RSS
18. zk., 2024ko urtarrilaren 24a, asteazkena
- Bestelako formatuak:
- PDF (127 KB - 3 orri.)
- EPUB (113 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
TURISMO, MERKATARITZA ETA KONTSUMO SAILA
384
IRAGARKIA, zeinaren bidez jakinarazten baita Kontsumobideko zuzendariaren 2023ko azaroaren 16ko Ebazpena, kontsumo arloko SAN-20A001-185-2023 zehapen-espedientea ebazten duena.
Ezinezkoa izan da ebazpen hori aurrez aurre jakinaraztea, eta, horregatik, iragarki hau argitaratzen da, hala xedatuta baitago Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan.
Horren arabera, jakinarazten da SAN-20A001-185-2023 zenbakiko zehapen-prozeduraren 2023ko azaroaren 16ko Ebazpena eman dela, 22576568K NAN/IFK/IFZ/Pasaportea duenari zuzendua.
Espedientearen deskribapena:
Hautsitako araua: Kontsumitzaile eta Erabiltzaileen Estatutuari buruzko 4/2023 Legearen 139.13 eta 141.01 artikuluak.
Arau-haustearen deskribapena: kontsumitzaileari edo erabiltzaileari kontsumo-harremana egiaztatzen duen faktura edo agiria ez ematea, nahitaezko baldintzak bete gabe ematea, edo emateagatiko prezioa kobratzea edo handitzea. Ikuskapen-lanak errazteari edo agintari eskudunek edo haien agenteek beren eginkizunak betetzeko eskatutako datuak edo informazioak emateari uko egitea edo eragoztea; eta informazio okerra edo osatugabea edo dokumentazio faltsua ematea.
Ezarritako zehapena: 1.800 euro.
Legezko oharrak: ebazpen horrek ez dio amaiera ematen administrazio-bideari; eta, berorren aurka, gora jotzeko errekurtsoa aurkez dakioke Turismo, Merkataritza eta Kontsumoko sailburuari, hilabeteko epean, ebazpena jakinarazi eta hurrengo egunetik aurrera.
Halaber, jakinarazten zaio honela ordaindu beharko duela zehapena:
Jakinarazpena hilaren 1etik 15era bitartean egin bada, egun horretatik hurrengo hilaren 5era bitartean, edo egun hori jaieguna bada, hurrengo egun baliodunera arte.
Jakinarazpena hilaren 16tik hileko azken egunera bitartean egin bada, egun horretatik hurrengo hilaren 20ra bitartean, edo egun hori jaieguna bada, hurrengo egun baliodunera arte.
Ebazpen honen aurka gora jotzeko errekurtsoa aurkezteko dagoen hilabeteko epea orokorrean ezarritako epea baino geroago amaitzen bada, ordaintzeko epea errekurtsoa jartzeko epea amaitu eta hurrengo egun baliodunean amaituko da, betiere, errekurtsoa aurkezten ez bada; hori guztia, Euskal Autonomia Erkidegoko Ogasunaren Dirubilketa Araudia onartzen duen abuztuaren 31ko 212/1998 Dekretuaren 44. artikuluak 1., 3. eta 4. apartatuetan xedatutakoaren arabera egingo da.
Ordaintzean, adierazi beharko da zein diren zigortuaren NAN/IFZ/AIZ/Pasaportea (22576568K) eta espediente-zenbakia (SAN-20A001-185-2023), bai eta espedientea Kontsumobide-Kontsumoko Euskal Institutuari dagokiola ere. BBVAren (Banco Bilbao Vizcaya Argentaria) kontu honetan egingo da ordainketa: 0182 5685 07 0000226271, Euskal Autonomia Erkidegoko Diruzaintza Nagusiaren kontu nagusia.
Horren berri ematen da, eranskinean aipatzen den interesduna jakitun izan dadin eta jakinarazpentzat har dezan.
Jakinarazpen honek Estatuko Aldizkari Ofizialean argitaratu eta hurrengo egunetik aurrera izango ditu ondorioak.
Vitoria-Gasteiz, 2024ko urtarrilaren 12a.
Kontsumobide-Kontsumoko Euskal Institutuaren zuzendariaren ordez (2023ko azaroaren 9ko Agindua, Turismo, Merkataritza eta Kontsumoko sailburuarena).
Turismo eta Merkataritzako sailburuordea,
JESÚS MARÍA GARCÍA DE COS.
