Euskal Herriko Agintaritzaren Aldizkaria

231. zk., 2023ko abenduaren 4a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA

5413

AGINDUA, 2023ko azaroaren 14koa, Hezkuntzako sailburuarena, Laudion (Araba) dagoen «Fabián Legorburu» Haur eta Lehen Hezkuntzako Ikastetxearen izen espezifikoaren aldaketa onartzeko dena.

Abenduaren 29ko 3/2020 Lege Organikoak aldatutako Hezkuntzari buruzko maiatzaren 3ko 2/2006 Lege Organikoaren 111. artikuluan eta Euskal Autonomi Erkidegoan unibertsitateaz kanpoko ikastetxeen sarea antolatzeko eta planifikatzeko irizpideak ezartzen dituen otsailaren 3ko 21/2009 Dekretuaren 6.artikuluan (otsailaren 28ko 30/2023 Dekretuak aldatua), xedatutakoaren arabera, haur hezkuntza eskaintzen duten ikastetxe publikoei, haur eskola deituko zaie eta lehen hezkuntza eskaintzen dutenei, berriz, lehen hezkuntzako ikastetxe. Bestalde, Hezkuntza, Hizkuntza Politika eta Kulturako sailburuaren 2016ko otsailaren 4ko Aginduak Euskal Autonomia Erkidegoko ikastetxeen izen orokorra eguneratzen du.

Hezkuntzarako Eskubidea arautzen duen uztailaren 3ko 8/1985 Lege Organikoaren 13. artikuluan ezartzen denez, ematen dituzten irakaskuntzei dagokien izen orokorraz gain, ikastetxeek izen espezifikoa izan behar dute.

Haur Hezkuntzako Eskolen eta Lehen Hezkuntzako Ikastetxeen Araudi Organikoa onartzen duen urtarrilaren 26ko 82/1996 Errege Dekretuaren 4. artikuluaren arabera, eskola-kontseiluari dagokio ikastetxearen izen espezifikoaren proposamena egitea.

Laudioko (Bizkaia) «Fabian Legorburu» Haur eta Lehen Hezkuntzako Ikastetxearen izen espezifikoa aldatzeko eskabidea aztertu da. Ikastetxe horretako Ordezkaritza Organo Gorenak erabaki zuen eskaera hori egitea 2023ko irailaren 18an, ikastetxearen autonomia-esparruko azken arduraduna den aldetik, Euskal Eskola Publikoari buruzko otsailaren 19ko 1/1993 Legearen 31. artikuluan ezarritakoaren arabera.

Espediente hori ezarritako prozeduraren arabera izapidetu da, indarreko arauek eskatzen dituzten agiriak erantsi zaizkio eta horretan eskumena duen Hezkuntzako Ikuskaritzak aldeko txostena egin du, Jaurlaritzari buruzko ekainaren 30eko 7/1981 Legearen 26. artikuluak eta Hezkuntza Sailaren egitura organikoa eta funtzionala ezartzen duen otsailaren 23ko 71/2021 Dekretuaren 4. artikuluak esleitutako eskumenak baliatuz.

EBAZTEN DUT:

Lehenengoa.– 2023-2024 ikasturtetik aurrera, Laudioko udalerrian (Araba), Areta 43 kalean, dagoen «Fabián Legorburu» Haur eta Lehen Hezkuntzako Ikastetxearen izen espezifikoa aldatzea onartzen da; aurrerantzean, «Areta Herri Eskola» Haur eta Lehen Hezkuntzako Ikastetxea izango du izena. Ikastetxeak 010027 (EAE) eta 01000378 (unibertsala) kode-zenbakiak ditu.

Bigarrena.– Ikastetxearen izen espezifiko berria Hezkuntza Sailaren Unibertsitateaz kanpoko Ikastetxeen Erregistroan inskribatuko da, eta horren berri emango zaio unibertsitateaz kanpoko ikastetxeen Estatuko Erregistroari.

AZKEN XEDAPENA

Agindu honen aurka, aukerako berraztertze-errekurtsoa aurkez dakioke Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta biharamunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta biharamunetik aurrera.

Vitoria-Gasteiz, 2023ko azaroaren 14a.

Hezkuntzako sailburua,

JOKIN BILDARRATZ SORRON.

Azterketa dokumentala