RSS
134. zk., 2022ko uztailaren 12a, asteartea
- Bestelako formatuak:
- PDF (170 KB - 2 orri.)
- EPUB (133 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
ENERGIAREN EUSKAL ERAKUNDEA
3163
EBAZPENA, 2022ko ekainaren 23koa, Energiaren Euskal Erakundeko zuzendari nagusiarena, zeinaren bidez argitaratzen baita EAEko jarduera ekonomikoko guneetako, enpresa-parkeetako eta industrialdeetako Renove 2019 programako –Energia-efizientzian eta energia berriztagarrien erabileran inbertsioak sustatzeari begirako dirulaguntzen programa– oinarri arautzaileak onartzen, deitzen eta argitaratzen zituen 2019ko apirilaren 29ko Ebazpenaren babesean emandako dirulaguntzen zerrenda.
AURREKARIAK
2019ko maiatzaren 13ko datarekin, EHAAn, 88 zenbakian, 2019ko apirilaren 29ko Ebazpena argitaratu zen, Energiaren Euskal Erakundeko zuzendari nagusiarena, EAEko jarduera ekonomikoko guneetako, enpresa-parkeetako eta industrialdeetako renove programa – Energia-efizientzian eta energia berriztagarrien erabileran inbertsioak sustatzeari begirako dirulaguntzen programa oinarri arautzaileak onartzen, deitzen eta argitaratzen dituena – 2019. urtea.
Euskadiko Ogasun Nagusiaren Antolarauei buruzko Legearen testu bategina onartzen duen azaroaren 11ko 1/1997 Legegintzako Dekretuaren 49.2 artikuluarekin bat etorriz, aldekok diren dirulaguntzei eta aldaketei buruzko ebazpenak EHAAn argitaratu beharraz diharduena, laguntzak eta dirulaguntzak ezartzen dituzten arauek beste era batera egiteko esaten ez badute.
Goraxeago adierazitako guztiagatik eta Energiaren Euskal Erakundearen dirulaguntzari lotutako jardunak eskatzen duen publizitate printzipioa betetzeko xedez,
EBATZI DUT:
Emandako dirulaguntzen zerrenda argitaratzea, honekin batera doan eranskinean, EAEko jarduera ekonomikoko guneetako, enpresa-parkeetako eta industrialdeetako renove programa – Energia-efizientzian eta energia berriztagarrien erabileran inbertsioak sustatzeari begirako dirulaguntzen programarena.
Bilbao, 2022ko ekainaren 23a.
Energiaren Euskal Erakundeko zuzendari nagusia,
IÑIGO ANSOLA KAREAGA.
