Euskal Herriko Agintaritzaren Aldizkaria

226. zk., 2021eko azaroaren 15a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

OSAKIDETZA-EUSKAL OSASUN ZERBITZUA

5802

311/2021 EBAZPENA, urriaren 27koa, Barakaldo-Sestaoko Erakunde Sanitario Integratuko zuzendari-gerentearena, zeinaren bidez María del Carmen Donaire Urquijo andreari Lehen Mailako Arretako Unitateburuaren eginkizunak esleitzeko zaizkion, Barakaldo-Sestaoko Erakunde Sanitario Integratuko Arrontegiko Osasun Zentroan.

Ekainaren 17koa 242/2021 Ebazpenaren bitartez, onartu egin zen Barakaldo-Sestaoko Erakunde Sanitario Integratuko Arrontegiko Osasun Zentroan Lehen Mailako Arretako Unitateburua izendatzeko deialdi publikoa.

Batzordeak baloratu egin ditu aurkeztutako eskabideak, eta dagokion izendapen-proposamena egin du. Horiek horrela, Carmen Donaire Urquijo andreak dituen ezagutza akademiko eta profesionalak kontuan hartuta, erabaki da hari esleitzea Lehen Mailako Arretako unitateburuaren eginkizunak Barakaldo-Sestaoko Erakunde Sanitario Integratuko Arrontegiko Osasun Zentroan.

Beraz, bat etorriz Euskadiko Antolamendu Sanitarioari buruzko ekainaren 26ko 8/1997 Legearen 28. artikuluaren hirugarren arau komunarekin, Osakidetzaren lanpostu funtzionalak arautzen dituen uztailaren 19ko 186/2005 Dekretuarekin eta azaroaren 11ko 255/1997 Dekretuarekin,

EBAZTEN DUT:

Lehenengoa.– Carmen Donaire Urquijo andreari esleitzea Lehen Mailako Arretako Unitateburuaren eginkizunak Barakaldo-Sestaoko Erakunde Sanitario Integratuko Arrontegiko Osasun Zentroan.

Bigarrena.– Carmen Donaire Urquijo andreak bi eginkizun izango ditu: kudeaketa eta asistentzia ematea; eta Barakaldo-Sestaoko Erakunde Sanitario Integratuko gerentearen mende egongo da zuzenean eta hierarkian. Bai Lehen Mailako Arretako unitateburuaren funtzioak egin bitartean bai haiek amaitu ostean, titulartasunari eutsiko dio bere kategorian dagokion plazan, eta hari lotutako oinarrizko funtzioak betetzen jarraituko du.

Hirugarrena.– Inolaz ere, ez dira finkatuko Lehen Mailako Arretako unitateburuaren eginkizunak edo ordainsariak berariazko lanpostu gisa; izan ere, noiznahi erabaki ahal da eginkizun horien esleipenari amaiera ematea.

Laugarrena.– Interesdunak, eginkizun horietan diharduen bitartean, osagarri berezi bat jasoko du erantzukizunagatik.

Bosgarrena.– Izendapen honek 2021eko azaroaren 1etik aurrera izango ditu ondorioak.

Seigarrena.– Ebazpen hau interesdunari eta Barakaldo-Sestaoko Erakunderi jakinaraztea.

Zazpigarrena.– Ebazpen honen aurka gora jotzeko errekurtsoa aurkez dakioke Osakidetzako zuzendari nagusiari. Horretarako, hilabeteko epea izango da, ebazpena Euskal Herriko Agintaritzaren Aldizkarian argitaratu eta hurrengo egunetik aurrera.

Barakaldo, 2021eko urriaren 27a.

Barakaldo-Sestaoko ESIko zuzendari-gerentea,

JOSEBA JULEN BALLESTERO ZARRAGA.

Azterketa dokumentala