Euskal Herriko Agintaritzaren Aldizkaria

68. zk., 2023ko apirilaren 11, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA

1696

EBAZPENA, 2023ko martxoaren 21ekoa, Hezkuntza Saileko Administrazio eta Zerbitzuen sailburuordearena, hezkuntza-administrazioaren mendeko ikastetxeak dauden udal-jabetzako eraikinetan obrak egiteko gastuen finantzaketa argitara ematen duena (Udalaguntza-2022), Hezkuntzako sailburuaren 2022ko irailaren 28ko Agindua aplikatuta.

Hezkuntzako sailburuaren 2022ko irailaren 28ko Agindua hartu da kontuan; agindu horren bidez, hezkuntza-administrazioaren mendeko ikastetxeak dauden udal-jabetzako eraikinetan obrak egiteko gastuen finantzaketa arautzen da (Udalaguntza-2022).

Hezkuntzako sailburuaren 2023ko otsailaren 28ko Agindua hartu da kontuan, zeinaren bidez 2022ko irailaren 28ko agindua aldatzen baita (agindu horrek hezkuntza-administrazioaren mendeko ikastetxeak dauden udal-jabetzako eraikinetan obrak egiteko gastuen finantzaketa arautzen du –Udalaguntza-2022–) eta aurrekontu-kreditua gehitzen baita.

Kontuan izanik aurkeztutako eskabideak, ebaluatutako txostenak, lehentasun-irizpideak eta 2022ko irailaren 28ko Aginduaren 9. artikuluaz bat eratutako Balorazio Batzordeak aurkeztutako ebazpen-proposamena, honako hau

EBAZTEN DUT:

Lehenengoa.– Hezkuntza-administrazioaren menpeko ikastetxeak dauden udal-jabetzako eraikinetan obrak egiteko gastuen finantzaketa onartzea (Udalaguntza-2022) ebazpen honen I. eranskinean aipatzen diren udalei, eta ebazpen honen I. eranskinean zehaztutako zenbatekoen arabera, 2022ko irailaren 28ko Agindua aplikatu dadin.

Bigarrena.– Udalek, finantzaketarako hautaturiko ikastetxeen titular direnez, esleitutako kopurua jasoko dute, 2022ko irailaren 28ko Aginduaren 13. artikuluari jarraituz.

Hirugarrena.– II. eranskinean zerrendatutako udalen eta ikastetxeen eskaerak ezestea.

AZKEN XEDAPENA

Ebazpen honek ez dio amaiera ematen administrazio-bideari, eta, beronen aurka, gora jotzeko errekurtsoa aurkez dakioke Hezkuntzako sailburuari, bitarteko elektronikoak erabiliz, «Nire Karpeta» atalaren bidez, hilabeteko epean, ebazpena Euskal Autonomia Erkidegoko Administrazio Publikoaren egoitza elektronikoko iragarki-taulan (E-Administrazioko Plataforma Teknologikoa –Platea–) argitaratzen denetik aurrera.

Vitoria-Gasteiz, 2023ko martxoaren 21a.

Administrazio eta Zerbitzuen sailburuordea,

PATXI XABIER AIZPURUA TELLERIA.

(Ikus .PDF)

Azterketa dokumentala