Euskal Herriko Agintaritzaren Aldizkaria

63. zk., 2023ko martxoaren 30a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA

1559

AGINDUA, 2023ko martxoaren 13koa, Hezkuntzako sailburuarena, Bilboko «San Luis» Bigarren Hezkuntzako Ikastetxe Pribatuari (Bizkaia) bi ikastetxetan banatzeko baimena emateko dena.

Bilboko «San Luis» Bigarren Hezkuntzako Ikastetxe Pribatuaren titular «Centro San Luis S.L.» erakundearen ordezkariak hasarazitako espedientea aztertu da, zeinaren bidez ikastetxea bitan banatzeko baimena eskatzen duen: ikastetxe batean Lanbide Heziketako irakaskuntzak baino ez emateko eta, bestean, ikastetxeak baimenduta dituen gainerako irakaskuntzak emateko.

Espediente hori ezarritako prozeduraren arabera izapidetu da, indarreko arauek eskatzen dituzten agiriak erantsi zaizkio, eta arlo horretan eskumena duten erakundeek horri buruzko txostena eman dute.

Arau hauek ikusi dira: apirilaren 3ko 332/1992 Errege Dekretua, ikastetxe pribatuei araubide orokorreko unibertsitateaz kanpoko irakaskuntzak eskaintzeko baimenak emateari buruzkoa (apirilaren 9ko BOE); otsailaren 12ko 132/2010 Errege Dekretua, Haur Hezkuntzako bigarren zikloko, Lehen Hezkuntzako eta Bigarren Hezkuntzako irakaskuntzak ematen dituzten ikastetxeek bete behar dituzten derrigorrezko baldintzak ezartzen dituena (martxoaren 12ko BOE); 2017ko martxoaren 14ko Agindua, Enpleguko eta Gizarte Politiketako sailburuarena, eta Hezkuntzako sailburuarena. Haren bitartez, Euskal Autonomia Erkidegoan ikastetxe baten eraldatze, fusio edo banatze batetik datozen titulartasun pribatuko lanbide-heziketako ikastetxe bateratuak baimentzeko prozedura ezarri da, baita baimen hori aldatzekoa eta iraungitzekoa ere (apirilaren 5eko EHAA), eta gai horretan aplikatu beharreko gainerako legeak. Horiek horrela, honako hau

EBAZTEN DUT:

Lehenengoa.– Ondoren zehazten den ikastetxe pribatuaren baimena aldatzen da:

Kode zenbakiak: 014696 (EAE) eta 48002638 (unibertsala).

Izen generikoa: Bigarren Hezkuntzako Ikastetxe Pribatua.

Izen espezifikoa: «San Luis»

Titularra: Centro San Luis S.L.

Helbidea: Poza lizentziatua, 31 / Ercilla, 42.

Udalerria: Bilbao.

Lurralde historikoa: Bizkaia.

Baimena:

– Batxilergoko 4 unitate kentzea.

– Helduen Hezkuntza Arautua kentzea: 3 talde.

– «Nazioarteko merkataritza» goi-mailako heziketa-zikloa kentzea.

– «Haur Hezkuntzako» goi-mailako prestakuntza-zikloa kentzea.

– «Web aplikazioen garapena» goi-mailako prestakuntza-zikloa kentzea: ziklo 1.

1.– Ikastetxearen osaera:

– Lanbide Heziketa:

• Lanbide-arloa: Administrazioa eta kudeaketa:

○ «Administrazio-zerbitzuetako» oinarrizko prestakuntza-zikloa: ziklo 1.

○ «Administrazio kudeaketa» erdi-mailako heziketa-zikloa: ziklo 1.

○ «Administrazioa eta finantzak» goi-mailako heziketa-zikloa: 2 ziklo.

• Lanbide-arloa: Merkataritza eta Marketina:

○ «Merkataritza-jarduerak» erdi-mailako heziketa-zikloa: ziklo 1.

○ «Marketina eta publizitatea» goi-mailako heziketa-zikloa: ziklo 1.

• Lanbide-arloa: Informatika eta komunikazioak:

○ «Mikroinformatika-sistemak eta sareak» erdi-mailako prestakuntza-zikloa: ziklo 1.

○ «Sareko informatika-sistemen administrazioa» goi-mailako heziketa-zikloa: ziklo 1.

○ «Web aplikazioen garapena» goi-mailako prestakuntza-zikloa: ziklo 1.

• Lanbide-arloa: Zerbitzu Soziokulturalak eta Komunitatearentzako Zerbitzuak

○ «Gizarteratzea» goi-mailako prestakuntza-zikloa: ziklo 1.

2.– Baimena ematen da «San Luis» Bigarren Hezkuntzako ikastetxe pribatuaren izen espezifikoa aldatzeko; aurrerantzean, «San Luis Lanbide Heziketa» izena izango du.

Bigarrena.– Aurreko artikuluan aipatutako ikastetxetik bereizteagatik, jarraian zehazten den ikastetxe pribatuaren funtzionamendua baimentzen da:

Kode zenbakiak: 015932 (EAE) eta 48019821 (unibertsala).

Izen generikoa: Bigarren Hezkuntzako Ikastetxe Pribatua.

Izen espezifikoa: «San Luis Batxilergoa».

Titularra: San Luis S.L. zentroa.

Helbidea: Poza lizentziatua, 31.

Udalerria: Bilbao.

Lurralde historikoa: Bizkaia.

Baimendutako irakaskuntzak:

– Batxilergoa: «Orokorra» eta «Giza eta Gizarte Zientziak» modalitateak. Edukiera: 4 unitate, 140 ikaspostu.

Hirugarrena.– Ikastetxeek indarrean dauden legeak bete beharko dituzte, agindu honen bidez baimentzen zaizkien heziketa-zikloak irakasteko eskatzen diren ikaspostuen kopuruari, ekipamenduari eta irakasleen titulazio akademikoari eta hizkuntza-eskakizunari dagokienez. Bestela, emandako baimena baliogabetuta geratuko da.

Laugarrena.– Ikastetxeek Eraikuntzako Kode Teknikoa bete beharko dute, martxoaren 17ko 314/2006 Errege Dekretuak onartua, bai eta indarreko legeriak ezartzen dituen higiene-, akustika-, bizigarritasun-, segurtasun- eta irisgarritasun-baldintzak ere. Ikastetxearen titularrarena izango da baldintza horiek ez betetzearen erantzukizuna.

Bosgarrena.– Indarrean dauden arauak betetzera behartuta dago ikastetxea, eta agindu honetan adierazitako daturen bat aldatu behar bada, dagokion berrikusketa eskatzera.

AZKEN XEDAPENETAKO LEHENENGOA

Agindu honek 2023-2024 ikasturtetik aurrera izango ditu ondorioak.

AZKEN XEDAPENETAKO BIGARRENA

Agindu honetan dagoen baimen-emateak ez dauka bere baitan hezkuntza-itunen araubidearen bitartezko laguntzak eman behar izatea.

AZKEN XEDAPENETAKO HIRUGARRENA

Agindu honen aurka aukerako berraztertze-errekurtsoa aurkez dakioke Hezkuntza sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusian, hil biko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2023ko martxoaren 13a.

Hezkuntzako sailburua,

JOKIN BILDARRATZ SORRON.

Azterketa dokumentala