RSS
246. zk., 2022ko abenduaren 27a, asteartea
- Bestelako formatuak:
- PDF (207 KB - 12 orri.)
- EPUB (121 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Oposaketak eta lehiaketak
OSAKIDETZA-EUSKAL OSASUN ZERBITZUA
5642
1822/2022 EBAZPENA, azaroaren 24koa, Osakidetza-Euskal osasun zerbitzuko zuzendari nagusiarena, zeinaren bidez onartzen diren estatutupeko lotura finkoa lortzeko hautaketa-prozesua arautuko duten oinarri espezifikoak Teknikari Espezialista Sanitarioak lanbide-taldeko Anatomia Patologikoko Teknikari Espezialista kategorian, Osakidetza-Euskal osasun zerbitzuko zerbitzu sanitarioetako erakundeetako destinoetan.
Osakidetza-Euskal osasun zerbitzuko zuzendari nagusiaren azaroaren 24ko 1736/2022 Ebazpenaren bidez onartu dira Osakidetza-Euskal osasun zerbitzuan estatutupeko lotura finkoa lortzeko deitutako hautaketa-prozesu hauetako oinarri orokorrak: 2020ko, 2021eko eta 2022ko urteetakoak eta egonkortzeko prozesukoak.
Hautaketa-prozesu bakoitza gauzatzeko, beharrezkoa da kategoria bakoitzeko destinoen deialdia arautuko duten oinarri espezifikoak argitaratzea.
Horregatik, kontuan izanda Euskadiko Antolamendu Sanitarioaren ekainaren 26ko 8/1997 Legea, Osasun-zerbitzuetako estatutupeko langileen esparru-estatutuaren abenduaren 16ko 55/2003 Legea, Enplegatu Publikoaren Oinarrizko Estatutuaren testu bategina onartzen duen urriaren 30eko 5/2015 Legegintzako Errege Dekretua, Osakidetza-Euskal osasun zerbitzua Ente Publikoaren lanpostu funtzionalak arautzen dituen uztailaren 19ko 186/2005 Dekretua, Osakidetza-Euskal osasun zerbitzua Ente Publikoaren Estatutu Sozialak ezartzen dituen azaroaren 11ko 255/1997 Dekretua eta indarrean dauden gainerako xedapen aplikagarriak
EBAZTEN DUT:
Lehenengoa.– Oinarri hauen xede diren hautaketa-prozesuetarako deia egitea.
Bigarrena.– Osakidetzan estatutupeko lotura finkoa lortzeko hautaketa-prozesuak (lehiaketa-oposizioko blokea eta lehiaketako blokea) arautuko dituzten oinarri espezifikoak onartzea, I. eranskinean jasotakoak, Teknikari Espezialista Sanitarioak lanbide-taldeko Anatomia Patologikoko Teknikari Espezialista kategorian, Osakidetza-Euskal osasun zerbitzuko zerbitzu sanitarioetako erakundeetako destinoetan.
Hirugarrena.– Ebazpen honen II. eranskinaren bidez onartzea bloke bakoitzean (lehiaketa-oposizioko blokea eta lehiaketako blokea) eskainitako destinoen zerrenda.
Laugarrena.– Ebazpen honen III. eranskinean agertzen den merezimenduen baremoa onartzea (baremo bera da oposizio-lehiaketako blokerako eta lehiaketako blokerako).
Bosgarrena.– Lehiaketa-oposizioko blokeko gai-zerrenda onartzea, Ebazpen honen IV. eranskinean jasotakoa.
Seigarrena.– Deialdi honetan parte hartzeko eskaera aurkezteko epea 2023ko otsailaren 21etik 2023ko martxoaren 20ko artekoa izango da, hala ezarri baita oinarri orokorrak onartzen dituen Osakidetza-Euskal osasun zerbitzuko zuzendari nagusiaren azaroaren 24ko 1736/2022 Ebazpenaren 9.3 oinarrian.
Zazpigarrena.– Ebazpen honen aurka gora jotzeko errekurtsoa jarri ahal izango zaio Osakidetza-Euskal osasun zerbitzuko Administrazio Kontseiluari; horretarako, hilabeteko epea egongo da, Ebazpena EHAAn argitaratzen den egunaren hurrengo egunetik hasita, Administrazio Publikoen Administrazio Prozedura Erkidearen urriaren 1eko 39/2015 Legean, Euskadiko Antolamendu Sanitarioari buruzko ekainaren 26ko 8/1997 Legean eta Osakidetza-Euskal osasun zerbitzuaren estatutu sozialak ezartzeko azaroaren 11ko 255/1997 Dekretuan ezarritakoaren arabera.
Vitoria-Gasteiz, 2022ko azaroaren 24a.
Osakidetza-Euskal osasun zerbitzuko zuzendari nagusia,
MARÍA ROSA PÉREZ ESQUERDO.
I. ERANSKINA
OSAKIDETZA-EUSKAL OSASUN ZERBITZUAN ESTATUTUPEKO LOTURA FINKOA LORTZEKO HAUTAKETA-PROZESUAK ARAUTUKO DITUZTEN OINARRI ESPEZIFIKOAK TEKNIKARI ESPEZIALISTA SANITARIOAK LANBIDE-TALDEKO ANATOMIA PATOLOGIKOKO TEKNIKARI ESPEZIALISTA KATEGORIAN, OSAKIDETZA-EUSKAL OSASUN ZERBITZUKO ZERBITZU SANITARIOETAKO ERAKUNDEETAKO DESTINOETAN
1.– Deialdiaren xede diren destinoak.
1.1.– Deialdi honen xede izango dira Teknikari Espezialista Sanitarioak lanbide-taldeko Anatomia Patologikoko Teknikari Espezialista kategoriako Osakidetza-Euskal osasun zerbitzuko zerbitzu sanitarioetako erakundeetako destinoak; II. eranskinean jasota daudenak, alegia.
1.2.– Deialdian sartutako destinoen % 7 desgaitasunen bat duten langileek betetzeko gordeko dira, II. eranskinean jasotako oinarri orokorretako 1.3 oinarrian ezarritako banaketaren arabera.
2.– Izangaiek bete beharreko eskakizunak.
Honen bidez araututako prozesuan parte hartzeko, izangaiek, oinarri orokorretan ezarritako salbuespenak kenduta, aurkezteko epearen azken egunean bete beharreko eskakizunez gain, oinarri orokorretan jasota daudenak ere bete beharko dituzte, eta horiek kasuan kasu esleitzen den destinoa jabetzan hartu arte bete beharko dira:
a) Oinarri orokorretako 6.2.c) apartatuan xedatutakoarekin bat, Anatomia Patologikoko eta Zitologiako Goi Mailako Teknikariaren titulua edo baliokidea izatea, Hezkuntza eta Zientzia Ministerioak emana, lortu nahi den lanpostu funtzionalean aritzeko eskatzen dena, Osakidetza Ente Publikoaren lanpostu funtzionalak arautzen dituen uztailaren 19ko 186/2005 Dekretuaren I. eranskinean zehaztutakoa betez.
b) Edonola ere, lortu nahi den lanpostuaren baldintzak betetzea, Osakidetza-Euskal osasun zerbitzua Ente Publikoaren lanpostu funtzionalak arautzen dituen uztailaren 19ko 186/2005 Dekretuak xedatutakoaren arabera, bai eta indarrean dagoen araudiak eskatzen duen beste edozein eskakizun betetzea ere.
c) Eskabideak aurkezteko epearen barruan, izena emateko eskubideengatik dagokion tasa ordaindu izana, eskainitako destinoen lanbide-taldearen arabera:
C1 taldea (C talde zaharra): 15 euro.
3.– Lehiaketa-oposizioko fasearen garapena.
3.1.– Lehiaketa-oposizioko blokearen eta lehiaketako blokearen lehiaketa-fase bateratua.
3.1.1.– Eskakizunen eta merezimenduen egiaztapena. Dokumentazioa aurkeztea.
Onartutakoen eta baztertutakoen behin betiko zerrendan onartuta dauden izangaiek 10 egun balioduneko epea izango dute –onartutakoen eta baztertutakoen behin betiko zerrenda jasotzen duen ebazpena argitaratzen den egunaren hurrengotik hasita– merezimendu baloragarrien alegazioa egiteko, 12.1 oinarrian ezarritakoaren arabera.
Egiaztatutako merezimenduak III. eranskineko merezimenduen baremoaren arabera baloratuko dira, oinarri orokorretan ezarritako irizpideen arabera (12.2 oinarria).
3.1.2.– Oinarri orokorretako 14.1.1 apartatuan (lehiaketa-oposizioko blokea) eta 14.2.1 apartatuan (lehiaketako blokea) zehaztutako puntuazio-hurrenkeraren araberako izangaien behin-behineko zerrenda argitaratu ondoren, I. eranskinean agertzen diren proposatutako izangaiek honako dokumentu hauek aurkeztu beharko dituzte:
– Medikuntzako eta Kirurgiako Lizentziako tituluaren edo baliokidearen eta lortu nahi den lanpostu funtzionalean aritzeko eskatzen den Angiologiako eta Kirurgia Baskularreko espezialitateren tituluaren fotokopia konpultsatua edo notarioaren testigantza, Osakidetza-Euskal osasun zerbitzua Ente Publikoaren lanpostu funtzionalak arautzen dituen uztailaren 19ko 186/2005 Dekretuaren I. eranskinean zehaztutakoa betez.
Izangai bat aldi berean lehiaketa-oposizioko blokeko I. eranskinean eta lehiaketako blokeko I. eranskinean sartuta badago, dokumentazioa behin bakarrik aurkeztu beharko du, oinarri orokorretan ezarritakoaren arabera (14.1.2 oinarria).
3.2.– Lehiaketa-oposizioko blokeari dagokion oposizio-fasea:
Epaimahai kalifikatzaileari dagokio probaren edukia eta kalifikazioa zehaztea, eta, horretarako, hautaketa-prozesua behar bezala garatzeko beharrezkotzat jotzen dituen neurriak hartuko ditu, eta prozesuaren gardentasuna eta objektibotasuna bermatuko du.
Epaimahaiak Osakidetza-Euskal osasun zerbitzuari eskatu ahal izango dio aholkulariek parte har dezatela hautaketa-prozesuaren fase guztietan, bai proba prestatzeari dagokionez, bai lehiaketa-fasean. Aholkulariek epaimahaikideei eskatzen zaien titulu-eskakizun bera izango dute.
Epaimahaiak Osakidetza-Euskal osasun zerbitzuari kanpoko erakunde aholkularietara jotzea ere eskatu ahal izango dio, probak prestatzeko eta oposizio-fasean probekin zerikusia duten gai guztietarako.
Probari idatziz erantzun beharko zaio, ematen den gehieneko denboraren barruan, eta galderak IV. eranskinean jasotako gaiei buruzkoak izango dira.
Gai-zerrenda komunari buruzko galderak Osakidetzaren webgunean argitaratutako galdera-sortatik aterako dira.
Gai-zerrenda orokorrari buruzko galderak prestatzeko bibliografia ere eranskin berean emango da.
Epaimahai kalifikatzaileari dagokio gai-zerrenda komuneko galderak hautatzea eta gai-zerrenda orokorreko galderak hautatzeari buruzko erabakiak hartzea. Epaimahaiak galdera horiekin guztiekin osatuko du, hain zuzen ere, ariketa teorikoa.
3.3.– 1984ko ekainaren 14a baino lehen teknikari espezialista zerbitzuak ematen dituzten Erizaintzako Laguntzaileak.
Osakidetzako Erizaintzako Laguntzaile kategorian lanpostua jabetzan duten erizaintzako laguntzaileek, baldin eta 1984ko ekainaren 14ko Agindua indarrean sartu zenean Teknikari Espezialista Sanitarioaren funtzioak betetzen bazituzten eta eskaerak aurkezteko epearen azken egunean dagokion espezialitateko goi-mailako teknikariaren tituluaren jabe izanik Teknikari Espezialista lanpostua lortzen badute, aukera izango dute dauden lanpostu eta destino horretan geratzeko eta lanbide-kategoria berria finkatzeko.
Modalitate horretan parte hartu nahi dutenek berariaz adierazi beharko dute eskabidean.
II. ERANSKINA
DESTINOEN ZERRENDA KATEGORIA HONETAN: ANATOMIA PATOLOGIKOA TEKNIKARI ESPEZIALISTA
Osakidetza-Euskal osasun zerbitzuko zuzendari nagusiaren 1736/2022 Ebazpenaren bidez onartutako oinarri orokorretako 1. oinarrian xedatutakoaren arabera, destino hauek betetzeko deialdia egiten da:
1.– Lehiaketa-oposizio blokea:
a) Txanda askeko deialdia: 12 destino.
Sarbide orokorra: 11.
Erreserba-kupoa desgaitasunen bat duten pertsonentzat: 1.
– Adimen-desgaitasuna duten pertsonentzako kupoa: 0.
– Bestelako desgaitasunak dituzten pertsonentzako kupoa: 1.
2.– Lehiaketako blokea:
Sarbide orokorra: 7 destino.
Adimen-desgaitasuna duten langileentzako destinoak (adimen-desgaitasuna duten pertsonentzako kupoa) ez badira betetzen ez dagoelako hautaketa-prozesua gainditzen duen izangai nahikorik, destino horiek desgaitasunen bat duten langileentzako erreserba-kupoan gehituko dira (bestelako desgaitasunak dituzten pertsonentzako kupoa).
Desgaitasunen bat duten langileentzako destinoak ez badira betetzen ez dagoelako hautaketa-prozesua gainditzen duen izangai nahikorik, destino horiek dagokion txandako sarbide orokorreko lanpostuetan gehituko dira; hots, barne-sustapenean edo txanda irekian.
Oinarri orokorretako 2. oinarrian ezarritakoaren arabera, deialdi honen xede diren zerbitzu sanitarioetako erakundeetan destinoak, lehiaketa-oposizioko blokekoak zein lehiaketako blokekoak, zehaztuko dira, Euskal Herriko Agintaritzaren Aldizkarian Osakidetza-Euskal osasun zerbitzuko lekualdatze-lehiaketa ireki eta iraunkorreko uneko zikloko destinoen behin betiko esleipenaren ebazpena argitaratu ondoren, deialdiaren xede diren kategoriak, eta Euskal Herriko Agintaritzaren Aldizkarian 2018-2019ko EPEko behin betiko esleipenaren ebazpena argitaratu ondoren. Bi horiek Osakidetza-Euskal osasun zerbitzuko zuzendari nagusiaren ebazpen bidez argitaratuko dira, eta Osakidetza-Euskal osasun zerbitzuaren webgunean argitaratuko dira.
III. ERANSKINA
MEREZIMENDUEN BAREMOA TEKNIKARI ESPEZIALISTA SANITARIOAK LANBIDE-TALDEKO ANATOMIA PATOLOGIKOKO TEKNIKARIA KATEGORIAN, OSAKIDETZA-EUSKAL OSASUN ZERBITZUKO ZERBITZU SANITARIOETAKO ERAKUNDEETAKO DESTINOETAN
1) Lan-esperientzia (gehienez, 60 puntu).
Eskabideak aurkezteko epearen azken egunaren aurreko 20 urteetan izangaiei aitortu zaien zerbitzaldia hartuko da kontuan.
Zenbaketa osoa lan egindako egun naturaletan oinarrituko da, eta baztertu egingo dira hilabetetik beherako soberakinak. Horretarako, 30 egun naturaleko multzoa hartuko da hilabetetzat.
1.– Osakidetza-Euskal osasun zerbitzuko zerbitzu sanitarioetako erakundeetan edo autonomia-erkidegoetako osasun-zerbitzuetan dagokion espezialitatean teknikari espezialista gisa egindako hilabete bakoitzeko: 0,22 puntu.
2.– Gizarte Segurantzako zerbitzu sanitarioetako erakundeetan, aurreko puntuan aipatu ez diren administrazio publikoetan edota Europar Batasuneko gainerako estatu kideen sare publikoko zerbitzu sanitarioetan dagokion espezialitatean teknikari espezialista gisa emandako zerbitzuen hilabete bakoitzeko: 0,055 puntu.
Barne-sustapeneko txandaren bidez sartzen diren langileei ondoren zehazten den moduan zenbatuko zaizkie aldez aurreko zerbitzuak:
a) E taldean eskainitako zerbitzuak: 0,08 puntu hilabete bakoitzeko.
b) D taldean eskainitako zerbitzuak: 0,10 puntu hilabete bakoitzeko.
c) C taldean eskainitako zerbitzuak: 0,12 puntu hilabete bakoitzeko.
d) Lortu nahi den lanpostu berean emandako zerbitzuak:
d.1) Osakidetza-Euskal osasun zerbitzuko zerbitzu sanitarioetako erakundeetan edo autonomia-erkidegoetako osasun-zerbitzuetan: 0,22 puntu hilabete bakoitzeko.
d.2) Gizarte Segurantzako zerbitzu sanitarioetako erakundeetan, aurreko puntuan aipatu ez diren administrazio publikoetan edota Europar Batasuneko gainerako estatu kideen sare publikoko zerbitzu sanitarioetan: 0,115 puntu hilabete bakoitzeko.
Zerbitzu-eginkizunetan edo goragoko kategoriako eginkizunetan emandako zerbitzuak benetan betetako lanpostuan zenbatuko dira.
Halaber, jatorrizko lanpostuan zenbatuko dira zerbitzu berezietan emandako zerbitzuak.
2) Prestakuntza, irakaskuntza eta ikerketa (gehienez, 20 puntu).
A) Apartatu honetan, honako hauen arabera egiaztatzen den prestakuntza baloratuko da:
a) Graduaurreko prestakuntza:
Dagokion espezialitateko edo baliokideko goi-mailako teknikariaren ikasketetan ateratako ohorezko matrikula edo bikain bakoitzeko (honako ikasgai hauek ez dira kontuan hartuko: erlijioa, etika, prestakuntza politikoa, heziketa fisikoa eta hizkuntzak):
– Ohorezko matrikula bakoitzeko: 0,6 puntu.
– Bikain bakoitzeko: 0,4 puntu.
h) Informatikako ezagutzak (gehienez, 2 puntu).
B) Apartatu honetan, eskaerak aurkezteko azken egunaren aurreko 10 urteetan amaitu den prestakuntza baloratuko da, eta honela egiaztatuko da:
a) Etengabeko prestakuntza:
Eskatutako destinoaren kategoriarekin zerikusia duten ikastaroetara joateagatik:
– 9 ordura arte: 0,50 puntu.
– 10 eta 19 ordu bitartean: 1 puntu.
– 20 eta 29 ordu bitartean: 2 puntu.
– 30 eta 49 ordu bitartean: 3 puntu.
– 50 eta 99 ordu bitartean: 4 puntu.
– 100 eta 199 ordu bitartean: 5 puntu.
– 200 ordu edo gehiago: 6 puntu.
Ikastaroen egiaztagirian kreditu kopurua bakarrik jasota dagoenean, puntuazioa emateko baliokidetasun hau egingo da:
– Kredituen Europako Sistemaren (ECTS) 1 kreditu: 25 ordu.
– Etengabeko Prestakuntza Batzordeko 1 kreditu: 10 ordu.
Ikastaroaren ordu kopurua eta kreditu kopurua adierazten ez duten egiaztagirien kasuan, edo kredituak izan bai, baina horiek aurreko paragrafoan zehaztutakoak ez direnean edo kredituen beste ordu-baliokidetasun bat ezartzen denean, epaimahaiak, aurkeztutako egiaztagiriak eta ikastaroaren edukia ikusita, dagokion puntuazioa emango du, eta kasu horretan ez du inolaz ere 0,25 puntu baino gutxiago emango.
Erakunde ofizialek, unibertsitateek, erakunde sanitarioek eta, hala badagokio, elkargo profesionalek eta elkarte zientifikoek egiaztatutako/akreditatutako ikastaroak baloratuko dira, baita edozein administrazio publikok hitzartutako etengabeko prestakuntzako akordioen arabera egiaztatutako/akreditatutako ikastaroak ere, betiere titulu ofizial bat lortzeko ikasketa-plan baten barrukoak ez badira.
b) Irakaskuntza-jarduerak:
– Irakaskuntza, etengabeko prestakuntzako programa ofizialetan (ordu bakoitzeko): 0,050 puntu.
c) Jarduera zientifikoa eta ezagutzaren hedapena:
Eskatutako destinoko lanpostu funtzionalarekin zerikusia duten lan zientifikoak argitaratzearren, txostenak aurkeztearren, komunikazioak aurkeztearren, hitzaldiak ematearren edo mahai-inguruetan parte hartzearren:
– Txosten bakoitzeko: 2 puntu.
– Ahozko komunikazio/poster bakoitzeko: 1 puntu.
– Mahai-inguru bakoitzeko: 1 puntu.
– Argitalpen bakoitzeko (lehenengo egilea): 2 puntu.
– Argitalpen bakoitzeko (beste egile batzuk): 1 puntu.
Ez da baloratuko atal honetan zehaztu ez den merezimendurik.
3) Euskara:
– 2. HE: 18 puntu.
– 1. HE: 9 puntu.
IV. ERANSKINA
ANATOMIA PATOLOGIKOKO TEKNIKARI ESPEZIALISTA
I.– GAI-ZERRENDA OROKORRA
1.– Gaixotasun transmitigarrien epidemiologia. Infekzio nosokomiala: Barrera higienikoak. Prebentzioko eta kontroleko neurriak. Norbera babesteko ekipamenduak. Sepsia, asepsia, esterilizazioa eta desinfekzioa. Garbiketa, desinfekzioa eta esterilizazioa anatomia patologikoko laborategian. Material esterilekin lan egitea.
2.– Anatomia patologikoko laborategia. Arriskua substantzia kimikoen erabileran. Disolbagarri organikoen efektu toxikoak.
3.– Anatomia patologikoko laborategi bateko izakinak biltegiratzeko, banatzeko, kontserbatzeko eta kontrolatzeko teknika ezberdinen kudeaketa. Materiala banatzea eta lan-eremu ezberdinak berriz hornitzea. Izakinen inbentarioa.
4.– Biopsiak, nekropsiak eta zitologiak biltzea eta erregistratzea. Biopsiak, nekropsiak eta zitologiak jasotzerakoan balioztatzeko irizpideak. Elkarlana patologoarekin nekropsien, pieza kirurgikoen eta/edo biopsien lan makroskopikoan. Pieza txikien inklusioa.
5.– Biobankurako laginak prozesatzea. Izozteko eta kontserbatzeko sistemak. Azido nukleikoen kriokontserbazioa, kontserbatzaileak. Lagin anonimo, anonimizatu eta kodetuen kontzeptua. Biosegurtasuna. Zelula-hazkuntzak eta fluxu-zitometria. Zitometria digitaleko eta irudi-analisiko metodoak.
6.– Organoen transplantearen ezarpen aurreko ebaluaziorako laginak prozesatzea.
7.– Anatomia patologikoko laborategira aplikatutako histoteknologiaren hastapena: anatomia patologikoko teknikari espezialisten eginkizunak. Histoteknologiaren kontzeptua eta xedea. Biopsiaren eta pieza kirurgikoaren kontzeptuak. Prestaketa histologikoaren kontzeptuak.
8.– Autopsiaren eta azterketa makroskopikoaren teknika orokorrak. Autopsia gela eta gela makroskopikoa. Autopsia klinikoa eta/edo mediko legala. Gorpuaren autopsiaren fasean aurkikuntza makroskopikoen indikazioarekin eta kanpora ateratako organoen tailaketa zuzena.
9.– Enborreko barrunbeak irekitzeko, lepoa disekzionatzeko eta mingaina eta lepoko egiturak erauzteko prozedurak. Enborra irekitzeko teknikak. Lepoaren disekzioa eta mingainaren eta lepoko egituren erauzketa. Enborra irekitzeko teknikak: pneumotoraxa ikertzea. Sekzioak T-n eta U-n. Teknika eta jarraibideak. Larruazalaren disekzioa. Toraxeko eta abdomeneko pareten azterketa. Toraxeko barrunbea irekitzea. Garezurreko barrunbea eta nerbio-sistema irekitzea eta aztertzea.
10.– Garezurraren neurriak eta garezurra irekitzea: Kalota eta duramaterra aztertzea. Garezur-barrunbea aztertzea. Nerbio-sistema zentrala blokean erauztea. Blokearen kanpoko azterketa. Pisua eta neurriak. Entzefalo-blokea aurretik finkatzea eta zintzilik uztea. Garezur-barrunbearen, barrunbe errakideoaren eta nerbio-sistemaren anatomia patologiko makroskopikoa.
11.– Deskaltzifikazioa eta ehunen biguntzea. Gehien erabiltzen diren soluzio deskaltzifikatzaileak. Ultrasoinuen bidez deskaltzifikazio kimikoaren prozesua bizkortzea. Ehunen finkatze prozesuaren oinarriak: ehun-finkapenaren printzipio orokorrak. Finkapen-motak. Agente finkatzaile motak, haien jarduteko mekanismoaren arabera. Finkapena mikroskopia elektronikoan. Likido finkatzaileak erabiltzerakoan kontuan izan beharreko arau orokorrak.
12.– Ehunen prozesamendu histologikoari buruzko oinarri orokorrak. Anatomia patologikoko laborategi bateko ekipamendu orokorra. Kolorazioa baino lehenagoko eta ondoko ebakien tratamendua.
13.– Inklusio-metodoak eta -teknikak. Parafina-infiltrazioa. Beste inklusio-metodo batzuk (gelatina, zeloidina, erretxina plastikoak). Inklusioa mikroskopia elektronikoan.
14.– Blokeak egin eta orientatzea. Kontsiderazio orokorrak. Egitura tubularrak. Gainazal epitelialak. Zati handiak. Zati anizkoitzak. Kiste-egiturak. Blokeak egitea mikroskopia elektronikoan.
15.– Mikrotomoak eta ehunak ebakitzeko teknikak. Mikrotomoen kontzeptua eta motak. Hortzak eta motak. Parafina-blokeen gainean ebakitzeko teknikak. Kriostatoan ebakitzeko teknika. Ebakitzeko teknika mikroskopia elektronikoan.
16.– Mikroskopio optiko sinplea eta konposatua. Mikroskopioa erabiltzeko arau orokorrak. Mikroskopio elektronikoaren kontzeptua, deskribapena eta funtzionamendua.
17.– Kolorazioko oinarri orokorrak. Kolorazio nuklearrak. Koloragarri zitoplasmatikoak. Kolorazioak ehun konektiborako. Inpregnazio argentikoko teknikak.
18.– Kolorazioko teknikak substantzia ezberdinak identifikatzeko: gantzak, glukogenoa, muzina, fibrina eta amiloidea. Kolorazioak azido nukleikoetarako. Pigmentuak eta ioi metalikoak identifikatzeko metodoak.
19.– Mikroorganismoak detektatzeko metodoak: bakterioak, azidoa, alkohol erresistentea, espiroketak, onddoak, hepatitisaren birusa.
20.– Immunitate-sistema: orokortasunak. Immunohistokimikaren hastapenak. Teknika immunohistokimikoak.
21.– Diagnostiko molekularreko teknikak: in situ hibridazioa, polimerasaren kate-erreakzioa (PCR), polimerasaren katea - alderantzikazko transkripzioa (RT-PCR), polimerasaren kate-erreakzioa denbora errealean (Q-PCR) eta sekuentziazioa. DNAren egitura. Erreplikazioa, transkripzioa eta translazioa. Azido nukleikoak erauzketa, purutasuna. Kalitate-kontrolak.
22.– Zitopatologiaren hastapenak: zitopatologia ataleko ekipamendu orokorra. Zitoteknologoen eginkizunak. Lagin-motak zitopatologian: esfoliatiboa, orratz fin batekin egindako ziztada-xurgapenaren bidez (PAAF), likidoena eta sekrezioena, etab. Lagin horiek lortzeko, aurretik finkatzeko eta bidaltzeko orokortasunak.
23.– Material zitopatologikoko prozesamendu orokorra: karkaxen hedapena eta bronkio-xurgapenak, hainbat likido, bronkio-garbiketa eta garbiketa gastrikoak, orratz fina batekin egindako ziztada-xurgapena (PAAF). Finkapena.
24.– Kolorazioak azterketa zitologikoetarako. Kolorazio-metodo garrantzitsuenak: Papanicolau-ren, May-Grünwald-Giemsa-ren eta Diff Qui-ren kolorazioa.
25.– Zitodiagnostikoaren oinarrizko alderdiak. Zelularen oinarrizko egitura. Nukleoaren eta zitoplasmaren gaineko orokortasunak. Ehuneko hanturaren zitodiagnostikoa. Zelula-gaiztotasunaren irizpide zitologikoak.
26.– Emakumezkoen aparatu genitalaren zitologia. Umetoki-lepoko minbiziaren baheketaren zitologia. Sailkapena Bethesda-ren arabera. Ohiko hartualdi hirukoitzaren zitologia eta zitologia inguru likidoan. Teknika molekularrak. HPVk eragindako infekzioa.
27.– Zitologia klinikoa: arnas aparatuko, digestio-aparatuko, isurketetako, gernuko eta beste kokapen batzuetako zitologia esfoliatiboa.
28.– Teknika bereziak zitologian. Immunizitokimika zitologia diagnostikoan. Molekula-diagnostikoko teknikak.
GAI-ZERRENDA OROKORRAREN BIBLIOGRAFIA
1.– Anatomía patológica y citología. Unidad formativa 1: gestión de la unidad de un laboratorio de anatomía patológica y citología. Formación Alcalá argitaletxea. 2015.
2.– Necropsias. Koordinatzaileak: Julián Sanz Ortega eta Patricia Saperas López. Arán argitaletxea. 2015. ISBN: 978-84-16585-02-1.
3.– Técnicas en histología y biología celular. Luis Montuenga, Francisco Esteban, Alfonso Calvo. Masson argitaletxea. (2. edizioa). 2014.
4.– Higiene del medio hospitalario y limpieza del material. A. Ortega. Altamar argitaletxea. ISBN: 9788496334212.
5.– Técnicas generales de laboratorio. F. Simón, M.I. Lorenzo, F. Gómez-Aguado, B. Hernández. 2015. Altamar argitaletxea.
6.– Gestión de muestras biológicas. Antonio Cisterna Marin. Sintesis argitaletxea. 2016.
7.– Biología molecular del gen. James D. Watson, Tania A. Baker, Stephen P. Bell, Alexander Gann, Michael Levine, Richard Losick. Panamericana argitaletxea. 7. edizioa. 2016.
8.– Biología molecular y citogenética. F. Gómez-Aguado, M.I. Lorenzo, F. Simón, B. Hernández. Altamar argitaletxea. ISBN: 9788416415045.
9.– Citología ginecológica. Rafael Martínez Girón. Paraninfo argitaletxea. 2019.
10.– Cuadernos de citopatología 14: citología ginecológica, infecciones fúngicas, virus del papiloma humano (HPV). Díaz de Santos argitaletxea. 2016.
11.– El sistema Bethesda para informar la citología cervical. Definiciones criterios y notas aclaratorias. (2016ko edizio berri eguneratua) (Gaztelaniaz).
12.– 147/2015 Dekretua. Osakidetzako pazienteen eta erabiltzaileen eskubideei eta betebeharrei buruzko adierazpena.
13.– 21/2015 Dekretua, martxoaren 3koa, Euskal Autonomia Erkidegoan hondakin sanitarioak kudeatzeari buruzkoa (2015eko martxoaren 9ko EHAA 46. zk.).
14.– 41/2002 Oinarrizko Legea, azaroaren 14koa, pazientearen autonomiari eta informazio eta dokumentazio klinikoaren arloko eskubide eta betebeharrei dagokiena.
II.– GAI-ZERRENDA KOMUNA
1.– Euskadiko Antolamendu Sanitarioa.
2.– Osakidetza-Euskal osasun zerbitzua Ente Publikoa.
3.– Osakidetzako paziente eta erabiltzaileen eskubideak eta betebeharrak.
4.– Osasunaren arloko aurretiazko borondateak.
5.– Datu Pertsonalak Babesa eta Eskubide Digitalak Bermatzea.
6.– Emakumeen eta gizonen arteko berdintasuna.
7.– Marko Estrategikoa.
8.– Osasun Plana. Euskadiko Osasun Politikak.
9.– Pazientearen Segurtasun Estrategia Osakidetzan.
10.– Euskadiko Arreta Soziosanitarioko Estrategia.
11.– Osakidetzan Euskararen erabilera normalizatzeko III. Plana.
GAI-ZERRENDA KOMUNAREN BIBLIOGRAFIA
1.– 8/1997 Legea, ekainaren 26koa, Euskadiko Antolamendu Sanitarioarena.
2.– 255/1997 Dekretua, azaroaren 11koa, Osakidetza-Euskal osasun zerbitzua Ente Publikoaren Estatutu Sozialak ezartzen dituena.
3.– 147/2015 Dekretua, uztailaren 21ekoa, Euskadiko osasun-sistemako pertsonen Eskubideei eta Betebeharrei buruzko Adierazpena onartzen duena.
4.– 7/2002 Legea, abenduaren 12koa, osasun-arloko aurretiazko borondateena.
5.– 3/2018 Lege Organikoa, abenduaren 5ekoa, Datu Pertsonalak Babesteari eta Eskubide Digitalak Bermatzeari buruzkoa.
6.– 4/2005 Legea, otsailaren 18koa, Emakumeen eta Gizonen Berdintasunerakoa, martxoaren 3ko 1/2022 Legearen bigarren aldaketa barne.
7.– Marko Estrategikoa. Osasun Saila. 2021-2024.
8.– Osasun Plana. Euskadiko Osasun Politikak 2013-2020.
9.– Pazientearen Segurtasun Estrategia Osakidetzan 20 20.
10.– Euskadiko Arreta Soziosanitarioko Estrategia (2021-2024).
11.– Osakidetzan Euskararen erabilera normalizatzeko III. Plana 2022-2028.
