Euskal Herriko Agintaritzaren Aldizkaria

112. zk., 2022ko ekainaren 10a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

SEGURTASUN SAILA

2600

IRAGARKIA, honen bidez jakinarazten da Segurtasun Saileko Administrazio eta Zerbitzuen sailburuordearen Ebazpena. Ebazpen horrek Giza Baliabideen zuzendariaren ebazpena Segurtasun Saileko eta Polizia eta Larrialdietako Euskal Akademiako iragarki-oholetan zein egunetan jarriko den iragartzen du. Aipatutako ebazpenak Eusko Jaurlaritzako Segurtasun Saileko eta Polizia eta Larrialdietako Euskal Akademiako aldi baterako zerbitzuetarako lan-poltsen eguneratze prozesuari hasiera eman eta behin-behineko zerrendak onartzen ditu.

Segurtasun Saileko eta Polizia eta Larrialdietako Euskal Akademiako aldi baterako zerbitzuetarako lan-poltsen eguneratze-prozesuari hasiera eman eta behin-behineko zerrendak onartzen dituen Giza Baliabideen zuzendariaren 2022ko maiatzaren 24ko Ebazpenean ezarritakoaren arabera, honako hau,

EBAZTEN DUT:

Lehenengoa.– EHAAren bidez iragartzea Giza Baliabideen zuzendariaren ebazpena, Segurtasun Saileko eta Polizia eta Larrialdietako Euskal Akademiako aldi baterako zerbitzuetarako lan-poltsen eguneratze-prozesuari hasiera eman eta behin-behineko zerrendak onartzen dituena, Segurtasun Saileko eta Polizia eta Larrialdietako Euskal Akademiako iragarki-ohol hauetan jarriko dela:

a) Segurtasuneko Sailburuordetza.

Larrialdiei Aurre Egiteko eta Meteorologiako Zuzendaritza.

Trafiko Zuzendaritza.

Joko eta Ikuskizun Zuzendaritza.

Ertzaintzaren Zuzendaritza.

Segurtasuna Koordinatzeko Zuzendaritza.

b) Administrazio eta Zerbitzuen Sailburuordetza.

Kudeaketa Ekonomikoaren eta Baliabide Orokorren Zuzendaritza.

Araubide Juridikoaren, Zerbitzuen eta Hauteskunde Prozesuen Zuzendaritza.

Giza Baliabideen Zuzendaritza.

Telekomunikazioak eta Sistema Informatikoak Kudeatzeko Zuzendaritza.

c) Ertzain-etxeak:

(Ikus .PDF)

Bigarrena.– Ohartaraztea Giza Baliabideen zuzendariaren 2022ko maiatzaren 24ko Ebazpenaren aurka gora jotzeko errekurtsoa aurkeztu ahal dela Administrazio eta Zerbitzuen sailburuorde honen aurrean, hilabeteko epean, ebazpen hau EHAAn argitaratu eta hurrengo egunetik zenbatzen hasita, Administrazio Publikoen Administrazio Prozedura Erkidearen urriaren 1eko 39/2015 Legeak 121. artikuluan zein harekin bat datozenetan xedatutakoari jarraikiz.

Hirugarrena.– Ohartaraztea lan-poltsen eguneratze-prozesuaren aplikazio eremuan dauden pertsonek 20 egun balioduneko epea izango dutela, lan-poltsak osatzen dituztenen behin-behineko zerrenda iragarki-oholetan jarri eta hurrengo egunetik zenbatzen hasita, 2020ko maiatzaren 1az geroztik eta 2022ko apirilaren 30era arte betetako balorazio- eta hurrenkera-irizpideei buruzko agiriak aurkezteko, baita behin-behineko zerrendaren aurka egoki irizten dizkieten erreklamazioak aurkezteko edo Segurtasun Saileko Giza Baliabideen Zuzendaritzari (Larrauri Mendotxe bidea 18, 48950 Erandio – Bizkaia) lan-poltsetatik kentzeko eskatzeko ere.

Vitoria-Gasteizen, 2022ko maiatzaren 25ean.

Administrazio eta Zerbitzuen sailburuordea,

MIREN GOITIA GABIOLA.

Azterketa dokumentala