Euskal Herriko Agintaritzaren Aldizkaria

214. zk., 2023ko azaroaren 9a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

HEZKUNTZA SAILA

5046

AGINDUA, 2023ko urriaren 30ekoa, Hezkuntzako sailburuarena, zeinaren bidez argitara ematen baitira, batetik, 2022ko irailaren 22ko eta azaroaren 30eko aginduen bidez egindako deialdiko iraupen luzeko aldi baterako enplegua egonkortzeko salbuespenezko prozesuan hautatutako pertsonen bigarren zerrenda osagarria, eta, bestetik, uko egiteagatik edo deialdian eskatutako baldintzak ez betetzeagatik karrerako funtzionario izendatzeko eskubideak indargabetzen dituzten bigarren hautatuen zerrenda; eta, halaber, 2023ko uztailaren 26ko Agindua aldatu, zeinak argitara eman baitzuen hautatutako pertsonen eta aipatutako prozesuan karrerako funtzionario izendatzeko eskubideak galdu dituzten pertsonen lehen zerrenda osagarria.

Hezkuntzako sailburuaren 2022ko irailaren 22ko Aginduaren 7.5 oinarrian eta sailburu beraren 2022ko azaroaren 30eko Aginduaren 7.6 oinarrian ezarritakoaren arabera (agindu horren bidez, aldi baterako enplegua egonkortzeko salbuespenezko prozesurako deialdia egin zen kidego hauetan: Bigarren Hezkuntzako irakasleak, Hizkuntza Eskola Ofizialak, Musika eta Arte Eszenikoak, Arte Plastikoak eta Diseinua, Maisu-maistrak, desagertzear dagoen Lanbide Heziketako irakasle teknikoak eta Lanbide Heziketako Sektore Berezietako irakasle espezialistak), ordezko hautatutakoen zerrenda egin zen, aldez aurretik hautatutako izangaiek izaera hori galtzen badute erabili ahal izateko, arrazoi hauengatik:

– Hautaketa-prozeduratik eratorritako eskubideei uko egiteko 2023ko irailaren 30era arte aurkeztu eta onartutako uko-egiteengatik.

– 8. oinarrian eskatutako dokumentazioa ez aurkezteagatik, edo aurkeztu eta ondorioztatzeagatik ez dutela betetzen 2. oinarrian eskatutako baldintzaren bat.

Bestalde, Hezkuntzako sailburuaren 2022ko irailaren 22ko Aginduaren 7.5 oinarriaren hirugarren paragrafoaren (azkena) eta Hezkuntzako sailburuaren 2022ko azaroaren 30eko Aginduaren 7.6 oinarriaren hirugarren paragrafoaren (azkena) arabera, jada hautatuak izan diren pertsonak ordezko izendatu zituzten espezialitatean sartu ahal dira, adierazitako oinarrietan aurreikusitako aukera baliatu ondoren.

Hezkuntzako sailburuaren 2023ko uztailaren 26ko Aginduaren bidez, argitara eman zen Hezkuntzako sailburuaren 2022ko irailaren 22ko eta azaroaren 30eko aginduen bidez egindako deialdiko iraupen luzeko aldi baterako enplegua egonkortzeko salbuespenezko prozesuan hautatutako pertsonen zerrenda osagarria, bai eta uko egiteagatik edo deialdian eskatutako baldintzak ez betetzeagatik karrerako funtzionario izendatzeko eskubideak indargabetzen dituzten pertsona hautatuen zerrenda ere. Hala ere, agindu horretan ez ziren sartu hautatutako ordezko guztiak, uko egiteagatik edo deialdian eskatutako baldintzaren bat betetzen ez zuten pertsonak egoteagatik (agindu horretan agertzen zirenak). Beraz, agindu honen bidez, hautatutako ordezkoen zerrenda osatzen da, eta, gainera, uko-egite berriak sartzen dira, deialdian eskatutako baldintzak betetzen ez dituzten pertsonen zerrenda, eta, ondorioz, hautatutako ordezkoen zerrenda.

Bestalde, Hezkuntzako sailburuaren 2023ko uztailaren 26ko Agindua aldatzen da, kontuan hartuta hautatutako izangai bat oker sartu dela III. eranskinean (eskatutako baldintzaren bat ez betetzeagatik karrerako funtzionario izendatzeko eskubide guztiak galtzen dituzten hautatuen zerrenda).

Hori guztia ikusita, eta Hezkuntzako sailburuaren 2022ko irailaren 22ko Aginduaren 7.5 eta 8.4 oinarrietan eta sailburu beraren 2022ko azaroaren 30eko Aginduaren 7.6 eta 8.4 oinarrietan xedatutakoarekin bat etorriz, honako hau

EBAZTEN DUT:

Lehenengoa.– Argitaratzea I. eranskinean ordezkoen zerrendan ageri den puntuazio-hurrenkeraren arabera hautatutakoen bigarren zerrenda osagarria, eta pertsona horiek hautatutzat jotzea Hezkuntzako sailburuaren 2022ko irailaren 22ko eta azaroaren 30eko aginduen bidez egindako deialdiko iraupen luzeko aldi baterako enplegua egonkortzeko salbuespenezko prozesuan.

Bigarrena.– Argitaratzea II. eranskinean hautaketa-prozeduratik eratorritako eskubideei uko egin dieten hautatuen bigarren zerrenda. Eranskin horren barruan, a) apartatuan, 2023ko irailaren 30era arte aurkeztutako uko-egiteak ageri dira. Eta b) apartatuan, 2023ko irailaren 30etik aurrera aurkeztutako uko-egiteak agertzen dira.

Hirugarrena.– Argitaratzea III. eranskinean Hezkuntzako sailburuaren 2022ko irailaren 22ko eta azaroaren 30eko aginduen 2.1 eta 2.2 oinarrietan eskatutako betekizunen bat ez betetzeagatik karrerako funtzionario izendatzeko eskubide guztiak galtzen dituzten hautatutako pertsonen zerrenda.

Laugarrena.– Argitaratzea IV. eranskinean espezialitate batean hautatutakoen zerrenda, uko egitearen edo beste arrazoi batzuen ondorioz, ordezkotzat jotako beste espezialitate batean sartzen direnak, Hezkuntzako sailburuaren 2022ko irailaren 22ko Aginduaren 7.5 oinarrian eta Hezkuntzako sailburuaren 2022ko azaroaren 30eko Aginduaren 7.6 oinarrian aurreikusitako aukera baliatu ondoren.

Bosgarrena.– Argitaratzea V. eranskinean hautaketa-prozesuaren ondoriozko eskubideei uko egin dieten ordezkoen zerrenda.

Seigarrena.– VI. eranskinean argitaratzea Hezkuntzako sailburuaren 2022ko irailaren 22ko eta azaroaren 30eko aginduen 2.1 eta 2.2 oinarrietan eskatutako baldintzaren bat betetzen ez duten ordezkoen zerrenda.

Zazpigarrena.– Aldatzea Hezkuntzako sailburuaren 2023ko uztailaren 26ko Aginduaren III. eranskina. Agindu horren bidez, argitara ematen da, batetik, Hezkuntzako sailburuaren 2022ko irailaren 22ko eta azaroaren 30eko aginduen bidez egindako deialdiko iraupen luzeko aldi baterako enplegua egonkortzeko salbuespenezko prozesuan hautatutako pertsonen zerrenda osagarria, eta, bestetik, uko egiteagatik edo deialdian eskatutako baldintzak ez betetzeagatik karrerako funtzionario izendatzeko eskubideak indargabetzen dituzten hautatuen zerrenda. Eranskin horretatik kanpo geratzen da agindu honen VII. eranskinean agertzen den pertsona, kontuan hartuta hautatu gisa jarraitu behar duela.

Zortzigarrena.– Agindu hau eta aipatutako zerrendak Euskal Herriko Agintaritzaren Aldizkarian eta Hezkuntza Sailaren Interneteko helbide honetan argitaratuko dira:

LHko sektore berezietako irakasle espezialistentzat:

https://hezigunea.euskadi.eus/ («Erabiltzailea (NAN/AIZ )» eta «Pasahitza» sartuz) – «Arlo pertsonala» – «Izapideak langileekin» – «Administrazio-izapideak» – «2022ko EPE. Irakasleak. Egonkortzeko salbuespenezko prozesua – LHko sektore berezietako irakasle espezialistak – «Berriak»

Gainerako kidegoetarako:

https://hezigunea.euskadi.eus/ («Erabiltzailea (NAN/AIZ)» eta «Pasahitza» sartuz) – «Arlo pertsonala» – «Izapideak langileekin» – «Administrazio-izapideak» – «2022ko EPE. Irakasleak. Egonkortzeko salbuespenezko prozesua» – «Berriak»

Bederatzigarrena.– Hamar egun naturaleko epea irekitzea, agindu hau Euskal Herriko Agintaritzaren Aldizkarian argitaratu eta hurrengo egunetik aurrera, I. eranskinean jasotako izangai hautatuek Hezkuntzako sailburuaren 2022ko irailaren 22ko eta azaroaren 30eko aginduen 8.1 oinarrian adierazitako dokumentuak aurkez ditzaten.

Dokumentazioa linean aurkeztuko da, https://hezigunea.euskadi.eus/ («Erabiltzailea (NAN/AIZ)» eta «Pasahitza» sartu beharko dira) – Tramitagune – «Administrazio-espedienteak: eskabideak, erreklamazio formalak, errekurtsoak» – «Hautaketa-prozedurak» – «EPE 2022. Salbuespenezko egonkortze-prozesua» – «Merezimendu-lehiaketa». Agindu honen VIII. eranskinean argitaratzen dira zinpeko aitorpenaren eredua eta «Hautatuek dokumentazioa entregatzea», bete eta adierazitako helbidean aurkeztu beharrekoak.

Hamargarrena.– Eskatzen den dokumentazioa aurkezten ez dutenek, edo dokumentazio hori aztertuta ondorioztatzen bada deialdiaren 2. oinarrian adierazitako baldintzaren bat betetzen ez dutela, karrerako funtzionario izendatzeko eskubide guztiak galduko dituzte, hargatik eragotzi gabe hasierako eskabidean faltsukeriak egiteagatiko erantzukizuna. Era berean, eskubide guztiak galduko dituzte azterketa medikoan ez-gaitzat jotzen direnek.

Hamaikagarrena.– Martxoaren 9ko 47/1993 Dekretuan, uztailaren 23ko 182/2002 Dekretuan edo abuztuaren 30eko 190/2011 Dekretuan xedatutako kasuetan dauden pertsonek, hala badagokie, 3 urteko epea izango dute, karrerako funtzionario gisa lanpostuaz jabetzen direnetik, dagokien hizkuntza-eskakizuna egiaztatzeko. Beraz, karrerako funtzionario izendatzeko, deialdian ezarritako hizkuntza-eskakizuna egiaztatu beharko dute, adierazitako epean. Hori egiaztatzen ez badu, adierazitako izendapenak ondoriorik gabe geratuko dira.

Hamabigarrena.– Agindu honen aurka, berraztertzeko errekurtsoa aurkeztu ahal izango diote interesdunek Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2023ko urriaren 30a.

Hezkuntzako sailburua,

JOKIN BILDARRATZ SORRON.

(Ikus .PDF)

Azterketa dokumentala