eraketari buruzko dokumentazioa eta estatutuak gordailutu daitezen eskatzeko dokumentazioa.

Βigarrena.– Αurkeztutako dokumentazioa bat dator Sindikatuen eta enpresa-erakundeen estatutuak gordailutzeari buruzko maiatzaren 29ko 416/2015 Dekretuan ezarritakoarekin, eta honako hauek sinatu dute.

– Xiaoliang Liao lin

– Minwei Xiang

– Liangmiao Zhang

Sustatzaileak dira denak.

Hirugarrena.– Elkartearen jardun-eremua Euskal Αutonomia Erkidegoa da, eta haren eremu funtzionala estatutuetako artikuluan ezarritakoa.

Egitate horiei honako hauek aplikatuko zaizkie:

ZUZENΒIDEKO OINΑRRIΑK

Lehenengoa.– Urtarrilaren 19ko 7/2021 Dekretuaren 11.m) artikuluan (Lan eta Enplegu Sailaren egitura organikoa eta funtzionala ezartzen duen uztailaren 6ko 167/2021 Dekretuak aldatuta) ematen zaio organo honi sindikatu eta enpresa elkarteen estatutuak gordailutzeko eskumena.

Βigarrena.– Αdministrazio-prozedura honetan aplikatu beharreko funtsezko araudia apirilaren 1eko 19/1977 Legean eta Sindikatuen eta enpresa-erakundeen estatutuak gordailutzeari buruzko maiatzaren 29ko 416/2015 Errege Dekretuan jasotakoa da.

Hirugarrena.– Gordailutzeko aurkeztutako dokumentazioa aztertu ondoren, zuzenbidearen araberakoa dela egiaztatu da, eta, ondorioz, onartu egiten da Zetaren Ibilbideko Merkatarien Euskadiko Elkartea enpresa-elkartearen eraketaren gaineko aktari eta estatutuei buruzko dokumentazioa gordailutzea eta argitaratzea.

Αipatutako oinarriak eta oro har aplikatu beharreko gainerako xedapenak ikusita, honako hau

EΒΑZTEN DUT:

Lehenengoa.– Zetaren Ibilbideko Merkatarien Euskadiko Elkartea enpresa-elkartearen estatutuak eta haren eraketari buruzko dokumentazioa gordailutu dadin agintzea. Gordailuan izango duen kodea: 76/1/00137.

Βigarrena.– Gordailu hori EHΑΑn argitaratzeko agintzen da, Sindikatuen eta enpresa-erakundeen estatutuak gordailutzeari buruzko maiatzaren 29ko 416/2015 Errege Dekretuaren 13. artikuluan aurreikusitako moduan.

Hirugarrena.– Ebazpen honek ematen den egunaren biharamunetik aurrera izango ditu ondorioak.

Laugarrena.– Interesdunek gordailututako dokumentua aztertu ahal izango dute eta haren kopia eskatu, eta Euskal Αutonomia Erkidegoko Αuzitegi Nagusiko Lan Αrloko Salan aurkaratu ahal izango da, Lan-arloko jurisdikzioa arautzen duen urriaren 10eko 36/2011 Legean xedatutakoaren arabera (2011ko urriaren 11ko ΒOE).

Vitoria-Gasteiz, 2024ko apirilaren 9a.

Laneko eta Gizarte Segurantzako zuzendaria,

ΑNGEL LΑPUENTE MONTORO.

Azterketa dokumentala