Euskal Herriko Agintaritzaren Aldizkaria

53. zk., 2024ko martxoaren 13a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA

1310

AGINDUA, 2024ko otsailaren 29koa, Hezkuntzako sailburuarena, zeinaren bidez Donostiako (Gipuzkoa) «Manuel de Larramendi» eta «Nuestra Señora de Aranzazu» Haur, Lehen eta Bigarren Hezkuntzako ikastetxe pribatuen baimena pixkanaka iraungitzen baita, udalerri bereko «Santa Teresa» Haur, Lehen eta Bigarren Hezkuntzako ikastetxe pribatuan integratzeagatik, eta haren baimena aldatzen baita.

Donostian dauden «Manuel de Larramendi» Haur, Lehen eta Bigarren Hezkuntzako ikastetxe pribatuaren «Fundación Elikel» erakunde titularrak, «Nuestra Señora de Aránzazu» Haur, Lehen eta Bigarren Hezkuntzako ikastetxe pribatuaren «Fundación Educativa Jesuitinas» erakunde titularrak eta «Santa Teresa» Haur, Lehen eta Bigarren Hezkuntzako ikastetxe pribatuaren «Fundación Escuela Teresiana» erakunde titularrak hasarazitako espedientea aztertu da. Eskaeraren xedea, lehenengo bi ikastetxeei emandako baimena iraungitzea da, «Santa Teresa» Haur, Lehen eta Bigarren Hezkuntzako ikastetxe pribatuan integratzeagatik.

Espediente horren izapideak araudiak ezarritako prozedura jarraituz egin dira; gainera, indarrean dauden arauek eskatzen dituzten agiriak erantsi zaizkio eta arlo horretan eskumena duten erakundeek txostena egin dute.

Arau hauek hartu dira kontuan: Heziketarako eskubidea arautzen duen uztailaren 3ko 8/1985 Lege Organikoa; Ikastetxe pribatuetan unibertsitateaz kanpoko araubide orokorreko irakaskuntzak emateko baimenei buruzko apirilaren 3ko 332/1992 Errege Dekretua; otsailaren 12ko 131/2010 Errege Dekretuak aldatzen duena eta otsailaren 12ko 132/2010 Errege Dekretua, haur hezkuntzako bigarren zikloko, lehen hezkuntzako eta bigarren hezkuntzako irakaskuntzak ematen dituzten ikastetxeen gutxieneko baldintzak ezartzen dituena eta gai horretan aplikatzekoak diren gainerako legeak. Horiek horrela, honako hau

EBAZTEN DUT:

Lehenengoa.– Baimena ematea, jarraian deskribatzen den ikastetxe pribatuaren jarduera pixkanaka eteteko, Donostiako udalerriko «Santa Teresa» Haur, Lehen eta Bigarren Hezkuntzako ikastetxe pribatuan integratzearen ondorioz:

Kode-zenbakiak: 012518 (EAE) eta 20004757 (unibertsala).

Izen orokorra: Haur, Lehen eta Bigarren Hezkuntzako ikastetxe pribatua.

Izen espezifikoa: «Manuel de Larramendi».

Titularra: «Fundación Elikel».

Helbidea: Heriz, 82.

Udalerria: Donostia / San Sebastián.

Lurralde historikoa: Gipuzkoa.

Bigarrena.– Baimena ematea, jarraian deskribatzen den ikastetxe pribatuaren jarduera pixkanaka eteteko, Donostiako udalerriko «Santa Teresa» Haur, Lehen eta Bigarren Hezkuntzako ikastetxe pribatuan integratzearen ondorioz:

Kode-zenbakiak: 012525 (EAE) eta 20004368 (unibertsala).

Izen orokorra: Haur, Lehen eta Bigarren Hezkuntzako ikastetxe pribatua.

Izen espezifikoa: «Nuestra Señora de Aránzazu».

Titularra: «Fundación Educativa Jesuitinas».

Helbidea: Errondo gaina 121.

Udalerria: Donostia / San Sebastián.

Lurralde historikoa: Gipuzkoa.

Hirugarrena.– Lehenengo eta bigarren puntuetan aipatutako ikastetxeen jarduera eteteak ondoren zehazten den moduan izango ditu ondorioak:

• 2023ko irailaren 1ean: Haur Hezkuntzako 1. zikloari eta Haur Hezkuntzako 2. zikloko 1. mailari dagozkien irakaskuntzak iraungitzea.

• 2024ko irailaren 1ean: Haur Hezkuntzako Bigarren Zikloko 2. eta 3. mailei dagozkien irakaskuntzak iraungitzea, baita Lehen Hezkuntzakoak ere.

• 2025eko irailaren 1ean: Derrigorrezko Bigarren Hezkuntzako eta Batxilergoko etapari dagozkion irakaskuntzak iraungitzea.

Laugarrena.– Manuel de Larramendi» eta «Nuestra Señora de Aránzazu» Haur, Lehen eta Bigarren Hezkuntzako ikastetxe pribatuen jarduera behin betiko eteteak 2025eko irailaren 1etik aurrera izango ditu ondorioak, eta baja emango zaie Hezkuntza Saileko ikastetxe ez unibertsitarioen erregistroan egindako inskripzioei.

Bosgarrena.– Adierazitako integrazioaren ondorioz, 2024-2025 ikasturtetik aurrera baimena ematen da Donostiako (Gipuzkoa) «Santa Teresa» ikastetxe pribatuaren baimena aldatzeko. 2024ko irailaren 1etik aurrera, ikastetxe hori Hezkuntza Saileko unibertsitateaz kanpoko ikastetxeen erregistroan inskribatuta geratuko da, erregistroko datu hauekin:

Kode-zenbakiak: 012547 (EAE) eta 20004149 (unibertsala).

Izen orokorra: Haur, Lehen eta Bigarren Hezkuntzako ikastetxe pribatua.

Izen espezifikoa: «Santa Teresa».

Titularra: Fundación Escuela Teresiana.

Helbidea: Manuel Lardizabal, 25.

Udalerria: Ibaeta – Donostia / San Sebastián.

Lurralde historikoa: Gipuzkoa.

Baimendutako irakaskuntzak:

– Haur Hezkuntzako 1. zikloa: 4 unitate:

• 2 unitate 1-2 urte bitarteko haurrentzat, 13 ikaspostuko edukierakoa bakoitza.

• 2 unitate 2-3 urte bitarteko haurrentzat, 18 ikaspostuko edukierakoa bakoitza.

– Haur Hezkuntzako 2. zikloa: 5 unitate 125 ikaspostuko edukierakoa.

– Lehen Hezkuntza: 13 unitate, 325 ikaspostuko edukierakoa.

– Derrigorrezko Bigarren Hezkuntza: 8 unitate, 240 ikaspostuko edukierakoa.

– Batxilergoa: «Zientziak eta Teknologia», «Giza eta Gizarte Zientziak» eta «Orokorra» modalitateak: 4 unitate, 140 ikaspostuko edukierakoa.

– Hezkuntza berezia: 2 gela ireki.

Seigarrena.– Emandako baimena indarrean dagoen bitartean, zehaztutako zentroen erakunde titularretako bakoitzak indarrean dagoen araudia bete beharko du, ikaspostu-kopuruari, ekipamenduari, titulazio akademikoari, irakasleen hizkuntza-eskakizunari eta indarrean dagoen eta aplikagarri den gainerako legeriari dagokienez. Era berean, dagokion aldaketa eskatu beharko du, bere legezko ordezkariaren bitartez, zentroaren gaineko erregistroko edozein datu aldatu behar denean. Bestela, emandako baimena baliogabetu egingo litzateke.

Zazpigarrena.– Ikastetxeek martxoaren 17ko 314/2006 Errege Dekretuaren bidez onartutako Eraikuntzako Kode Teknikoa bete beharko dute, bai eta indarreko legeriak ezartzen dituen higiene-, osasun-, akustika-, bizigarritasun-, segurtasun- eta irisgarritasun-baldintzak ere. Ikastetxearen titularraren erantzukizuna izango da baldintza horiek betetzea.

AZKEN XEDAPENETAKO LEHENENGOA

Agindu honetan dagoen baimen-emateak ez du esan nahi hezkuntza-itunen araubidearen edo dirulaguntzen deialdien bitartez laguntzarik lortuko denik.

AZKEN XEDAPENETAKO BIGARRENA

Agindu honen kontra aukerako berraztertzeko errekurtsoa aurkez dakioke Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2024ko otsailaren 29a.

Hezkuntzako sailburua,

JOKIN BILDARRATZ SORRON.

Azterketa dokumentala