Euskal Herriko Agintaritzaren Aldizkaria

12. zk., 2024ko urtarrilaren 16a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GOBERNANTZA PUBLIKO ETA AUTOGOBERNU SAILA

202

1/2024 EBAZPENA, urtarrilaren 8koa, Jaurlaritzaren Idazkaritzako eta Legebiltzarrarekiko Harremanetarako zuzendariarena, zeinaren bidez argitara ematen baita Universidad del Pais Vasco / Euskal Herriko Unibertsitatearekin sinatutako hitzarmenaren luzapena, Familia eta Komunitateko Medikuntzako Gela sortu eta martxan jartzekoa.

Euskal Autonomia Erkidegoko Administrazio Orokorrak sinatu egin du aipatutako hitzarmena, eta, publikotasun egokia emateko, honako hau

EBAZTEN DUT:

Artikulu bakarra.– Euskal Herriko Agintaritzaren Aldizkarian argitaratzea UPV/EHUrekin sinatutako hitzarmenaren luzapena, Familia eta Komunitateko Medikuntzako Gela sortu eta martxan jartzekoa. Hitzarmen hori ebazpen honen eranskin gisa agertzen da.

Vitoria-Gasteiz, 2024ko urtarrilaren 8a.

Jaurlaritzaren Idazkaritzako eta Legebiltzarrarekiko Harremanetarako zuzendaria,

MARIA BEGOÑA OTALORA ARIÑO.

ERANSKINA, JAURLARITZAREN IDAZKARITZAKO ETA LEGEBILTZARRAREKIKO HARREMANETARAKO ZUZENDARIAREN URTARRILAREN 8KO 1/2024 EBAZPENARENA

2023KO URTARRILAREN 24AN EUSKAL AUTONOMIA ERKIDEGOKO ADMINISTRAZIO OROKORRAREN ETA EUSKAL HERRIKO UNIBERTSITATEAREN ARTEAN SINATUTAKO LANKIDETZA-HITZARMENA LUZATZEKOA, FAMILIA ETA KOMUNITATEKO MEDIKUNTZAKO GELA BAT SORTZEKO ETA MARTXAN JARTZEKO

BILDU DIRA:

Alde batetik, Miren Gotzone Sagardui Goikoetxea, Eusko Jaurlaritzako Osasuneko sailburua, Gobernu Kontseiluaren 2023ko irailaren 26ko Erabakiaren bidez egintza honetarako ahaldundua.

Bestetik, Eva Ferreira García, Universidad del País Vasco/Euskal Herriko Unibertsitateko (IFK: Q4818001B) errektore bikaina den aldetik, hitzarmen hau sinatzeko ahalmena du, urtarrilaren 19ko 10/2021 Dekretuan diputazioari ematen zaizkion eskumenen arabera.

Eta hitzarmenaren aplikazio-zentroaren arduradun gisa, Joseba Pineda Ortiz jauna, Euskal Herriko Unibertsitateko Medikuntza eta Erizaintza Fakultateko dekanoa.

Alderdiek hitzarmena luzatzeko gehigarri hau sinatzeko behar den gaitasun juridikoa berresten dute, eta horren arabera, honako hau

ADIERAZTEN DUTE:

I.– Euskal Autonomia Erkidegoko Administrazio Orokorrak eta Euskal Herriko Unibertsitateak (aurrerantzean, UPV/EHU) lankidetza-hitzarmen bat sinatu zuten 2023ko urtarrilaren 24an, Familia eta Komunitateko Medikuntzako Ikasgela bat sortzeko eta martxan jartzeko.

II.– Seigarren klausularen arabera, hitzarmena beste bi urtez luzatu ahal izango da.

III.– Bi aldeek beharrezkotzat jotzen dute lankidetzari eustea irakaskuntzaren, ikerketaren eta ikerketa-jardueraren emaitzak osasunaren lehen mailako arretarekin, komunitate-arretarekin, osasun publikoarekin edo lehen mailako arretaren esparruan interesgarritzat jotzen diren beste arlo batzuekin lotutako gai espezifiko bihurtzeko jardueren garapenean, eta, ondorioz, UPV/EHUn Familia eta Komunitate Medikuntzako Gela bat diseinatu eta ezartzea.

Horregatik guztiagatik, aldeek

ADOSTEN DUTE:

Lehenengoa.– 2023ko urtarrilaren 24an sinatutako lankidetza-hitzarmena luzatzea, Familia eta Komunitateko Medikuntzako Ikasgela bat sortu eta martxan jartzekoa.

Bigarrena.– Luzapen hori 2024ko urtarrilaren 1etik 2025eko abenduaren 31ra arte egongo da indarrean.

Hirugarrena.– 2023ko urtarrilaren 24an sinatutako hitzarmenaren gainerako klausulek berdin jarraituko dute.

Eta ados daudela eta onartzen dutela erakusteko, alderdiek jatorrizko agiri elektroniko bakar batean sinatzen dute hitzarmen hau, sinadura elektronikoaren azken egunean.

Osasun sailaren aldetik.

Osasuneko sailburua,

MIREN GOTZONE SAGARDUI GOIKOETXEA.

UPV/EHU-ren aldetik.

Universidad del País Vasco / Euskal Herriko Unibertsitateko errektorea,

EVA FERREIRA GARCÍA.

Medikuntza eta Erizaintza Fakultateko dekanoa,

JOSEBA PINEDA ORTIZ.

Azterketa dokumentala