RSS
224. zk., 2021eko azaroaren 11, osteguna
- Bestelako formatuak:
- PDF (275 KB - 3 orri.)
- EPUB (280 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
EUSKAL HERRIKO UNIBERTSITATEA
5755
EBAZPENA, 2021eko urriaren 27koa, Universidad del País Vasco / Euskal Herriko Unibertsitateko Graduondokoaren eta Etengabeko Prestakuntzaren arloko errektoreordearena, agindua emateko argitaratzeko «Unibertsitate masterra: Energia Berriztagarriak Itsas Ingurunean Erasmus Mundus (REM PLUS)» ikasketetako ikasketa plana. Masterra honako unibertsitateen artean ematen dute: Universidad del País Vasco / Euskal Herriko Unibertsitatea, National University of Ireland Cork (Irlanda), Norges Teknisk-Naturvitenskapelige Universitet (Norvegia) eta École Centrale de Nantes (Frantzia).
Unibertsitateen Kontseiluak ikasketa plana egiaztatu du, 1393/2007 Errege Dekretuaren 24. eta 25. artikuluek eta hamabigarren xedapen gehigarriak ezarritakoarekin bat, Euskal Autonomia Erkidegoaren baimena (2021eko abuztuaren 18ko Euskal Herriko Agintaritzaren Aldizkaria), eta tituluaren izaera ofiziala Ministro Kontseiluaren 2021eko urriaren 5eko Erabakiaren bidez ezarrita (2021eko urriaren 22ko Estatuko Aldizkari Ofiziala).
Errektoreak, bat etorrita Unibertsitateei buruzko 6/2001 Lege Organikoak 35.4 artikuluan zehaztutakoarekin (4/2007 Lege Organikoak emandako idazkera), honakoa
EBATZI DU:
Agindua ematea argitaratzeko «Unibertsitate masterra: Energia Berriztagarriak Itsas Ingurunean Erasmus Mundus (REM PLUS)» titulua lortzera bideratutako ikasketen ikasketa plana, ebazpenaren eranskinean jasotakoa. Masterra honako unibertsitateen artean ematen dute: Universidad del País Vasco / Euskal Herriko Unibertsitatea, National University of Ireland Cork (Irlanda), Norges Teknisk-Naturvitenskapelige Universitet (Norvegia) eta École Centrale de Nantes (Frantzia).
Leioa, 2021eko urriaren 27a.
Errektorea,
EVA FERREIRA GARCÍA.
Eskumenak eskuordetuta (2021eko urtarrilaren 28ko Ebazpena, 2021-02-12ko EHAA)
Graduondokoaren eta Etengabeko Prestakuntzaren arloko errektoreordea,
MONTSERRAT MARITXALAR ANGLADA.
