RSS
14. zk., 2024ko urtarrilaren 18a, osteguna
- Bestelako formatuak:
- PDF (103 KB - 2 orri.)
- EPUB (114 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
EKONOMIAREN GARAPEN, JASANGARRITASUN ETA INGURUMEN SAILA
258
EBAZPENA, 2024ko urtarrilaren 9koa, Industriako sailburuordearena, zeinaren bidez argitara ematen baita Deskarbonizazio Industrialeko Programaren esparruan aurreikusitako laguntzen 2023ko erakunde onuradunen zerrenda. Euskal Autonomia Erkidegoan beren ekoizpen-prozesu industrialetan deskarbonizazioaren bidez ingurumenaren babes-maila hobetzeko inbertsioak egiten dituzten enpresei emango zaizkie laguntza horiek. Deskarbonizazio Industrialeko Programa, 2023. urtea.
Dirulaguntza publikoak emateko orduan, ezinbestean bete behar da publikotasun-printzipioa. Hori dela eta, Deskarbonizazio Industrialeko Programa arautzen duen Ekonomiaren Garapen, Jasangarritasun eta Ingurumeneko sailburuaren 2023ko irailaren 12ko Aginduaren babesean emandako laguntzei dagokienez –Euskal Autonomia Erkidegoan inbertsioak egiten dituzten eta, deskarbonizazioaren bidez, beren ekoizpen-prozesu industrialetan ingurumenaren babes-maila hobetzen duten enpresentzako laguntzak. Deskarbonizazio Industrialeko Programa 2023–, eta laguntzak emateko ebazpena banan-banan jakinarazi ostean enpresa interesdun bakoitzari, ebazpen honen bidez, adjudikaziodunen zerrenda argitaratzen da Euskal Herriko Agintaritzaren Aldizkarian.
Hori horrela, aurreko paragrafoan adierazitakoarekin bat etorriz, hau
EBAZTEN DUT:
Artikulu bakarra.– Deskarbonizazio Industrialeko Programa arautzen duen Ekonomiaren Garapen, Jasangarritasun eta Ingurumeneko sailburuaren 2023ko irailaren 12ko Aginduaren esparruan emandako laguntzen 2023ko onuradunen zerrenda argitaratzea –Euskal Autonomia Erkidegoan inbertsioak egiten dituzten eta, deskarbonizazioaren bidez, beren ekoizpen-prozesu industrialetan ingurumenaren babes-maila hobetzen duten enpresentzako laguntzak–. Hori guztia ebazpen honen eranskinean jasotakoaren arabera.
Vitoria-Gasteiz, 2024ko urtarrilaren 9a.
Industriako sailburuordea,
MIKEL AMUNDARAIN LEIBAR.
