RSS
170. zk., 2023ko irailaren 6a, asteazkena
- Bestelako formatuak:
- PDF (93 KB - 1 orri.)
- EPUB (102 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Izendapenak, egoerak eta gorabeherak
HEZKUNTZA SAILA
4133
AGINDUA, 2023ko abuztuaren 30ekoa, Hezkuntzako sailburuarena, Hezkuntza Ikuskaritzako ikuskaritza zentralen lanpostu bat izendapen askez betetzeko deialdia ebazten duena.
Urtarrilaren 13ko 3/2009 Dekretuak, Euskal Autonomia Erkidegoko Hezkuntzako Ikuskaritzako lanpostuen zerrenda onartzen duenak, Hezkuntza Ikuskaritzako Ikuskaritza Zentralaren lanpostua ezarri zuen. Lanpostu horren eginkizunak Euskal Autonomia Erkidegoko Hezkuntza Ikuskaritzari buruzko ekainaren 28ko 98/2016 Dekretuaren 12. artikuluan daude jasota.
Euskal Autonomia Erkidegoko Hezkuntzako Ikuskaritzari buruzko ekainaren 28ko 98/2016 Dekretuaren 10.6 artikuluak xedatzen duenez, ikuskari zentralak ikuskari nagusiaren mende egongo dira zuzenean, eta hezkuntza-arloan eskumena duen saileko titularrak izendatuko ditu, ikuskari nagusiak proposatuta, izendapen askeko prozeduraren bidez.
Euskal Enplegu Publikoari buruzko abenduaren 1eko 11/2022 Legearen 102. eta 103. artikuluetan eta Hezkuntzako sailburuaren 2023ko uztailaren 27ko Aginduaren laugarren oinarrian agindutakoaren arabera (2023ko abuztuaren 22ko EHAA), sail honetan lanpostu bat izendapen askez betetzeko deialdi publikoa iragartzen duen agindua, honako hau
XEDATZEN DUT:
Lehenengoa.– María Arrate Oianguren Txurruka andrea izendatzea Hezkuntza Ikuskaritzako ikuskari zentral.
Bigarrena.– Izendapen horrek 2023ko irailaren 1etik aurrera izango ditu ondorio ekonomiko eta administratiboak.
Hirugarrena.– Agindu honen aurka, aukerako berraztertzeko errekurtsoa aurkez dakioke Hezkuntzako sailburuari, hilabeteko epean, agindua EHAAn argitaratu eta biharamunetik aurrera; bestela, administrazioarekiko auzi-errekurtsoa aurkez daiteke Administrazioarekiko Auzietako Epaitegian, bi hilabeteko epean, agindua EHAAn argitaratu eta biharamunetik aurrera.
Vitoria-Gasteiz, 2023ko abuztuaren 30a.
Hezkuntzako sailburua,
JOKIN BILDARRATZ SORRON.
