RSS
249. zk., 2021eko abenduaren 15a, asteazkena
- Bestelako formatuak:
- PDF (208 KB - 3 orri.)
- EPUB (248 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
OSASUN SAILA
6224
EBAZPENA, 2021eko azaroaren 23koa, Osasuneko sailburuordearena, zeinaren bidez laguntzak ematen baitira 2021eko deialdian aurkeztutako osasunaren alorreko ikerketa- eta garapen-proiektuak egiteko (Lerroa: Ikerketa sanitarioaren jarduera areagotzea).
Osasuneko sailburuaren 2021eko maiatzaren 18ko Aginduaren bitartez (2021eko ekainaren 15eko EHAA, 116. zk.), osasunaren alorreko ikerketa- eta garapen-proiektuetarako laguntzen 2021eko deialdia iragarri zen.
Agindu horrek 13. artikuluan ezarritakoaren arabera, aurkeztu diren eskabideak lerro bakoitzerako prozedura desberdin bat hartuta izapidetuko dira (6. artikuluan adierazitakoarekin bat), eta bakoitza bere ebazpenarekin amaituko da. Osasuneko sailburuordeari dagokio eskatzaileek proposatutako gai guztiak erabakitzeko ebazpenak ematea, Balorazio Batzordeak proposatuta.
Aztertu dira ikerketa sanitarioaren jarduera areagotzeko lerrorako aurkeztu diren eskabideak eta Balorazio Batzordearen proposamena, eta harekin ados egonik, hau
EBAZTEN DUT:
Lehenengoa.– Onartzea I. eranskinean jasota dauden eskaerak, zeinak ikerketa sanitarioaren jarduera areagotzeko aurkeztu baitira.
Bigarrena.– Ukatzea II. eranskinean jasota dauden eskaerak, zeinak ikerketa sanitarioaren jarduera areagotzeko aurkeztu baitira, eta horretarako egon diren arrazoiak ematea.
Hirugarrena.– Ebazpen honek ez dio amaiera ematen administrazio-bideari, eta, beronen aurka, interesdunek gora jotzeko errekurtsoa aurkeztu ahal izango diote Osasuneko sailburuari, hilabeteko epean, ebazpena EHAAn argitaratzen denetik aurrera, hala ezarrita baitago Administrazio Publikoen Administrazio Prozedura Erkidearen urriaren 1eko 39/2015 Legearen 121. artikuluan eta hurrengoetan. Gainera, egoki iritzitako beste edozein errekurtso ere erabil dezakete.
Vitoria-Gasteiz, 2021eko azaroaren 23a.
Osasuneko sailburuordea,
JOSÉ LUIS QUINTAS DIEZ.
