Euskal Herriko Agintaritzaren Aldizkaria

113. zk., 2022ko ekainaren 13a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

EUSKO LEGEBILTZARRA

2613

IRAGARKIA, aldi baterako enplegua egonkortzeko enplegu publikoaren eskaintzari buruzkoa.

Mahaiak, 2022ko maiatzaren 31ko bileran, agindu du Eusko Legebiltzarraren Aldizkari Ofizialean argitara dadila enplegu publikoaren eskaintza.

Eusko Legebiltzarreko lanpostuak aldi baterako betetzen ari diren langileak egonkortzeko enplegu publikoaren eskaintza, enplegu publikoan behin-behinekotasuna murrizteko premiazko neurrien abenduaren 28ko 20/2021 Legean eta Euskal Autonomia Erkidegoko Administrazioko Kidegoei eta Eskalei buruzko azaroaren 11ko 7/2021 Legearen lehenengo eta bigarren xedapen gehigarrietan jasotako enplegua finkatzeko prozesu berezien eta apartekoen baitan.

Enplegu publikoan behin-behinekotasuna murrizteko premiazko neurrien abenduaren 28ko 20/2021 Legearen eta Euskal Autonomia Erkidegoko Administrazioko Kidegoei eta Eskalei buruzko azaroaren 11ko 7/2021 Legearen lehenengo eta bigarren xedapen gehigarrien baitan, Eusko Legebiltzarreko lanpostuak aldi baterako betetzen ari diren langileak egonkortzeko enplegu publikoaren eskaintza egiten da, enplegua finkatzeko prozesu berezien eta apartekoen baitan.

Lan-eskaintza publiko hau Eusko Legebiltzarraren Aldizkari Ofizialean argitaratu behar da, 2022ko ekainaren 1a baino lehen, eta enplegua finkatzeko prozesu berezien eta apartekoen oinarri orokorrak eta espezifikoak argitaratzea 2022ko abenduaren 31 baino lehen onetsi behar da.

Horregatik guztiagatik, legebiltzar-autonomia baliatuz, egoki da aldi baterako betetzen ari diren lanpostuak finkatzeko enplegu publikoaren eskaintza bat onestea. Horretarako, Erkidegoko eta Estatuko legedian jasotako prozedura bereziak eta ezohikoak erabiliko dira, Eusko Legebiltzarraren errealitatera egokituak, eta funtzio publiko eta parlamentarioarekin bateragarriak direnak. Enplegu publikoaren eskaintza honek Langileen Batzordearen aldeko iritzia du.

Horren arabera, Eusko Legebiltzarreko Mahaiak, Euskal Herriko Autonomia Estatutuaren 27.1 artikuluan aurreikusitako legebiltzar-autonomia baliatuz, legelari nagusiaren proposamenarekin bat etorriz, eta Langileen Batzordeak aldeko iritzia emanik, honako hau erabaki du:

Lehenengoa.– Lanpostuak finkatzeko lehiaketa-oposizio sistema bidezko enplegu publikoaren eskaintza onestea.

(Ikus .PDF)

Bigarrena.– Lanpostuak finkatzeko lehiaketa-sistema bidezko enplegu publikoaren eskaintza onestea.

Hirugarrena.– Prozedurak amaitu aurretik sortzen diren lanpostu huts berriek gehitu ahal izango dituzte enplegu publikoaren eskaintza honetako plazak. Eusko Legebiltzarreko Mahaiak zehaztuko du hautaketa-prozesuetan sartzeko zer modalitate esleituko zaizkien lanpostu huts horiei.

Vitoria-Gasteiz, 2022ko ekainaren 1a.

Eusko Legebiltzarreko lehendakaria,

BAKARTXO TEJERIA OTERMIN.

Azterketa dokumentala