Euskal Herriko Agintaritzaren Aldizkaria

87. zk., 2023ko maiatzaren 10a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA

2185

AGINDUA 2023ko apirilaren 25ekoa, Hezkuntzako sailburuarena, Bilboko (Bizkaia) «Ángeles Custodios» Haur, Lehen eta Bigarren Hezkuntzako Ikastetxe Pribatuaren baimena aldatzeko dena.

Bilboko (Bizkaia) «Ángeles Custodios» Haur, Lehen eta Bigarren Hezkuntzako Ikastetxe Pribatuaren entitate titularrak hasarazitako espedientea aztertu da, zeinaren bidez Lehen Hezkuntzako unitate bat kendu eta Derrigorrezko Bigarren Hezkuntzan unitate bat gehitzeko baimena eskatzen duen.

Espediente horren izapideak araudiak ezarritako prozedura jarraituz egin dira; gainera, indarrean dauden arauek eskatzen dituzten agiriak erantsi zaizkio eta arlo horretan eskumena duten erakundeek egin dituzte txostenak.

Arau hauek ikusi dira: 332/1992 Errege Dekretua, apirilaren 3koa, unibertsitateaz kanpoko araubide orokorreko irakaskuntzak emateko ikastetxe pribatuen baimenei buruzkoa (apirilaren 9ko BOE); 131/2010 Errege Dekretua, otsailaren 12koa, apirilaren 3ko 332/1992 Errege Dekretua aldatzen duena (martxoaren 12ko BOE); 215/2004 Dekretua, azaroaren 16koa, 0 eta 3 urte bitarteko umeentzako haur-eskolek bete beharreko gutxieneko baldintzak ezarri, eta abenduaren 17ko 297/2002 Dekretuaren artikulu batzuk indarrean iraunarazten dituena (azken dekretu horrek Euskal Autonomia Erkidegoko zero urtetik hiru urtera bitarteko umeen haur-eskolak arautu zituen 2002-2003 eta 2003-2004 ikasturteetan) (azaroaren 19ko EHAA), eta gai horretan aplikatzekoak diren gainerako legeak. Horiek horrela, honako hau

EBAZTEN DUT:

Lehenengoa.– Ondoren zehazten den ikastetxeari baimena ematen zaio, 2023-2024 ikasturtetik aurrera, Lehen Hezkuntzan unitate bat kentzeko eta Derrigorrezko Bigarren Hezkuntzan unitate bat gehitzeko:

Kode-zenbakiak: 014619 (EAE) eta 48002328 (unibertsala).

Izen generikoa: Haur, Lehen eta Bigarren Hezkuntzako Ikastetxe Pribatua (HLBHIP)

Izen espezifikoa: «Ángeles Custodios».

Titularra: «Santos Ángeles Custodios».

Helbidea: Zabalbide 21.

Udalerria: Bilbao.

Lurralde Historikoa: Bizkaia

Baimena: 2023-2024 ikasturtetik aurrera, Lehen Hezkuntzan unitate bat kentzeko eta Derrigorrezko Bigarren Hezkuntzan unitate bat gehitzeko.

Ikastetxearen osaera:

– Haur Hezkuntzako 1. zikloa: 6 unitate:

● 2 unitate 0 - 1 urte bitarteko haurrentzat, 8 ikaspostuko edukierakoa bakoitza.

● 2 unitate 1 - 2 urte bitarteko haurrentzat, 13 ikaspostuko edukierakoa bakoitza.

● 2 unitate 2 - 3 urte bitarteko haurrentzat, 18 ikaspostuko edukierakoa bakoitza

– Haur Hezkuntzako 2. zikloa: 6 unitate, 150 ikaspostuko edukierakoa.

– Lehen Hezkuntza: 13 unitate, 325 ikaspostuko edukierakoa.

– Derrigorrezko Bigarren Hezkuntza: 10 unitate, 300 ikaspostuko edukierakoa.

– Hezkuntza Berezia: 7 gela.

● 6 gela ireki

● Gela egonkor 1

– Lanbide Heziketa:

● Lanbide-arloa: Osasungintza:

○ «Erizaintza eta zaintza osagarriak» erdi-mailako heziketa-zikloa. Edukiera: 2 ziklo.

○ «Farmazia eta parafarmazia» erdi-mailako heziketa-zikloa. Edukiera: ziklo 1.

○ «Aho-hortzen higienea» goi-mailako heziketa-zikloa. Edukiera: ziklo 1.

○ «Osasun-dokumentazioa eta -administrazioa» goi-mailako heziketa-zikloa. Edukiera: ziklo 1.

● Lanbide-arloa: Gizarte eta Kultura Zerbitzuak eta erkidegoko zerbitzuak:

○ «Etxeko jarduerak eta eraikinen garbiketa» Oinarrizko Lanbide Heziketako heziketa-zikloa. Edukiera: ziklo 1.

○ «Mendekotasun-egoeran dauden pertsonei arreta egitea» erdi-mailako heziketa-zikloa. Edukiera: ziklo 1.

Bigarrena.– Ikastetxeak martxoaren 17ko 314/2006 Errege Dekretuaren bidez onartutako Eraikuntzako Kode Teknikoa bete beharko du, bai eta indarreko legeriak ezartzen dituen higiene-, osasun-, akustika-, bizigarritasun-, segurtasun- eta irisgarritasun-baldintzak ere. Ikastetxearen titularraren erantzukizuna izango da baldintza horiek betetzea.

AZKEN XEDAPENETATIK LEHENENGOA

Agindu honetan dagoen baimen-emateak ez du esan nahi hezkuntza-itunen araubidearen edo dirulaguntzen deialdien bitartez laguntzarik lortuko denik.

AZKEN XEDAPENETATIK BIGARRENA

Agindu honen kontra aukerako berraztertzeko errekurtsoa aurkez dakioke Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2023ko apirilaren 25a.

Hezkuntzako sailburua,

JOKIN BILDARRATZ SORRON.

Azterketa dokumentala