RSS
68. zk., 2022ko apirilaren 5a, asteartea
- Bestelako formatuak:
- PDF (243 KB - 16 orri.)
- EPUB (129 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Oposaketak eta lehiaketak
OSAKIDETZA-EUSKAL OSASUN ZERBITZUA
1509
894/2022 EBAZPENA, martxoaren 15ekoa, Osakidetza-Euskal osasun zerbitzuko zuzendari nagusiarena, zeinaren bidez onartzen diren estatutupeko lotura finkoa lortzeko hautaketa-probak arautuko dituzten oinarri espezifikoak Fakultatibo Medikoak eta Teknikoak lanbide-taldeko Farmazialaria kategorian (Farmaziako FT lanpostu funtzionala), Osakidetza-Euskal osasun zerbitzuko zerbitzu sanitarioetako erakundeetako destinoetan.
Osakidetza-Euskal osasun zerbitzuko zuzendari nagusiaren azaroaren 25eko 1473/2021 Ebazpenaren bidez, onartu egin dira Osakidetza-Euskal osasun zerbitzuan estatutupeko lotura finkoa lortzeko 2018 eta 2019an iragarritako hautaketa-prozesuak arautuko dituzten oinarri orokorrak.
Hautaketa-prozesu bakoitza gauzatzeko, beharrezkoa da kategoria bakoitzeko destinoen deialdia arautuko duten oinarri espezifikoak argitaratzea.
Horregatik, kontuan izanda Euskadiko Antolamendu Sanitarioaren ekainaren 26ko 8/1997 Legea, Osasun-zerbitzuetako estatutupeko langileen esparru-estatutuaren abenduaren 16ko 55/2003 Legea, Enplegatu Publikoaren Oinarrizko Estatutuaren testu bategina onartzen duen urriaren 30eko 5/2015 Legegintzako Errege Dekretua, Osakidetza-Euskal osasun zerbitzua Ente Publikoaren lanpostu funtzionalak arautzen dituen uztailaren 19ko 186/2005 Dekretua, Osakidetza-Euskal osasun zerbitzua Ente Publikoaren Estatutu Sozialak ezartzen dituen azaroaren 11ko 255/1997 Dekretua, eta indarrean dauden eta aplikagarriak diren gainerako xedapenak, honako hau
EBAZTEN DUT:
Lehenengoa.– Oinarri hauen xede diren hautaketa-probetarako deia egitea.
Bigarrena.– Osakidetza-Euskal osasun zerbitzuko zerbitzu sanitarioetako erakundeetako destinoetan estatutupeko lotura finkoa lortzeko hautaketa-probak arautuko dituzten oinarri espezifikoak onartzea (I. eranskina) Fakultatibo Medikoak eta Teknikoak lanbide-taldeko Farmazialaria kategorian (Farmaziako FT lanpostu funtzionala).
Hirugarrena.– Ebazpen honen II. eranskinaren bidez eskainitako destinoen zerrenda onartzea.
Laugarrena.– Ebazpen honen III. eranskinean agertzen den merezimenduen baremoa onartzea.
Bosgarrena.– Ebazpen honen IV. eranskinean dagoen gai-zerrenda onartzea.
Seigarrena.– Deialdi honetan parte hartzeko eskaera aurkezteko epea 2022ko maiatzaren 3tik ekainaren 2ko 14:00ak arte ezartzea, oinarri orokorrak onartzen dituen Osakidetza-Euskal osasun zerbitzuko zuzendari nagusiaren azaroaren 25eko 1473/2021 Ebazpenaren 9.3 oinarrian ezarritakoaren arabera.
Zazpigarrena.– Ebazpen honen aurka gora jotzeko errekurtsoa jarri ahal izango zaio Osakidetza-Euskal osasun zerbitzuko Administrazio Kontseiluari; horretarako, hilabeteko epea egongo da, Ebazpena EHAAn argitaratzen den egunaren hurrengo egunetik hasita, Administrazio Publikoen Administrazio Prozedura Erkidearen urriaren 1eko 39/2015 Legean, Euskadiko Antolamendu Sanitarioari buruzko ekainaren 26ko 8/1997 Legean eta Osakidetza-Euskal osasun zerbitzuaren estatutu sozialak ezartzeko azaroaren 11ko 255/1997 Dekretuan ezarritakoaren arabera.
Vitoria-Gasteiz, 2022ko martxoaren 15a.
Osakidetza-Euskal osasun zerbitzuko zuzendari nagusia,
MARÍA ROSA PÉREZ ESQUERDO.
I. ERANSKINA
OSAKIDETZA-EUSKAL OSASUN ZERBITZUKO ZERBITZU SANITARIOETAKO ERAKUNDEETAKO DESTINOETAN ESTATUTUPEKO LOTURA FINKOA LORTZEKO HAUTAKETA-PROBAK ARAUTUKO DITUZTEN OINARRI ESPEZIFIKOAK FAKULTATIBO MEDIKOAK ETA TEKNIKOAK LANBIDE-TALDEKO FARMAZIALARIA KATEGORIAN (FARMAZIAKO FT LANPOSTU FUNTZIONALA)
1.– Deialdiaren xede diren destinoak.
1.1.– Deialdi honen xede izango dira Fakultatibo Mediko eta Teknikoa lanbide-taldeko Farmazialaria kategoriako (Farmaziako FT lanpostu funtzionala) Osakidetza-Euskal osasun zerbitzuko zerbitzu sanitarioetako erakundeetako destinoak, II. eranskinean jasotako daudenak alegia.
1.2.– Deialdian sartutako destinoen % 7 desgaitasunen bat duten langileek betetzeko gordeko dira, II. eranskinean jasotako oinarri orokorretako 1.3 oinarrian ezarritako banaketaren arabera.
2.– Izangaien betekizunak.
Honen bidez araututako prozesuan parte hartzeko, izangaiek, oinarri orokorretan ezarritako salbuespenak kenduta, aurkezteko epearen azken egunean bete beharreko eskakizunez gain, oinarri orokorretan jasota daudenak ere bete beharko dituzte, eta horiek kasuan kasu esleitzen den destinoa jabetzan hartu arte bete beharko dira:
a) Oinarri orokorretako 6.2.c) apartatuan xedatutakoarekin bat, Farmaziako Lizentzia edo titulu baliokidea izatea, Osakidetza-Euskal osasun zerbitzua Ente Publikoaren lanpostu funtzionalak arautzen dituen uztailaren 19ko 186/2005 Dekretuaren I. eranskinean zehaztutakoa betez.
b) Edonola ere, lortu nahi den lanpostuaren baldintzak betetzea, Osakidetza-Euskal osasun zerbitzua Ente Publikoaren lanpostu funtzionalak arautzen dituen uztailaren 19ko 186/2005 Dekretuak xedatutakoaren arabera, bai eta indarrean dagoen araudiak eskatzen duen beste edozein eskakizun betetzea ere.
c) Eskabideak aurkezteko epearen barruan, izena emateko eskubideengatik dagokion tasa ordaindu izana, eskainitako destinoen lanbide-taldearen arabera:
A1 taldea (A talde zaharra): 25 euro.
3.– Lehiaketaldiaren garapena.
3.1.– Oposizioaldia.
Epaimahai kalifikatzaileari dagokio proben edukia eta kalifikazioa zehaztea, eta, horretarako, hautaketa-prozesua behar bezala garatzeko beharrezkotzat jotzen dituen neurriak hartuko ditu, eta prozesuaren gardentasuna eta objektibotasuna bermatuko du.
Epaimahaiak Osakidetza-Euskal osasun zerbitzuari eskatu ahal izango dio aholkulariek parte har dezatela hautaketa-prozesuaren fase guztietan, bai probak prestatzeari dagokionez, bai lehiaketaldian. Epaimahaikideei eskatzen zaien titulu-eskakizuna bete beharko dute pertsona horiek.
Epaimahaiak Osakidetza-Euskal osasun zerbitzuari kanpoko aholkularitza-erakundeetara jotzea eskatu ahal izango dio ere bai, probak prestatzeko eta oposizioaldian probekin zerikusia duten gai guztietarako. Horretarako, Osakidetza-Euskal osasun zerbitzuak behar diren neurriak jarriko ditu kanpo-erakunde aholkularien parte-hartzea gauzatzeko.
Oposizioaldian ariketa hauek egin beharko dituzte:
a) Lehenengo ariketa: Probari idatziz erantzun beharko zaio, ematen den gehieneko denboraren barruan, eta galderak IV. eranskinean jasotako gaiei buruzkoak izango dira.
Halaber, proba prestatzeko bibliografia ere eranskin horretan jasoko da.
b) Bigarren ariketa: epaimahaiak proposatutako ariketa praktikoak egin beharko dituzte, galdetegiei erantzunez zein beste modalitateen bidez.
Ariketak destinoen funtzio espezifikoekin lotuta egongo dira eta haien helburua izangaiek destino horietan aritzeko dituzten gaitasunak, abileziak, ezagutzak eta ahalmen profesionala baloratzea izango da.
Oposizioaldian bi ariketa egingo dira proba berean; ariketa teoriko bat eta praktiko bat, biak eskainitako destino ezberdinetako funtzio espezifikoekin lotuta. Probaren azken emaitza bi ariketen batezbesteko haztatua izango da, % 65 proba teorikoarena eta % 35 ariketa praktikoarena. Horretarako, batezbesteko haztatua formula honen arabera lortuko da:
(Ikus .PDF)
Oposizioaldia gainditutzat emateko, bi ariketen batezbesteko haztatua gutxienez 100 puntutik 50 puntukoa izan beharko da.
3.2.– Oinarri orokorretako 14. apartatuan zehaztutako puntuazio-hurrenkeraren araberako izangaien behin-behineko zerrenda argitaratu ondoren, I. eranskinean agertzen diren proposatutako izangaiek honako dokumentu hauen fotokopia konpultsatua aurkeztu beharko dute, 14.2 oinarrian zerrendatzen den dokumentazioaz gain:
– Farmaziako Lizentziadun tituluaren edo baliokidearen fotokopia konpultsatua edo notario-lekukotza, Osakidetza-Euskal osasun zerbitzua Ente Publikoko lanpostu funtzionalak arautzen dituen uztailaren 19ko 186/2005 Dekretuaren I. eranskinaren arabera.
3.3.– Lehiaketaldia.
Egiaztatutako merezimenduak III. eranskineko merezimenduen baremoaren arabera balioztatuko dira, oinarri orokorretan ezarritako irizpideen arabera.
3.4.– Lanpostuaz jabetzea.
Oinarri orokorretako 17. apartatuan aipatutako dokumentazioaz gain, deialdi honetako destinoren bat jabetzan hartzen dutenek honako agiri hauek aurkeztu beharko dituzte lanpostuaz jabetzeko ekitaldian:
– Elkargokide-ziurtagiria.
II. ERANSKINA
DESTINOEN ZERRENDA KATEGORIA HONETAN: FARMAZIALARIA, LANPOSTU FUNTZIONALA: FARMAZIAKO FT
Osakidetza-Euskal osasun zerbitzuko zuzendari nagusiaren 1473/2021 Ebazpenaren bidez onartutako oinarri orokorretako 1. oinarrian xedatutakoaren arabera, destino hauek betetzeko deialdia egiten da:
a) Barne-sustapeneko txandako deialdia: 1 destino.
Sarbide orokorra: 1.
Erreserba-kupoa desgaitasunen bat duten pertsonentzat: 0.
– Adimen-desgaitasuna duten pertsonentzat: 0.
– Bestelako desgaitasunak dituzten pertsonentzat: 0.
b) Txanda askeko deialdia: 5 destino.
Sarbide orokorra: 5.
Erreserba-kupoa desgaitasunen bat duten pertsonentzat: 0.
– Adimen-desgaitasuna duten pertsonentzat: 0.
– Bestelako desgaitasunak dituzten pertsonentzat: 0.
Adimen-desgaitasuna duten langileentzako destinoak (adimen-desgaitasuna duten pertsonentzako kupoa) ez badira betetzen ez dagoelako hautaketa-prozesua gainditzen duen izangai nahikorik, destino horiek desgaitasunen bat duten langileentzako erreserba-kupoan gehituko dira (bestelako desgaitasunak dituzten pertsonentzako kupoa).
Desgaitasunen bat duten langileentzako destinoak ez badira betetzen ez dagoelako hautaketa-prozesua gainditzen duen izangai nahikorik, destino horiek dagokion txandako sarbide orokorreko lanpostuetan gehituko dira; hots, barne-sustapenean edo txanda irekian.
2. oinarrian ezarritakoaren arabera, deialdi honen xede diren zerbitzu sanitarioetako erakundeetako destinoak, barne-sustapeneko txandarako, eskabideak aurkezteko epea hasi baino lehen ezarriko dira, Osakidetza-Euskal osasun zerbitzuko zuzendari nagusiaren ebazpen bidez. Ebazpen hori Osakidetza-Euskal osasun zerbitzuaren webgunean argitaratuko da. Txanda askearen kasuan, destinoak ezarriko dira Euskal Herriko Agintaritzaren Aldizkarian deialdiaren xede den kategoriaren Osakidetza-Euskal osasun zerbitzuko Lekualdatze-lehiaketa ireki eta iraunkorreko indarreko zikloko destinoen behin betiko esleipenaren ebazpena argitaratu ondoren, Osakidetza-Euskal osasun zerbitzuko zuzendari nagusiaren ebazpenaren bidez. Ebazpen hori ere Osakidetza-Euskal osasun zerbitzuaren webgunean argitaratuko da.
III. ERANSKINA
MEREZIMENDUEN BAREMOA OSAKIDETZA-EUSKAL OSASUN ZERBITZUKO ZERBITZU SANITARIOETAKO ERAKUNDEETAN DESTINOA DUTEN FAKULTATIBO MEDIKOAK ETA TEKNIKOAK LANBIDE-TALDEKO FARMAZIALARIA KATEGORIAN (FARMAZIAKO FT LANPOSTU FUNTZIONALA)
1) Lan-esperientzia (gehienez, 60 puntu).
Eskabideak aurkezteko azken egunera arte izangaiek aitortuta duten zerbitzu-denbora zenbatuko da.
Dagokion espezialitateko etengabeko arretako behin-behineko izendapen batean egindako zerbitzuen puntuazioari zerbitzu horiengatik normalean ematen den puntuazioaren % 50 aplikatuko zaio.
Zenbaketa osoa lan egindako egun naturaletan oinarrituko da, eta baztertu egingo dira hilabetetik beherako soberakinak. Horretarako, 30 egun naturaleko multzoa hartuko da hilabetetzat.
1.– Osakidetza-Euskal osasun zerbitzuko Zuzendaritza Nagusian, Osakidetza-Euskal osasun zerbitzuko zerbitzu-erakundeetan edo Gizarte Segurantzakoetan edo autonomia-erkidegoetako osasun-zerbitzuetan edo edozein administrazio publikotan edo Europar Batasuneko gainerako kideen sare publikoko zerbitzu sanitarioetan Lehen Mailako Arretako farmazialari gisa edo arlo medikoko kudeaketako lanpostuetan farmazialari gisa emandako zerbitzuen hilabete bakoitzeko: 0,30 puntu.
2.– Osakidetza-Euskal osasun zerbitzuko zerbitzu sanitarioetako erakundeetan, Gizarte Segurantzakoetan, autonomia-erkidegoetako osasun-zerbitzuetan edo beste edozein administrazio publikokoetan edo Europar Batasuneko gainerako kideen sare publikoko zerbitzu sanitarioetan ospitaleko farmazialari gisa emandako zerbitzuen hilabete bakoitzeko: 0,12 puntu.
3.– Administrazio sanitarioan, Osasun Sailean, eta Insaludeko, Osasun Ministerioko eta autonomia-erkidegoetako eta Europar Batasuneko gainerako kideen sare publikoko egitura baliokideetan farmazialari ikertzaile gisa lan egindako hilabete bakoitzeko: 0,055 puntu.
4.– Erakunde Sanitario Publikoetan kudeaketa eta zerbitzu orokorren arloan goi-mailako kudeaketa lanpostuetan emandako zerbitzuen hilabete bakoitzeko: 0,05 puntu.
Barne-sustapeneko txandaren bidez sartzen diren langileei ondoren zehazten den moduan zenbatuko zaizkie aldez aurreko zerbitzuak:
a) E taldean eskainitako zerbitzuak: 0,02 puntu hilabete bakoitzeko.
b) D taldean eskainitako zerbitzuak: 0,03 puntu hilabete bakoitzeko.
c) C taldean eskainitako zerbitzuak: 0,04 puntu hilabete bakoitzeko.
d) B taldean eskainitako zerbitzuak: 0,05 puntu hilabete bakoitzeko.
e) D taldean eskainitako zerbitzuak: 0,12 puntu hilabete bakoitzeko.
f) Lehiatzen den lanpostu berean emandako zerbitzuak: 0,30 puntu hilabete bakoitzeko.
Zerbitzu-eginkizunetan edo goragoko kategoriako eginkizunetan emandako zerbitzuak benetan betetako lanpostuan zenbatuko dira.
Halaber, jatorrizko lanpostuan zenbatuko dira zerbitzu berezietan emandako zerbitzuak.
2) Prestakuntza, irakaskuntza eta ikerketa (gehienez, 20 puntu).
Apartatu honetan, honako hauen arabera egiaztatzen den prestakuntza baloratuko da:
a) Graduaurreko prestakuntza:
Espediente akademikoaren balorazioa honela egingo da:
(Ikus .PDF)
Ez dira ebaluatuko eta, horrenbestez, ez dira zatitzailean agertuko ondorengo ikasgaiei dagozkien kalifikazioak edo baliozkotze ofizialaren helburu izan direnak: erlijioa, heziera politikoa, heziketa fisikoa, hizkuntzak eta deitutako lanpostu funtzionala eskuratzeko eskatzen den tituluaren ikasketen oinarrizko edukiarekin lotura nabarmenik ez duten beste ikasgai batzuk.
b) Graduondoko prestakuntza:
– Cum laude doktore-titulua: 10 puntu.
– Doktore-titulua: 9 puntu.
– Graduondoko masterra: 6 puntu.
– Unibertsitateko Aditu edo Espezialista titulua: 5 puntu.
– Ikertzeko nahikotasuna edo Diploma ikasketa aurreratuetan: 4 puntu.
– Lizentzia-gradua (bikaina edo ohorezko matrikula): 3 puntu.
– Doktoretza-ikastaroa, ikastaro bakoitzeko (gehienez, 10 ikastaro): 0,25 puntu.
– Lotutako bestelako unibertsitate-tituluak: 2,5 puntu.
Cum laude doktore gisa puntuazioa emanez gero, ez da punturik emango Doktore gisa. Cum laude doktorea edo Ikertzeko nahikotasuna edo Ikasketa aurreratuen diploma lortzeko balio duten programetako doktoretza-ikastaroek ez dute punturik emango.
c) Prestakuntza espezializatua:
1.– Kategorian sartzeko eskatutakoak ez diren legez aitortutako espezialitate bateko edo batzuetako tituluak dituzten izangaiak, betiere titulu horiek ofizialki onartutako fakultatiboen prestakuntza espezializatuko programa egoiliar gisa bete ondoren lortu badituzte: 2 puntu.
2.– Kategorian sartzeko eskatutakoa ez den espezialista-tituluak dituzten izangaiak (BAME bidezkoak ez direnak): 1 puntu.
d) Etengabeko prestakuntza:
Eskatutako destinoaren kategoriarekin zerikusia duten ikastaroetara joateagatik:
– 9 ordura arte: 0,25 puntu.
– 10 eta 19 ordu bitartean: 0,75 puntu.
– 20 eta 29 ordu bitartean: 1,25 puntu.
– 30 eta 49 ordu bitartean: 2 puntu.
– 50 eta 99 ordu bitartean: 3 puntu.
– 100 eta 249 ordu bitartean: 4 puntu.
– 250 eta 599 ordu bitartean: 5 puntu.
– 600 ordu edo gehiago: 6 puntu.
Ikastaroen egiaztagirian kreditu kopurua bakarrik jasota dagoenean, puntuazioa emateko baliokidetasun hau egingo da:
– Kredituen Europako Sistemaren (ECTS) 1 kreditu: 25 ordu.
– Etengabeko Prestakuntza Batzordeko 1 kreditu: 10 ordu.
Ikastaroaren ordu kopurua eta kreditu kopurua adierazten ez duten egiaztagirien kasuan, edo kredituak izan bai baina horiek aurreko paragrafoan zehaztutakoak ez direnean edo kredituen beste ordu-baliokidetasun bat ezartzen denean, epaimahaiak, aurkeztutako egiaztagiriak eta ikastaroaren edukia ikusita, dagokion puntuazioa emango du, eta kasu horretan ez du inolaz ere 0,25 puntu baino gutxiago emango.
Erakunde ofizialek, unibertsitateek, erakunde sanitarioek eta, hala badagokio, elkargo profesionalek eta elkarte zientifikoek egiaztatutako/akreditatutako ikastaroak balioztatuko dira, baita edozein administrazio publikok hitzartutako etengabeko prestakuntzako akordioen arabera egiaztatutako/akreditatutako ikastaroak ere, betiere titulu ofizial bat lortzeko ikasketa-plan baten barrukoak ez badira.
e) Irakaskuntza-jarduerak:
– Fakultateko/Unibertsitate Eskolako katedraduna (urteko): 1 puntu.
– Unibertsitateko fakultateko/eskolako irakasle titularra edo elkartua (urteko): 0,50 puntu.
– Egoiliarren irakaskuntzarako tutore akreditatua, dagokion espezialitatean (urte bakoitzeko): 0,750 puntu.
– Irakaskuntza, etengabeko prestakuntzako programa ofizialetan (orduko): 0,050 puntu.
f) Jarduera zientifikoa eta ezagutzaren hedapena:
Eskatutako destinoko lanpostu funtzionalarekin zerikusia duten lan zientifikoak argitaratzearren, txostenak aurkeztearren, komunikazioak aurkeztearren, hitzaldiak ematearren edo mahai-inguruetan parte hartzearren:
– Eskualdeko txosten bakoitzeko: 0,50 puntu.
– Estatuko txosten bakoitzeko: 2 puntu.
– Nazioarteko txosten bakoitzeko: 3 puntu.
– Eskualdeko ahozko komunikazio / poster bakoitzeko: 0,30 puntu.
– Estatuko ahozko komunikazio / poster bakoitzeko: 1,20 puntu.
– Nazioarteko ahozko komunikazio / poster bakoitzeko: 2 puntu.
– Eskualdeko mahai-inguru bakoitzeko: 0,40 puntu.
– Estatuko mahai-inguru bakoitzeko: 1,50 puntu.
– Nazioarteko mahai-inguru bakoitzeko: 2,50 puntu.
– Argitalpen bakoitzeko (lehenengo egilea): 2 puntu.
– Argitalpen bakoitzeko (beste egile batzuk): 1 puntu.
– Liburu bakoitzeko (lehenengo egilea): 4 puntu.
– Liburu bakoitzeko (beste egile batzuk): 2 puntu.
– Kapitulu bakoitzeko (lehenengo egilea): 2 puntu.
– Kapitulu bakoitzeko (beste egile batzuk): 1 puntu.
– Tesina bakoitzeko: 3 puntu.
Ez da baloratuko apartatu honetan zehaztu ez den merezimendurik.
g) Hizkuntzak (gehienez, 3 puntu):
– Ingelesa: gehienez, 1,5 puntu.
– Frantsesa: gehienez, 1,5 puntu.
– Alemana: gehienez, 1,5 puntu.
h) Informatikako ezagutzak (gehienez, 2 puntu).
3) Euskara:
– 2. HE: 18 puntu.
– 1. HE: 9 puntu.
IV. ERANSKINA
FARMAZIAKO FAK. TEKNIKOA
I.– GAI-ZERRENDA OROKORRA
1.– Medikamentuen Europako Agentzia eta Medikamentuen eta Produktu Sanitarioen Espainiako Agentzia. Antolaketa eta funtzioak. Medikamentuak eta produktu sanitarioak erregistratzeko, baimentzeko eta finantzatzeko prozedurak.
2.– Modu industrialean ekoitzitako giza erabilerako medikamentuen preskripzioa eta banaketa. Errezeta medikoa eta errezeta elektronikoa esparru nazional eta autonomikoan. Preskribatzeko sistema informatikoak eta Vademecum Korporatiboa Osakidetza-Euskal osasun zerbitzuan. Erabaki klinikoa hartzen laguntzeko tresna informatikoak.
3.– Medikamentuen administrazioko kontratazio publikoa Osakidetza-Euskal osasun zerbitzuan. Administrazio-kontratu motak. Kontratazioko organo eskudunak. Medikamentuen kontratazio zentralizatuko administrazio-prozedurak: hasiera, balorazioa, esleipena, kontratuak, administrazio-baliabideak, luzapenen negoziazioa eta kontratuetako aldaketak.
4.– Farmaziako erosketa-sistema integratu baten kudeaketa eta ezarpen ekonomiko-finantzario eta logistikoa.
5.– Osakidetza-Euskal osasun zerbitzuko esku-hartzea eta Herri Kontuen Euskal Epaitegia medikamentuen gaineko administrazioko kontratazio publikoaren arloan.
6.– Osakidetza-Euskal osasun zerbitzuko Farmazia Batzorde Korporatiboa.
7.– Medikamentuaren zentzuzko erabilpena. Kontzeptua. Oinarrizko printzipioak. Medikamentuak hautatzeko irizpideak. Informazio-sistemak eta adierazleak. Medikamentuak hautatzeko irizpideak. Medikamentu berrien ebaluazioa. Posizionamendu terapeutikoak. Autonomia-erkidegoan medikamentuen erabilpena hobetzeko batzarrak eta batzordeak.
8.– Farmakoterapia eta medikamentuak hautatzea adineko pertsonen kasuan. Dementziaren eta asalduraren tratamendua.
9.– Medikamentuak egoera berezietan erabiltzea: haurdunaldia, edoskitzea, giltzurrun-gutxiegitasuna eta gibel-gutxiegitasuna.
10.– Farmakoterapia eta medikamentuak hautatzea diabetesa, hipertentsioa eta hiperlipemiak tratatzeko.
11.– Farmakoterapia eta medikamentuak hautatzea kardiopatia iskemikoa eta bihotzeko gutxiegitasuna tratatzeko. Farmakoterapia eta medikamentuak hautatzea ahotiko antikoagulatzaileekin tratatzeko.
12.– Farmakoterapia eta medikamentuak hautatzea hipersekrezio gastrikoa tratatzeko. Protoi-ponpako inhibitzaileen erabilera egokia.
13.– Farmakoterapia eta medikamentuak hautatzea insomnioa, antsietatea eta depresioa tratatzeko. Farmakoterapia eta medikamentuak hautatzea arreta-defizitaren eta hiperaktibitatearen nahasmendua tratatzeko.
14.– Farmakoterapia eta medikamentuak hautatzea zainketa aringarrietan dagoen pazientea tratatzeko. Farmakoterapia eta medikamentuak hautatzea min kronikoa tratatzeko.
15.– Farmakoterapia eta medikamentuak hautatzea haustura osteoporotikoak prebenitzeko eta patologia osteoartikularretarako.
16.– Farmakoterapia eta medikamentuak hautatzea asma (helduak eta pediatria) eta BGBK tratatzeko.
17.– Antiinfekziosoen zentzuzko erabilera.
18.– Farmako bioantzekoak. Europako Batzordearen adostasun-dokumentu informatiboa.
19.– Paziente kronikoaren medikazioari heltzea: tratamendua egokitzea. Pazienteari eman beharreko informazioa, adiskidetzea, berrikuspena, despreskripzioa eta atxikimendua.
20.– Txertoak eta txertaketa programak. Oinarrizko kontzeptuak txertaketetan: txerto-motak, sailkapena. Txertaketa sistematikoen egutegiak. Txertaketa egoera berezietan. Garraioa, kontserbazioa eta biltegiratzea. Hotz-katea.
21.– i-botika: medikamentuei buruzko informazioa herritarrentzat. Medikamentuei buruzko informazio-fitxak herritarrentzat.
22.– Euskal Herriko Farmakozaintzako Sistema.
GAI-ZERRENDA OROKORRAREN BIBLIOGRAFIA
1.– 1/2015 Legegintzako Errege Dekretua, uztailaren 24koa, Sendagaien eta Osasun-produktuen Bermeen eta Erabilera Zentzuzkoaren Legearen testu bategina onartzen duena.
2.– Sendagaien eta Osasun Gaien Espainiako Agentzia. Hemen dago eskuragarri:
3.– 1718/2010 Errege Dekretua, abenduaren 17koa, errezeta medikoari eta banaketa aginduei buruzkoa.
4.– Preskripzio-sistemak eta vademecum korporatiboa: kontzeptua, motak, eguneratzeak. Erabaki klinikoa hartzen laguntzeko tresna informatikoak. Eskuragarri Osakidetza-Euskal osasun zerbitzuko web-orrian:
https://www.euskadi.eus/informazioa/osasun-sailaren-argiltalpenak/web01-s2osa/eu/
5.– 9/2017 Legea, azaroaren 8koa, Sektore Publikoko Kontratuena, zeinaren bidez Europako Parlamentuaren eta Kontseiluaren 2014ko otsailaren 26ko 2014/23/EB eta 2014/247EB zuzentarauen transposizioa egiten den Espainiako ordenamendu juridikora.
6.– 255/1997 Dekretua, azaroaren 11koa, Osakidetza-Euskal osasun zerbitzua Ente Publikoaren Estatutu Sozialak ezartzen dituena.
7.– Euskadiko Kontratazio Publikoko Plataforma. Osakidetza-Euskal osasun zerbitzuaren azken 5 urteetako medikamentuen hornidura kontratatzeko espedienteak. Hemen dago eskuragarri:
https://www.contratacion.euskadi.eus/hasiera/
8.– Medikamentuen hornidura-arazoak. Hemen dago eskuragarri:
https://www.aemps.gob.es/medicamentosUsoHumano/problemasSuministro/home.htm
9.– Herri Kontuen Euskal Epaitegia. Hemen dago eskuragarri:
10.– EHAA 113 zk., 2020ko ekainaren 16a. Erabakia, 2010eko maiatzaren 13koa, Osakidetza-Euskal osasun zerbitzuko Administrazioko Kontseiluarena, Osakidetza-Euskal osasun zerbitzuan Farmaziako Batzorde Korporatibo bat eratu eta berari eginkizunak esleitzeko eta bere kideak izendatzeko dena
https://www.euskadi.eus/y22-bopv/es/p43aBOPVWebWar/VerParalelo.do?cd2010003005
11.– AEMPS. Posizionamendu terapeutikoko txostenak. Hemen dago eskuragarri:
https://www.aemps.gob.es/medicamentosUsoHumano/informesPublicos/home.htm
12.– AEMPS. Ordezka ezin daitezkeen medikamentuak. Hemen dago eskuragarri:
https://www.aemps.gob.es/medicamentosUsoHumano/medNoSustituibles/home.htm
13.– AEMPS. Egoera berezietan medikamentuak lortzea. Hemen dago eskuragarri:
https://www.aemps.gob.es/medicamentosUsoHumano/medSituacionesEspeciales/home.htm
14.– Medikamentu berrien ebaluazioko Batzorde Mistoaren Laneko prozedura normalizatua. Hemen dago eskuragarri:
15.– Euskadiko Medikamentu Berrien Ebaluazio Batzordeak (MBEB) egindako medikamentuen ebaluazioak. 2013-2017. urteak. Hemen dago eskuragarri:
https://www.euskadi.eus/eusko-jaurlaritza/cevime/
16.– INFAC Farmakoterapeutikako Informazio Buletina. 2010-2017. urteak.
https://www.euskadi.eus/informazioa/infac-buletina/web01-a2cevime/eu/
17.– Improving drug prescribing in the elderly: a new edition of STOPP/START criteria. Rev Esp Geriatr Gerontol.. 2015(2):89-96.
18.– Seguimiento y retirada de fármacos antidemencia. Osasun Saila eta Osakidetza-Euskal osasun zerbitzua. 2016ko ekaina.
19.– Guía farmacoterapéutica para los pacientes geriátricos. Centros gerontológicos de Gipuzkoa. 3. edizioa. Hemen dago eskuragarri:
20.– Praktika Klinikoko gidak: diabetesa, hipertentsioa eta lipidoak. Eskuragarri Osakidetza-Euskal osasun zerbitzuko web-orrian:
https://www.osakidetza.euskadi.eus/ataria/
21.– Guía de Práctica Clínica sobre el manejo de los lípidos como factor de riesgo cardiovascular. 2017ko apirila. Hemen dago eskuragarri:
https://portal.guiasalud.es/gpc/manejo-lipidos-riesgo-cardiovascular/
22.– Guía de Práctica Clínica sobre Diabetes tipo II. Hemen dago eskuragarri:
https://portal.guiasalud.es/gpc/diabetes-tipo-2/
23.– Guía de práctica clínica sobre tratamiento de la insuficiencia cardiaca crónica.
https://portal.guiasalud.es/egpc/pacientes-icc-tratamiento/
24.– Inhibidores de la bomba de protones. Recomendaciones de uso. Osasun Saila eta Osakidetza-Euskal osasun zerbitzua. 2016ko maiatza.
25.– Guía de práctica clínica sobre el manejo de la depresión en el adulto.
http://portal.guiasalud.es/gpc/depresion/
26.– Consenso sobre la osteoporosis postmenopáusica en la CAPV. 2015eko urtarrila. Hemen dago eskuragarri:
27.– Guía de Práctica Clínica para el manejo de pacientes con Enfermedad Obstructiva Crónica. Hemen dago eskuragarri:
https://portal.guiasalud.es/gpc/epoc/
28.– Guía de Práctica Clínica sobre Asma Infantil.
https://portal.guiasalud.es/gpc/asma-infantil/
29.– Plan estratégico y de acción para reducir el riesgo de selección y diseminación de la resistencia a los antibióticos. Hemen dago eskuragarri:
30.– Europako Batzordea. Medikamentu bioantzekoei buruz jakin beharrekoa. Adostasuneko dokumentu informatiboa. 2013. Hemen dago eskuragarri:
https://ec.europa.eu/docsroom/documents/8242/attachments/1/translations/es/renditions/native
31.– SEFAP argitalpena. Elementos básicos del abordaje de la medicación en el paciente crónico: información al paciente, conciliación, revisión y adherencia. Hemen dago eskuragarri:
https://www.sefap.org/wp-content/uploads/2020/03/Elementos-básicos-del-abordaje...completo.pdf
32.– Medikazioaren zentzuzko erabilpena: integralki nola heldu paziente polimedikatuei. Eskuragarri Osakidetza-Euskal osasun zerbitzuko web-orrian.
33.– Txertoak. Hemen dago eskuragarri:
https://www.euskadi.eus/informazioa/txertaketen-eskuliburura/web01-a2adik/eu/
34.– AEMPS. Segurtasuneko informazio-oharrak. 2013-2017. urteak. Hemen dago eskuragarri:
https://www.aemps.gob.es/informa/notasInformativas/medicamentosUsoHumano/seguridad/home.htm
35.– i-botika: medikamentuei buruzko informazio-fitxak. 2013-2017. urteak. Hemen dago eskuragarri:
https://www.euskadi.eus/medikamentuen-informazioa-ibotika/
36.– Euskal Herriko Farmakozaintzako Sistema. Hemen dago eskuragarri:
https://www.euskadi.eus/farmakojagoletza/hasiera/
37.– 577/2013 Errege Dekretua, uztailaren 26koa, giza erabilerako medikamentuen farmakozaintza arautzen duena. BOE 179. zk.. 2013ko uztailaren 27koa.
38.– AEMPS. Posizionamendu terapeutikoen txostenak. 2013-2017. urteak.
https://www.aemps.gob.es/medicamentosUsoHumano/informesPublicos/home.htm
II.– GAI-ZERRENDA KOMUNA
1.– Lanbide sanitarioen antolamendurako arau orokorrak. Lanbide sanitarioetan aritzea. Profesionalen parte-hartzea.
2.– Osasun Sistema Nazionalaren kohesioko eta kalitateko xedapen orokorrak. Prestazioak. Kalitatea. Parte-hartze soziala.
3.– Osasun-zerbitzuetako estatutupeko langileen esparru-estatutuaren arau orokorrak. Eskubideak eta betebeharrak. Estatutupeko langile finkoaren izaera eskuratzea eta galtzea. Ordainsariak. Lanaldia, baimenak, lizentziak. Bateraezintasunak.
4.– Euskadiko Antolamendu Sanitarioaren Legearen Xedapen Orokorrak. Euskadiko osasun-sistema: antolamendua eta herritarren eskubideak eta betebeharrak. Kontratu-programa. Osakidetza-Euskal osasun zerbitzua Ente Publikoaren konfigurazioa. Zuzendaritza-antolakuntza. Kudeaketa-araubidea.
5.– Osakidetza-Euskal osasun zerbitzua Ente Publikoaren definizioa. Xedeak. Antolaketa gidaria: zerrendatzea. Zuzendaritza Nagusia: sormena. Zerbitzu-erakundeak: lege-aitorpena.
6.– Pertsonen eskubideak eta betebeharrak Euskadiko osasun-sisteman.
7.– Pazientearen autonomiaren gaineko printzipio orokorrak, eta eskubideak eta betebeharrak informazio eta dokumentazio klinikoko gaietan. Informazio sanitariorako eskubidea. Intimitaterako eskubidea. Pazientearen autonomiaren errespetua. Historia klinikoa. Alta-txostena eta bestelako dokumentazio klinikoa.
8.– Osasunaren arloko aurretiazko borondateak.
9.– 3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa. Xedapen orokorrak: legearen xedea eta hildako pertsonen datuak. Datuak babestearen printzipioak. Pertsonen eskubideak.
10.– Emakumeen eta Gizonen Berdintasunerako Legearen xedea. Printzipio orokorrak. Jazarpen sexista.
11.– Marko Estrategikoa. Osasun Saila. 2021-2024.
12.– Osasun Plana. Euskadiko Osasun Politikak 2013-2020.
13.– Pazientearen Segurtasun Estrategia Osakidetzan 20 20.
14.– Euskadiko Arreta Soziosanitarioko Estrategia (2021-2024).
15.– Osakidetzan Euskararen Erabilera Normalizatzeko III. Plana 2022-2028: Erakundearen irudia eta komunikazioa. Paziente eta erabiltzaileekiko harremanak. Kanpoko entitateekiko harremanak.
GAI-ZERRENDA KOMUNAREN BIBLIOGRAFIA
1.– 44/2003 Legea, azaroaren 21ekoa, Lanbide Sanitarioen Antolamenduari buruzkoa.
2.– 16/2003 Legea, maiatzaren 28koa, Osasun Sistema Nazionalaren kohesioari eta kalitateari buruzkoa.
3.– 55/2003 Legea, abenduaren 16koa, Osasun-zerbitzuetako estatutupeko langileen esparru-estatutuarena.
4.– 8/1997 Legea, ekainaren 26koa, Euskadiko Antolamendu Sanitarioarena.
5.– 255/1997 Dekretua, azaroaren 11koa, Osakidetza-Euskal osasun zerbitzua Ente Publikoaren Estatutu Sozialak ezartzen dituena.
6.– 147/2015 Dekretua, uztailaren 21ekoa, Euskadiko osasun-sisteman pertsonen Eskubideei eta Betebeharrei buruzko Adierazpena onartzen duena.
7.– 41/2002 Oinarrizko Legea, azaroaren 14koa, pazientearen autonomiari eta informazio eta dokumentazio klinikoaren arloko eskubide eta betebeharrei dagokiena.
8.– 7/2002 Legea, abenduaren 12koa, osasun arloko aurretiazko borondateena.
9.– 3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa.
10.– 4/2005 Legea, otsailaren 18koa, Emakumeen eta Gizonen Berdintasunerakoa.
11.– Marko Estrategikoa. Osasun Saila. 2021-2024.
12.– Osasun Plana. Euskadiko Osasun Politikak 2013-2020.
13.– Pazientearen Segurtasun Estrategia Osakidetzan 20 20.
14.– Euskadiko Arreta Soziosanitarioko Estrategia (2021-2024).
15.– Osakidetzan Euskararen Erabilera Normalizatzeko III. Plana 2022-2028.
