Euskal Herriko Agintaritzaren Aldizkaria

247. zk., 2022ko abenduaren 28a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Pribatuen iragarkiak

OSATEK A.B.

5718

IRAGARKIA, Osatek, SAko zuzendari-gerentearen xedapenari buruzkoa. Xedapen horren bidez, onartzen dira Osatek, SAko zentroetan kalitate-teknikarien kategorian lan-kontratu finkoko langile izateko oposizio-lehiaketa bidezko hautaketa-prozesua arautuko duten oinarri espezifikoak.

Osatekeko zuzendari-gerentearen 2022ko azaroaren 28ko Xedapenaren bidez, Osatek, S.A.-n lan-kontratu finkoko langile izateko hautaketa-prozesuak arautuko dituzten oinarri orokorrak onartu dira. Hautaketa-prozesu horiek 2022ko eskaintza publikoan deitu ziren.

Hautaketa-prozesu bakoitza gauzatzeko, kategoria bakoitzeko destinoen deialdia arautuko duten oinarri espezifikoak argitaratu behar dira.

Horregatik, Enplegatu Publikoaren Oinarrizko Estatutuaren Legearen testu bategina onartzen duen urriaren 30eko 5/2015 Legegintzako Errege Dekretuan, Osatek, S.A.-ren Estatutu Sozialak ezartzen dituen ekainaren 9ko 159/1992 Dekretuan eta aplikatzekoak diren gainerako xedapenetan ezarritakoarekin bat etorriz, zuzendari kudeatzaileak honako hau

XEDATZEN DU:

Lehenengoa.– Oinarri hauen xede diren hautaprobetarako deia egitea.

Bigarrena.– Osatek, S.A.-ko zentroetan destinoa duten kalitate-teknikarien kategorian lan-kontratu finkoko langile izateko hautaketa-prozesua arautuko duten oinarri espezifikoak onartzea, I. eranskinean agertzen direnak.

Hirugarrena.– Eskainitako lanpostuen zerrenda onartzea. Xedapen honen II. eranskinean agertzen da zerrenda hori.

Laugarrena.– Xedapen honen III. eranskinean agertzen den merezimenduen baremoa onartzea.

Bosgarrena.– Deialdi honetan parte hartzeko eskaera aurkezteko epea 2023ko ekainaren 12an hasi eta 2023ko ekainaren 20ko 24:00etan amaituko da, oinarri orokorrak onartzen dituen zuzendari kudeatzailearen 2022ko azaroaren 28ko Xedapenaren 7. oinarrian aurreikusitakoaren arabera.

Seigarrena.– Administrazio Publikoen Administrazio Prozedura Erkidearen urriaren 1eko 39/2015 Legean ezarritakoaren arabera, xedapen honen aurka gora jotzeko errekurtsoa aurkeztu ahal izango zaio Osatek, S.A.-ren Administrazio Kontseiluari, hilabeteko epean, ebazpena argitaratu eta hurrengo egunetik aurrera.

Bilbao, 2022ko azaroaren 30a.

Zuzendari-gerentea,

JOSU XABIER LLANO HERNAIZ.

I. ERANSKINA

OINARRI ESPEZIFIKOAK, OSATEK, S.A.-N KALITATE-TEKNIKARIAREN KATEGORIAN LAN-KONTRATU FINKOKO LANGILE IZATEKO oposizio-lehiaketa bidez HAUTAKETA-PROZESUA ARAUTZEN DUTENAK

1.– DEIALDIKO DESTINOAK.

Deialdi honen xede izango dira kalitateko teknikariaren kategoriako destinoak, destinoa Osatek, S.A.–ko zentroetan dutenak, I. eranskinean bildutakoak.

2.– IZANGAIEK BETE BEHARREKO BALDINTZAK.

Hemen arautzen den prozesuan parte hartzeko, oinarri hauek EHAAn argitaratzen diren egunean izangaiek, oinarri orokorretan eskatutako betekizunez gain, honako hauek ere bete beharko dituzte:

a) Edozein unibertsitate-graduren titulua izatea, oinarri orokorretako 5.c) atalean xedatutakoaren arabera.

3.– OPOSIZIO-LEHIAKETAREN GARAPENA.

3.1.– Oposizio-fasea.

Epaimahai kalifikatzaileari dagokio probaren edukia zehaztea eta kalifikatzea, eta hautaketa-prozesua behar bezala garatzeko beharrezkotzat jotzen dituen neurri guztiak hartuko ditu, prozesuaren gardentasuna eta objektibotasuna bermatuz.

Epaimahaiak kanpoko aholkularitza-pertsona edo -erakundeek parte hartzea eskatu ahal izango du, hautaketa-prozesuaren fase guztietan, bai proba egiten, bai lehiaketa-fasean. Epaimahaikideei eskatzen zaien titulazio-baldintza bete beharko dute pertsona horiek.

Proban, idatziz erantzun beharko da, ezartzen den gehieneko epean, test motako galdera-sorta bat, IV. eranskinean jasotako programako gaiei buruzkoa.

Era berean, aipatutako eranskinean sartuz, proba prestatzeko bibliografia emango da.

3.2.– Lehiaketa-fasea.

Egiaztatutako merezimenduak III. eranskineko merezimenduen baremoaren arabera baloratuko dira, oinarri orokorretan ezarritako irizpideen arabera.

II. ERANSKINA

(Ikus .PDF)

III. ERANSKINA

KALITATE-TEKNIKARI KATEGORIAKO MEREZIMENDUEN BAREMOA

LAN-ESPERIENTZIA: gehienez 80 puntu.

a) Espezifikoa erakunde deitzailean: gehienez 72 puntu.

Izangaiek lortu nahi duten kategorian, Osatek, EMn, onartuta duten zerbitzu-denbora eskabideak aurkezteko epearen azken egunera arte zenbatuko da, kotizatutako egunen arabera, puntu 1 lan egindako hilabete bakoitzeko. Baztertu egingo dira hilabetetik beherako hondakinak. Ondorio horietarako, hilabetetzat hartuko da 30 egun naturaleko multzoa. Kotizatutako eguntzat hartuko dira Langileen Estatutuaren 46.3 artikuluan jasotako eszedentzia-egunak.

b) Orokorra administrazio publikoan: gehienez 8 puntu.

Hautagaiek lortu nahi duten kategorian aitortuta duten zerbitzu-denbora zenbatuko da, eskabideak aurkezteko epearen azken egunera arte, lan egindako hilabete bakoitzeko 0,1 puntu kotizatutako egunen arabera. Baztertu egingo dira hilabetetik beherako hondakinak. Ondorio horietarako, hilabetetzat hartuko da 30 egun naturaleko multzoa. Kotizatutako eguntzat hartuko dira Langileen Estatutuaren 46.3 artikuluan jasotako eszedentzia-egunak.

Emandako zerbitzu-ziurtagiriek oinarri orokorren 9. puntuan ezarritako betekizunak jaso beharko dituzte.

Zenbaketa osoa egiteko, esperientzia-mota bakoitzerako (Osatek eta administrazio publikoa) eskatzen diren baldintzak betetzen dituzten lanaldiak batuko dira.

EUSKARA: gehienez 10 puntu.

Euskararen ezagutza baremo honen arabera baloratuko da, derrigortasun-data igarota ez izateagatik:

(Ikus .PDF)

PRESTAKUNTZA ETA BESTE HIZKUNTZA BATZUK: 7,5 puntu, gehienez.

Sartzeko titulazioa ez den beste unibertsitate-titulu akademiko batzuk:

– puntu 1 titulazio bakoitzeko.

Ikastaroak: eskatutako destinoarekin zerikusia duten ikastaroetara joatea, baldin eta eskabideak aurkezteko epearen azken egunera arte egin badira. Ikastaroaren iraupena adierazten ez duten ikastaroei gutxieneko puntuazioa emango zaie (0,1). Ordu-kopurua agertu beharrean, egun-kopurua agertzen den ikastaroetan, eguneko sei ordu zenbatuko dira.

Orduen eta puntuen arteko baliokidetasun-taula honako hau izango da:

(Ikus .PDF)

Ikastaroen ziurtagirietan kreditu-kopurua bakarrik agertzen denean, puntuazioa esleitzeko, baliokidetasun hau aplikatuko da:

– Kredituen Europako Sistemako (ECTS) kreditu 1: 25 ordu.

– Etengabeko Prestakuntzako Batzordearen kreditu 1: 10 ordu.

Ikastaroak kreditu-kopuru jakin bat ezartzen badu, Europako Kreditu Sistemaren kreditu bakoitzeko 0,4 puntu emango dira, eta kreditua Etengabeko Prestakuntzako Batzordearena bada, 0,2 puntu. Ziurtagirian bai ordu-kopurua bai kreditu-kopurua agertzen badira, kreditu-kopurua gailenduko da.

Ikastaroak zenbat ordu irauten duen eta krediturik esleitzen ez den ziurtagirietan, kredituak aurreko paragrafoan zehaztutakoak ez bezalakoak direnean, edo kredituen ordukako beste baliokidetza bat ezartzen denean, epaimahaiak, aurkeztutako ziurtagiria eta ikastaroaren edukia kontuan hartuta, dagokion puntuazioa emango du, baina ezin izango du 0,50 puntutik beherako puntuaziorik eman.

Eduki bera duten ikastaroen aurkezpenean, ordu- edo kreditu-kopuru handiena zehazten duena bakarrik puntuatuko da.

Hizkuntzak: Merezimendu gisa baloratuko da aurreikusitako epearen barruan behar bezala egiaztatutako hizkuntza-eskakizuna, Europako araudiaren arabera, honako puntuazio honekin:

(Ikus .PDF)

Erakunde ofizialek, unibertsitateek, erakunde sanitarioek eta, hala badagokio, elkargo profesionalek eta elkarte zientifikoek emandako eta egiaztatutako ikastaroak baloratuko dira, bai eta edozein administrazio publikok sinatutako etengabeko prestakuntzako akordioen arabera eman eta egiaztatutako ikastaroak ere, betiere titulazio ofiziala lortzeko ikasketa-plan baten parte ez badira.

Ez dira baloratuko atal honetan zehaztu ez diren beste merezimendu batzuk.

EZAGUTZAREN HEDAPENA: 2,5 puntu, gehienez.

Eskatutako destino-kategoriarekin zerikusia duten komunikazioak, hitzaldiak eta abar argitaratzeagatik, jarraian adierazten den moduan:

Irakasle gonbidatu nazionala: puntu 1.

Nazioarteko irakasle gonbidatua: 2 puntu.

Komunikazioa edo posterra kongresu nazionalean (1. egilea): 0,5 puntu.

Komunikazioa edo posterra nazioarteko biltzarrean (1. egilea): puntu 1.

Argitalpen nazionala (1. egilea): 1,5 puntu.

Nazioarteko argitalpena (1. egilea): 3 puntu.

Argitalpen nazionala (beste egile batzuk): puntu 1.

Nazioarteko argitalpena (beste egile batzuk): 2 puntu.

IV. ERANSKINA

GAI-ZERRENDA.

1.– Espainiako Konstituzioa. Politika sozial eta ekonomikoaren printzipio gidariak.

2.– Autonomia Estatutua. Atariko titulua. Estatuko oinarrizko legeria lege bidez garatzeko eta betearazteko eskumenak.

3.– Euskadiko Antolamendu Sanitarioaren Legea. Euskadiko osasun-sistemaren konfigurazioa. Printzipio informatzaileak eta printzipio programatikoak, antolaketa eta funtzionamendua. Herritarren eskubideak eta betebeharrak.

4.– Osatek, S.A. Sortzea. Atxikipena. Aplikatu beharreko araudia. Xedea. Eginkizunak. Kapital soziala.

5.– Osakidetza-Euskal osasun zerbitzuko zerbitzu-erakundeak: lege-aitorpena. Ahalmenak. Araubide organikoa eta funtzionala. Zerbitzu sanitarioetako erakundeen zerrenda.

6.– Historia klinikoa eta osasun-arloko paziente eta profesionalek dokumentazio klinikoaren arloan dituzten eskubide eta betebeharrak. Xedea. Aplikazio-eremua. Printzipio eta arau orokorrak. Sartzeko prozedura. Baimen informatua. Pazienteen betebeharrak.

7.– Osateken hitzarmen kolektiboa. Lanaldia. Ordainsaria.

8.– Pertsonen eskubideak eta betebeharrak Euskadiko osasun-sisteman. Xedea. Eremua. Printzipioak. Laguntza-harremanetako eskubideak. Pertsonen betebeharrak Euskadiko osasun-sistemaren antolaketari eta kudeaketari dagokienez. Pertsonen betebeharrak Euskadiko osasun-sistemako asistentzia-harremanetan.

9.– Datu pertsonalen babesa eta eskubide digitalen bermea: datuen zehaztasuna. Konfidentzialtasun-betebeharra. Ukituaren adostasunean oinarritutako tratamendua. Adingabeen baimena.

10.– Osakidetzako pazientearen segurtasun-estrategia 2020. Helburu orokorra eta espezifikoak. Linea korporatiboak. L1: Segurtasun-intzidenteak, helburua eta ekintzak kudeatzea. L2: Pazienteak zalantzarik gabe identifikatzea. Helburua eta ekintzak.

11.– Osateken Euskara Plana. Printzipioak. Helburua. Helburu nagusia. Urteko Kudeaketa Plana. Plan honetan parte hartzen duten langileak. Errekurtsoak.

12.– Kudeaketa aurreratuaren elementuak. Euskaliten kudeaketa aurreratuaren eredua: estrategia, bezeroak, pertsonak, gizartea, berrikuntza eta emaitzak. Kudeaketaren aurrerapen-mailaren ebaluazioa.

13.– Mapa estrategikoak, adierazleak eta aginte-taulak.

14.– GJHak. Garapen jasangarriaren helburuak.

15.– Prozesukako kudeaketa. Kontzeptua. Nola bideratu prozesuetara kudeaketa-sistema bat. Helburuak lortzeko prozesuetan oinarritutako kudeaketa.

16.– Kalitatearen kudeaketa. Zer da kalitatea kudeatzeko sistema bat, ISO 9001:2015 arauan oinarritua? Kalitatea kudeatzeko printzipioak. ISO 9001:2015 arauaren edukiak eta interpretazioa: eskakizun orokorrak eta dokumentaziokoak; zuzendaritzaren erantzukizuna; baliabideen kudeaketa; produktua/zerbitzua egitea; neurketa, analisia eta hobekuntza.

17.– Kalitatea kudeatzeko sistemak. Adierazle-sistemak ezartzeko gida (UNE 66175:2003). 69. zk., 2022ko apirilaren 6koa, asteazkena Euskal Herriko Agintaritzaren Aldizkaria 2022/1538 (15/11)

18.– Bezeroen gogobetetzea neurtzea. Zergatik neurtu behar da bezeroaren gogobetetasuna? Gogobetetzea neurtu aurreko gogoetak. Neurtzeko eta baliozkotzeko tresnak.

19.– Problemak ebazteko tresnak. Kudeaketako problemak ebazteko erabiltzen diren tresnak aplikatzea.

20.– Erakundeetan parte hartzeko prozesuak diseinatzea eta erraztea.

21.– Ingurumena kudeatzeko sistema, ISO 14001:2015 arauaren arabera. Irismena. Terminoak eta definizioak. Erakundearen testuingurua. Lidergoa. Plangintza. Euskarria. Eragiketa. Jardunaren ebaluazioa. Hobekuntza.

22.– Hondakin sanitarioen kudeaketa eta sailkapena.

23.– Laneko arriskuen prebentzioa. Laneko arriskuen prebentzioaren kudeaketa. Laneko segurtasun- eta osasun-sistema. ISO 45001:2018. Laneko segurtasuna eta osasuna kudeatzeko sistemak -.

24.– Laneko arriskuen arloko politika. Langileen parte-hartzea laneko arriskuen prebentzioan. Ordezkaritza- eta partaidetza-organoak. Eskubideak eta betebeharrak.

25.– Prebentzioaren plana eta plangintza. Prebentzioaren integrazioa. Prebentzioa kudeatzeko gidalerroak eta ziurtapen-sistemak.

26.– Laneko Segurtasun eta Osasunerako Euskal Erakundea. Egitura organikoa, funtzioak eta eskumenak.

27.– Gizonen eta emakumeen arteko berdintasuna euskal administrazio publikoetan. Eskumenak eta funtzioak. Euskal administrazio publikoen arteko erakunde-antolaketa eta koordinazioa. EAEko botere eta administrazio publikoen jardunean genero-ikuspegia txertatzeko neurriak.

28.– Osasun Sailaren esparru estrategikoa 2021-2024.

BIBLIOGRAFIA.

1.– Espainiako Konstituzioa (1978ko abenduaren 29ko BOE, 311. zk.). 43. artikulua.

2.– Euskal Herriko Autonomia Estatutua. 3/1979 Lege Organikoa, abenduaren 18koa (BOE, 306. zk., 1979ko abenduaren 22koa). 6. eta 18. artikuluak.

3.– Euskadiko Antolamendu Sanitarioaren Legea. Ekainaren 26ko 8/1997 Legea (1997ko uztailaren 21eko EHAA, 138. zk.). 5., 6., 8., 10. eta 11. artikuluak.

4.– Ekainaren 9ko 159/1992 Dekretua (1992ko ekainaren 16ko EHAA, 114 zk.), Goi Mailako Osasun Teknologia SA sozietatea sortzea. 1., 2., 3., 4., 5., 6. eta 7. artikuluak

5.– Azaroaren 11ko 255/1997 Dekretua (1997ko azaroaren 14ko EHAA, 219. zk.), uztailaren 3ko 100/2018 Dekretuaren 13., 14. eta 15. artikuluak eta eranskina (2018ko uztailaren 11ko EHAA, 133. zk.).

6.– 38/2012 Dekretua, martxoaren 13koa, historia klinikoari eta osasun-arloko paziente eta profesionalen eskubide eta obligazioei buruzkoa (2012ko martxoaren 29ko EHAA, 65. zk.). 1., 2., 11., 13., 25. eta 28. artikuluak.

7.– Osateken 2007-2009ko hitzarmen kolektiboa (2008ko abuztuaren 12ko EHAA, 152. zk.). 6. eta 8. artikuluak.

8.– Uztailaren 21eko 147/2015 Dekretuaren 1-21 artikuluak. (2015eko abuztuaren 4ko EHAA, 146. zk.).

9.– 3/2018 Lege Organikoa, abenduaren 5ekoa, Datu Pertsonalak Babesteari eta Eskubide Digitalak Bermatzeari buruzkoa (2018ko abenduaren 6ko BOE, 294. zk.). 4., 5., 6. eta 7. artikuluak.

10.– 31/1995 Legea, azaroaren 8koa, lan-arriskuen prebentzioari buruzkoa (azaroaren 10eko BOE, 269. zk.). 2., 12. eta 29. artikuluak.

11.– Pazientearen Segurtasunerako Estrategia Osakidetzan 20 20. https://www.euskadi.eus/contenidos/informacion/cinfo_estrategia_seg_paciente/es_def/adjuntos/ESTRATEGIA2020_es.pdf

12.– Osatek, S.A.-ren Euskararen Erabilera Normalizatzeko I. Plana, 2018-2022. Administrazio Kontseiluaren 2018ko abenduaren 3ko Erabakia.

13.– Kudeaketa Aurreratuaren Eredua.2018. EUSKALIT Kudeaketa Aurreratua - Gestión Avanzada | Documentación.

14.– Autoebaluazio-galdetegia. EUSKALIT Kudeaketa Aurreratua - Gestión Avanzada | Documentación.

15.– Aginte Taula Integrala, Kaplan, R.S. eta Norton, Argitaletxea: Gestión 2000, ISBN: 9788498754278.

16.– UNE 66175:2003. Kalitatea kudeatzeko sistemak. Adierazle-sistemak ezartzeko gida. 69. zk., 2022ko apirilaren 6koa, asteazkena Euskal Herriko Agintaritzaren Aldizkaria 2022/1538 (13/15). https://www.euskalit.net/es/formacion/documentacion/documentacion/documentacion-validacion.html

17.– GJHak. 2030 Agendaren lehentasunen euskal programa https://www.euskadi.eus/contenidos/noticia/xiileg_planes_departamentales/es_def/adjuntos/Programa-lehentasunak-agenda-2030.pdf

18.– GJHak. Euskadi Basque Country Agenda 2030. https://www.euskadi.eus/agenda-2030-para-el-desarrollo-sostenible/web01-s1leheki/es/

19.– GJHak. Euskal erakundeentzako gida praktikoa. Nola ezarri 2030 Agenda eta nola lagundu garapen jasangarriko helburuetan. https://bideoak2.euskadi.eus/2020/11/24/news_65067/GU%C3%8DA_PR%C3%81CTICA_PARA_ORGANIZACIONES_VASCAS.pdf

20.– Genero-ikuspegitik kudeaketari balioa emateko gida. Kudeaketa Aurreratuaren Eredua. Emakunde. 2017. Egilea: Silvia Muriel Gómez. https://www.euskalit.net/buscador/buscador_e.php

21.– Aginte-taula integrala, Kaplan, R.S. eta Norton, Argitaletxea: Gestión 2000, ISBN: 9788498754278.

22.– UNE 66175:2003. Kalitatea kudeatzeko sistemak. Adierazle-sistemak ezartzeko gida. 69. zk., 2022ko apirilaren 6koa, asteazkena Euskal Herriko Agintaritzaren Aldizkaria 2022/1538 (13/15). https://www.euskalit.net/es/formacion/documentacion/documentacion/documentacion-validacion.html

23.– Moliní E. Libro sobre participación genuina o el arte de pensar, decidir y trabajar juntos. Molini Partners in change.

http://molini.es/wp-content/uploads/2012/03/Libro-sobre-Participa-cion-Genuina.pdf

24.– 21/2015 Dekretua, martxoaren 3koa, Euskal Autonomia Erkidegoko hondakin sanitarioen kudeaketari buruzkoa.

25.– 7/2022 Legea, apirilaren 8koa, Ekonomia zirkularrerako hondakinei eta lurzoru kutsatuei buruzkoa.

26.– 31/1995 Legea, azaroaren 8koa, Laneko Arriskuen Prebentzioari buruzkoa, eta horrekin lotutako aldaketak.

27.– 39/1997 Errege Dekretua, urtarrilaren 17koa, Prebentzio Zerbitzuen Erregelamendua onartzen duena.

28.– Enpresan laneko arriskuen prebentziorako plan bat ezartzeko eskuliburua. I. Olaciregui eta I. M.ª Azkoaga. Osalan. 2006.

29.– 7/1993 Legea, abenduaren 21ekoa, Osalan-Laneko Segurtasun eta Osasunerako Euskal Erakundea sortzekoa, eta horrekin lotutako aldaketak.

30.– 191/2002 Dekretua, uztailaren 30ekoa, Osalan-Laneko Segurtasun eta Osasunerako Euskal Erakundearen egitura eta funtzionamenduaren araudia onartzen duena, eta ondorengo aldaketak.

31.– Problemak ebazteko tresnak. Euskalit.

32.– Bezeroen gogobetetzea neurtzeko gida. Euskalit.

33.– UNE-EN ISO 14001:2015 Ingurumen-kudeaketako sistemak. Erabiltzeko eskakizunak (ISO 14001:2015).

34.– UNE 66175:2003. Kalitatea kudeatzeko sistemak. Adierazle-sistemak ezartzeko gida. 69. zk., 2022ko apirilaren 6koa, asteazkena Euskal Herriko Agintaritzaren Aldizkaria 2022/1538 (15/13)

35.– UNE-EN ISO 45001:2018 Laneko segurtasuna eta osasuna kudeatzeko sistema.

36.– Esparru Estrategikoa. Osasun Saila 2021-2024.

37.– Emakumeen eta Gizonen Berdintasunerako 4/2005 Legea.

38.– 3/2007 Lege Organikoa, Emakumeen eta Gizonen Berdintasun Eragingarrirakoa.

39.– 6/2019 Errege Lege Dekretua, enplegu eta lanaren arloan emakumeen eta gizonen arteko tratu- eta aukera-berdintasuna bermatzeko premiazko neurriei buruzkoa.

40.– 901/2020 Errege Dekretua, urriaren 13koa, Berdintasun-planak eta haien erregistroa arautzen dituena.

41.– Genero-ikuspegitik kudeaketari balioa emateko gida.

42.– UNE-EN ISO 9001:2015. Kalitatea kudeatzeko sistemak. Betekizunak (ISO 9001:2015).

43.– Bezeroen gogobetetzea neurtzeko gida. Euskalit. EUSKALIT Kudeaketa Aurreratua - Gestión Avanzada | Documentación UNE-EN ISO 14001:2015 Ingurumen-kudeaketako sistemak. Erabiltzeko eskakizunak (ISO 14001:2015).

44.– UNE-EN ISO 45001:2018 Laneko segurtasuna eta osasuna kudeatzeko sistema.

45.– Esparru estrategikoa. Osasun Saila 2021-2024.

https://www.euskadi.eus/contenidos/informacion/marco_estrategico_2021_2024/eu_def/adjuntos/Marco-Estrategico-Departamento-Salud-2021-2024.pdf

(Ikus .PDF)

Azterketa dokumentala