Euskal Herriko Agintaritzaren Aldizkaria

131. zk., 2023ko uztailaren 11, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EKONOMIAREN GARAPEN, JASANGARRITASUN ETA INGURUMEN SAILA

3316

EBAZPENA, 2023ko ekainaren 27koa, Industria Administrazioko Gipuzkoako lurralde-ordezkariarena, zeinaren bidez aldez aurreko administrazio-baimena eta eraikuntzako administrazio-baimena ematen baitira Ezkio-Itsasoko udal-mugarteko Itsaso 220 kV-ko azpiestazioko osagaiak berritzeko. Erreferentzia: AT-Y-2023-00004.

AURREKARIAK

1.– 2023ko urtarrilaren 27an, Red Eléctrica de España SAUk (Conde de los Gaitanes pasealekua 177, Alcobendas, Madril) aldez aurreko administrazio-baimena eta eraikuntzako administrazio-baimena eskatu zituen Ezkio-Itsasoko udal-mugarteko Itsaso 220 kV azpiestazioko osagaiak berritzeko exekuzio-proiekturako. Horretarako, eskabidea eta proiektu teknikoa aurkeztu zituen.

2.– Sektore Elektrikoari buruzko abenduaren 26ko 24/2013 Legearen 35.2 artikulua eta martxoaren 31ko 48/2020 Dekretuaren 11.4 artikulua betez, 2023ko otsailaren 23an, proiektuaren ale bat bidali zen, formatu digitalean, Trantsizio Ekologikorako eta Erronka Demografikorako Ministerioko Energia Politikako eta Meatzeetako Zuzendaritza Nagusira, hiru hilabeteko epean, zegokion txostena bidal zezan.

3.– Proiektu hori jendaurrean jarri da hogei eguneko epean, honako hauetan ezarritakoa betetzeko: martxoaren 31ko 48/2020 Dekretuaren 10. artikuluan (2020-04-24ko BOE); abenduaren 1eko 1955/2000 Errege Dekretuaren 144. artikuluan (2000-12-27ko BOE); Sektore Elektrikoari buruzko abenduaren 26ko 24/2013 Legearen 53. artikulutik 56.era bitartean, eta Goi-tentsioko instalazio elektrikoen baldintza teknikoei eta segurtasun-bermeei buruzko erregelamendua eta haren jarraibide tekniko osagarriak (ITC-RAT 01etik 09ra) onartzen dituen maiatzaren 9ko 337/2014 Errege Dekretuan (2014-06-09ko BOE).

4.– Horretarako, jendaurrean jartzeko izapidearen barruan, iragarkia argitaratu zen 2023ko maiatzaren 9ko EHAAn; 2023ko maiatzaren 11ko GAOn; www.euskadi.eus webgunean eta Ekonomiaren Garapen, Jasangarritasun eta Ingurumen Sailaren Energia eta Meategien ataleko Proiektuen Jendaurreko Informazioaren gunean.

5.– Informazioa jendaurrean jartzeko epearen barruan ez zen proiektuaren gaineko alegaziorik aurkeztu.

6.– Lurralde Ordezkaritza honetan, 2023ko martxoaren 16an, Trantsizio Ekologikorako eta Erronka Demografikorako Ministerioko Energia Politikako eta Meatzeetako Zuzendaritza Nagusiaren idazkia jaso da, zeinean aipatutako instalazioaren aldeko txostena egiten baita.

OINARRI JURIDIKOAK

1.– Industria Administrazioko Gipuzkoako Lurralde Ordezkaritza da espediente hau ebazteko organo eskuduna, Ekonomiaren Garapen, Jasangarritasun eta Ingurumen Sailaren egitura organiko eta funtzionala ezartzen duen otsailaren 23ko 68/2021 Dekretuak emandako eskumena erabiliz (2021-03-05eko EHAA).

2.– Sektore Elektrikoari buruzko abenduaren 26ko 24/2013 Legearen 39. artikuluak ezartzen duenez, energia elektrikoa banatzeko instalazioak martxan jartzeko, aldatzeko, eskualdatzeko eta behin betiko ixteko, aldez aurretik administrazioaren baimena beharko da.

3.– Martxoaren 31ko 48/2020 Dekretuaren bidez, honako instalazio hauek eraikitzeko, aldatzeko, ustiatzeko, eskualdatzeko eta ixteko administrazio-baimenerako prozedurak arautzen dira: energia elektrikoa ekoitzi, garraiatu nahiz banatzeko instalazioak, baita Euskal Autonomia Erkidegoan kontsumitzaileak konektatzeko harguneak, zuzeneko lineak eta instalazioak ere.

4.– Espedientea bideratzean, kontuan hartu eta bete dira administrazio-prozedurari buruzko arauetan zein arestian aipatutako legerian aurreikusitako prozedura-baldintzak eta -izapideak.

5.– Proiektuak betetzen ditu aplikagarriak diren segurtasun-araudietan biltzen diren eskakizun teknikoak.

Aipatutako lege-manuak eta oro har aplikatu beharreko gainerako arauak ikusita, Industria Administrazioko Gipuzkoako lurralde-ordezkariak honako hau:

EBAZTEN DU:

Lehenengoa.– Aldez aurreko administrazio-baimena eta eraikuntzako administrazio-baimena ematea Red Eléctrica de España SAUri, Ezkio-Itsasoko udalerrian Itsaso 220 kV azpiestazioko osagaiak berritzeko. Baimenaren helburua da zahartze-maila, zaharkitze teknologikoa eta ordezko piezen eskuraezintasuna larriak diren posizioak osatzen dituzten elementuak hobetzea, hain zuzen ere garraio-sarearen fidagarritasuna areagotzeko eta haren balio-bizitza handitzeko. Jarduketak ekipo hauek berritzea izango du xede:

220 kV-ko parkea

1. kalea; ATP-2

Izena: Ekipoa

89B1-1: Hautagailua

89B2-1: Hautagailua

PY-1: Tximistorratza

2. kalea; ATP-1

Izena: Ekipoa

89B1-2: Hautagailua

89B2-2: Hautagailua

PY-2: Tximistorratza

3. kalea; ACP-2

Izena: Ekipoa

89B1-3: Hautagailua

89B3-3: Hautagailua

4. kalea; ACP-1

Izena: Ekipoa

89B1-4: Hautagailua

89B2-4: Hautagailua

7. kalea ZUM

Izena: Ekipoa

89B1-7: Hautagailua

89B2-7: Hautagailua

89-7+57-7: Hautagailua

10. kalea; ORC2

Izena: Ekipoa

52-10: Etengailua

89B1-10: Hautagailua

89B2-10: Hautagailua

89-10+57-10: Hautagailua

TC-10: Tentsio kapazitiboaren transformadorea

11. kalea; HEN 2

Izena: Ekipoa

52-11: Etengailua

89B1-11: Hautagailua

89B3-11: Hautagailua

89-11+57-11: Hautagailua

12. kalea ELG

Izena: Ekipoa

89B1-12: Hautagailua

89B2-12: Hautagailua

89-12+57-12: Hautagailua

PY-12: Tximistorratza

13. kalea; HEN 1

Izena: Ekipoa

52-13: Etengailua

89B1-13: Hautagailua

89B2-13: Hautagailua

89-13+57-13: Hautagailua

15. kalea; ORC1

Izena: Ekipoa

52-15: Etengailua

89B1-15: Hautagailua

89B3-15: Hautagailua

89-15+57-15: Hautagailua

PY-15: Tximistorratza

16. kalea; ORM2

Izena: Ekipoa

89B1-16: Hautagailua

89B2-16: Hautagailua

89-16+57-16: Hautagailua

PY-16: Tximistorratza

Ebazpen hau aipatutako 48/2020 Dekretuan ezarritakoarekin eta baldintza orokor hauekin bat eman da:

1.– Onartutako proiektuari jarraikiz egin beharko dira obrak, kasu bakoitzean eskatu eta baimenduko diren aldaketekin.

2.– Zerbitzuan jartzeko epea hiru urtekoa izango da, ebazpen honen egunetik aurrera.

3.– Obrak bukatzen direnean, horren berri emango dio instalazioen titularrak Industria Administrazioko Gipuzkoako Lurralde Ordezkaritzari, hain zuzen ere, behin betiko errekonozimenduaren ondorioetarako eta ustiatzeko eta zerbitzuan jartzeko baimena emateko.

4.– Obrak egiteko beharrezkoak diren udal- eta probintzia-eskumeneko eta bestelako baimenak edo lizentziak errespetatuz ematen da ebazpen hau. Izan ere, eskatzaileak nahitaez lortu beharko ditu baimen horiek guztiak. Halaber, hirugarren posibleek izan ditzaketen eskubideak eragotzi gabe eta jabetza-eskubidea salbu utzita ematen da baimen hau.

Ebazpen honek ez dio amaiera ematen administrazio-bideari; hortaz, beronen aurka egiteko, gora jotzeko errekurtsoa jar dakioke Proiektu Estrategikoen eta Industria Administrazioaren zuzendariari, hilabeteko epean, ebazpena jakinarazi eta hurrengo egunetik hasita, hala ezartzen baita Administrazio Publikoen Administrazio Prozedura Erkidearen 39/2015 Legearen 121. artikuluan eta hurrengoetan.

Donostia, 2023ko ekainaren 27a.

Industria Administrazioaren Gipuzkoako lurralde-ordezkaria,

AGUSTIN AROSTEGI ARTETXE.

Azterketa dokumentala