RSS
105. zk., 2022ko ekainaren 1a, asteazkena
- Bestelako formatuak:
- PDF (141 KB - 3 orri.)
- EPUB (140 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
LAN ETA ENPLEGU SAILA
2386
EBAZPENA, 2022ko apirilaren 6koa, Laneko eta Gizarte Segurantzako zuzendariarena, zeinaren bidez erregistratzen, gordailutzen eta argitaratzen baita Eusko Jaurlaritzako Hezkuntza Sailaren mendeko zuzeneko kudeaketako eskola-jantokietako kolektibitate-enpresen hitzarmen kolektiboaren jarraipen eta bermerako Batzorde Paritarioak hartutako erabakia, 2022rako soldata-taulak % 2 igotzea onartzeari buruzkoa (hitzarmenaren kodea: 86002235012003).
AURREKARIAK
Lehenengoa.– 2022ko martxoaren 29an, aipatu hitzarmen kolektiboaren Batzorde Paritarioak hartutako erabakiaren dokumentazioa aurkeztu da REGCONen. Enpresaren eta sindikatuen ordezkariek sinatuta egon da dokumentazioa.
ZUZENBIDEKO OINARRIAK
Lehenengoa.– Lan-agintaritza honi dagokio Langileen Estatutuari buruzko Legearen testu bateginaren 90.2 artikuluan aurreikusitako eskumena (urriaren 23ko 2/2015 Legegintzako Errege Dekretuaren bidez onartu zen testu bategin hura), hala xedatuta baitago Euskal Autonomia Erkidegoaren Administrazioko sailak sortu, ezabatu eta aldatzen dituen eta horien egitekoak eta jardun-arloak finkatzen dituen lehendakariaren irailaren 6ko 18/2020 Dekretuaren 6. artikuluan, urtarrilaren 19ko 7/2021 Dekretuaren 10.1.i artikuluarekin lotuta (dekretu hori uztailaren 6ko 167/2021 Dekretuak aldatu zuen, zeinaren bidez ezartzen baita Lan eta Enplegu Sailaren egitura organikoa eta funtzionala).
Bigarrena.– Prozedura honetan aplikatu beharreko funtsezko araudia maiatzaren 28ko 713/2010 Errege Dekretuan (lan-hitzarmen eta -akordio kolektiboak erregistratu eta gordailutzeari buruzkoa) eta urtarrilaren 25eko 9/2011 Dekretuan (Euskal Autonomia Erkidegoko lan-hitzarmen eta -akordio kolektiboak erregistratu eta gordailutzeari buruzkoa) jasotakoa da.
Hirugarrena.– Aurkeztu den erabakia inskribatu beharreko egintza bat da, maiatzaren 28ko 713/2010 Errege Dekretuak 2.1.a) artikuluan aurreikusitakoari jarraikiz. Aztertu dira inskribatzeko eskaera eta erantsitako dokumentazioa, eta ikusi da eskaera horretan betetzen direla legezko eskakizun guztiak. Beraz, Euskal Autonomia Erkidegoko hitzarmen eta akordio kolektiboen erregistro eta gordailua sortu zuen urtarrilaren 25eko 9/2011 Dekretuak 9. artikuluan ezarritakoari jarraikiz, honako hau
EBAZTEN DUT:
Lehenengoa.– Erabakia Euskadiko Hitzarmen eta Akordio Kolektiboen Erregistroan inskribatu eta gordailutzeko agintzea, eta alderdiei jakinaraztea.
Bigarrena.– Akordioa Euskal Herriko Agintaritzaren Aldizkarian argitara dadila agintzea.
Vitoria-Gasteiz, 2022ko apirilaren 6a.
Laneko eta Gizarte Segurantzako zuzendaria,
ANGEL LAPUENTE MONTORO.
Asier Aldaiturriaga Berriozabalek, Hezkuntza Sailaren mendeko zuzeneko kudeaketako eskola-jantokietako kolektibitate-enpresen hitzarmen kolektiboaren jarraipenerako eta bermerako Batzorde Paritarioak emandako baimena baliatuz, honako hau
Adierazten du: Batzordea 2022ko martxoaren 28an bildu zen eta beherago azaltzen den gaia aztertu zuen. Bileraren aktan dago transkribatuta zein izan zen ebazpena.
Azaldutako gaia: 2022ko soldata-taulak onartzea, % 2ko igoerarekin.
Batzordearen ebazpena: Batzordeak honako hau erabaki du aho batez:
«Batzorde Paritarioko kideek aho batez erabaki dute 2022rako aurkeztutako behin betiko soldata-taulak onartzea. Taula horiek akta honi erantsi zaizkio, eta urte horretarako % 2ko soldata-igoera jasotzen dute.
Era berean, egintza berean, Lan Harremanen Kontseiluko lehendakari Tomás Arrieta Heras jaunari baimena eman zaio beharrezko izapideak egin ditzan taula horiek Hitzarmen Kolektiboen Erregistroan (REGCON) erregistra daitezen eta Euskal Herriko Agintaritzaren Aldizkarian argitara daitezen.
Horrez gain, sortutako atzerapenak beranduenez ere 2022ko maiatzeko nominan ordainduko direla erabaki dute, baldin eta egun hori baino lehen esleipen berriak egin ez badira. Hilabete hori baino lehen esleitzen badira, batzorde horretako kideek premiazko bilkura berezi baterako deialdia egingo dute, ordainketa aztertzeko.
Eta hala ziurtatzen du, dagozkion ondorioetarako, Bilbon, 2022ko martxoaren 28an.
