RSS
12. zk., 2024ko urtarrilaren 16a, asteartea
- Bestelako formatuak:
- PDF (536 KB - 35 orri.)
- EPUB (2429 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
EKONOMIAREN GARAPEN, JASANGARRITASUN ETA INGURUMEN SAILA
206
EBAZPENA, 2023ko abenduaren 27koa, Nekazaritza eta Abeltzaintzako zuzendariarena, zeinaren bidez aparteko dirulaguntzak onartzen baitira ardogintza-sektorerako 2023rako, Errioxa JDK jatorri-deitura kalifikatuaren babespean dauden mahastizainentzat, Ukrainako gerra dela-eta urrituta ikusi dituztelako enpresa-errendimenduak. Laguntza horiek Ekonomiaren Garapen, Jasangarritasun eta Ingurumeneko sailburuaren 2023ko irailaren 26ko Aginduaren bidez onartu ziren 2023rako.
Ekonomiaren Garapen, Jasangarritasun eta Ingurumeneko sailburuaren 2023ko irailaren 26ko Aginduaren bidez, aparteko dirulaguntzak onartu ziren ardogintza-sektorerako 2023rako, Errioxa JDK jatorri-deitura kalifikatuaren babespean dauden mahastizainentzat, Ukrainako gerra dela-eta urrituta ikusi dituztelako enpresa-errendimenduak.
2023ko irailaren 26ko Agindu horren 8. oinarriaren arabera, Eusko Jaurlaritzako Nekazaritza eta Abeltzaintza Zuzendaritza da laguntzak kudeatzeko eta ebazteko organo eskuduna.
Nekazaritza eta Abeltzaintzako zuzendariaren 2023ko urriaren 26ko Ebazpenaren bidez, Euskal Autonomia Erkidegoko Administrazio Publikoaren egoitza elektronikoan argitaratu zen baldintzak betetzen dituzten ustiategien titularren behin-behineko zerrenda, bai eta zenbatutako hektarea-kopurua ere, eta hamar egun balioduneko epea eman zen datuak onartzeko, ez sartzeko edo aldatzeko eskatzeko. Behin-behineko zerrendan agertu ezean, eta ezarritako baldintzak betetzen badituzte, zerrendan sartzeko eskaera egin eta dagozkion egiaztagiriak aurkeztu beharko dituzte.
Era berean, 2023ko azaroaren 27an, Nekazaritza eta Abeltzaintzako zuzendariaren ebazpena argitaratu zen Euskal Autonomia Erkidegoko Administrazio Publikoaren egoitza elektronikoko iragarki-taulan. Ebazpen horren bidez, Errioxako Jatorri Deitura Kalifikatuak (JDK) babestutako mahastizainei laguntzeko ardoaren sektoreari 2023. urtean Ukrainiako gerraren ondoriozko enpresa-errendimenduak murrizteagatik emandako ezohiko laguntzen inguruan zerbait zuzendu edo egiaztatu behar duten ustiategien titularren zerrenda argitaratu zen.
Aurreko guztia kontuan hartuta, eta aurkeztutako alegazioak aztertu ondoren, egiaztatu da ebazpen honen I. eranskinean agertzen diren onuradunek betetzen dituztela laguntza jasotzeko 2023ko irailaren 26ko Aginduan ezarritako baldintzak; besteak beste, zerga-betebeharrak eta Gizarte Segurantzarekikoak egunean izatea. Era berean, baldintza horiek betetzen ez dituzten ustiategiko titularrak zehaztu dira, eta, beraz, laguntza ukatu behar zaie, II. eranskinean agertzen direnak.
Laguntzaren zenbatekoa kalkulatzeko, 2023ko irailaren 26ko Aginduaren 7. oinarrian ezarritako zenbateko unitarioak aplikatu dira:
A) Mahats beltzaren etekin ekonomikoak konpentsatzeko laguntza:
a) = 30 ha-ko ustiapenak: 390 euro/ha.
b) >30-60 ha-ko ustiapenak: 260 euro/ha.
c) > 60 ha-ko ustiapenak: 130 euro/ha.
B) Errendimendua murrizteko eragiketek eragindako galera ekonomikoak eta kostu gehigarriak konpentsatzeko laguntza.
a) = 15 ha-ko ustiapenak: 1.100 euro/ha.
b) >15-30 ha-ko ustiapenak: 825 euro/ha.
c) > 30 ha-ko ustiapenak: 550 euro/ha.
2023ko irailaren 26ko Aginduaren 7. oinarriarekin bat etorriz, eskatzaile bakoitzeko laguntzaren gehieneko zenbatekoa ez da inola ere 250.000 eurotik gorakoa izango.
Horregatik guztiagatik, honako hau
EBATZI DUT:
Lehenengoa.– Ebazpen honen I. eranskinean zerrendatutako ustiategien titularrei ematea Ekonomiaren Garapen, Jasangarritasun eta Ingurumeneko sailburuaren 2023ko irailaren 26ko Aginduan araututako laguntzak. Agindu horren bidez, ardoaren sektorerako aparteko laguntzak onartzen dira 2023rako, Errioxa Jatorri Deitura Kalifikatuaren (JDK) babespean dauden mahastizainei laguntzeko, Ukrainako gerraren ondorioz enpresek dituzten etekinak murrizteagatik. Laguntza horiek 2023ko aurrekontuaren kargura ordainduko dira.
Bigarrena.– Ebazpen honen II. eranskinean zerrendatutako ustiategien titularrei ukatzea Ekonomiaren Garapen, Jasangarritasun eta Ingurumeneko sailburuaren 2023ko irailaren 26ko Aginduan araututako laguntzak. Agindu horren bidez, ardoaren sektorerako aparteko laguntzak onartzen dira, 2023rako, Errioxa Jatorri Deitura Kalifikatuaren (JDK) babespean dauden mahastizainei laguntzeko, Ukrainako gerraren ondoriozko enpresa-etekinak murrizteagatik. Ukatzeko arrazoia II. eranskin horretan bertan adierazitakoa da.
Hirugarrena.– Ebazpen honek ez dio amaiera ematen administrazio-bideari, eta, beraren aurka, gora jotzeko errekurtsoa aurkez dakioke Nekazaritzako, Arrantzako eta Elikagai Politikako sailburuordeari, hilabeteko epean, ebazpena jakinarazi eta hurrengo egunetik aurrera.
Vitoria-Gasteiz, 2023ko abenduaren 27a.
Nekazaritza eta Abeltzaintzako zuzendaria,
JORGE GARBISU BUESA.
