Euskal Herriko Agintaritzaren Aldizkaria

151. zk., 2021eko uztailaren 29a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

OSAKIDETZA-EUSKAL OSASUN ZERBITZUA

4219

899/2021 EBAZPENA, uztailaren 1ekoa, Osakidetza-Euskal osasun zerbitzuko zuzendari nagusiarena, zeinaren bidez Osakidetzako zerbitzu-erakundeetan destinoa duten Zerbitzuetako Langileen lekualdatze-lehiaketa ireki eta iraunkorraren epaimahai kalifikatzailea izendatzen den (Zeladorea kategoriako 2021eko apirileko zikloa eta Zerbitzuetako Langileen epaimahaiko 2021. eta 2022. urteetan argitaratzen diren kategoria guztietako destinoen eskaintza-zikloak).

Osakidetzako Administrazio Kontseiluaren 2019ko azaroaren 27ko Erabakiaren bidez, Osakidetza Ente Publikoan oinarrizko destinoak betetzeko Lekualdatze-lehiaketa ireki eta iraunkorraren prozeduraren oinarriak onartu ziren, eta Erabaki hori, hain zuzen, 2019ko abenduaren 24an argitaratu zen (EHAA 244. zk.).

Osakidetzako zuzendari nagusiaren otsailaren 26ko 277/2021 Ebazpenaren bidez, Lekualdatze-lehiaketa ireki eta iraunkorraren deialdia egin zen Osakidetzako zerbitzu-erakundeetan destinoa duten Mendekoak-Operarioak lanbide-taldeko Zeladorea kategorian, eta Erabaki hori, hain zuzen, 2021eko martxoaren 11n argitaratu zen (EHAA 51. zk.).

Era berean, aurreikusita dago 2021. eta 2022. urteetan zehar Zerbitzuetako Langileen epaimahaian integratutako zenbait kategoriaren / lanpostu funtzionalen Lekualdatze-lehiaketa ireki eta iraunkorrerako deialdia egitea eta kategoria horietako destinoen eskaintzak argitaratzea adierazitako urteetako apirileko eta urriko zikloetan.

Osakidetzako Giza Baliabideen zuzendariaren martxoaren 26ko 148/2021 Ebazpenaren bidez, argitara eman zen Lekualdatze-lehiaketa irekia eta iraunkorreko 2021eko apirileko zikloko destinoen eskaintza Osakidetzako zerbitzu-erakundeetan destinoa duten Mendekoak-Langileak lanbide-taldeko Zeladorea kategorian. Ebazpen hori, hain zuzen, 2021eko apirilaren 14an argitaratu zen (EHAA 73. zk.), eta apirilaren 27ko 235/2021 Ebazpenaren bidez aldatu (maiatzaren 5eko EHAA).

2019ko azaroaren 27ko Erabakiaren 10.1. oinarriarekin eta aurreko paragrafoan aipatutako Ebazpenean ezarritako irizpideekin bat etorriz, Osakidetzako Zuzendaritza Nagusiak Lekualdatze-lehiaketa kalifikatuko duen epaimahaia izendatuko du, eta denboraldi jakin baterako izendapena ezarri ahalko du, epaimahai horrek hurrengo esleipen-prozesuetan egin ahal izan ditzan baremazio- eta balorazio-zereginak.

Osakidetzako zuzendari nagusiaren urtarrilaren 26ko 112/2021 Ebazpenaren bidez, zenbait alderdi ezarri ziren Osakidetzako Lekualdatze-lehiaketa ireki eta iraunkorreko epaimahaietako kideak izendatzeko, eta zehaztu zen epaimahai batek bilduko dituela I. eranskinean jasotako kategoria / lanpostu funtzional guztiak, 7. epaimahaiari dagokionez (Zerbitzuen epaimahaia).

Izendapen hau aipatutako ebazpenean ezarritako zozketaren ondoren egiten da, eta hautatuak izan diren langileek alegatzen dituzten abstenitzeko eta errekusatzeko arrazoiak eta dispentsa eskatzeko arrazoiak aurkezteko emandako epea igaro ondoren.

Horiek horrela, eta indarrean dagoen legedian langileen gaietan aitortuta ditudan eskumenez baliatuta, honako hau

EBAZTEN DUT:

Lehenengoa.– Zerbitzuetako Langileen Lekualdatze-lehiaketa ireki eta iraunkorraren eta 2021. eta 2022. urteetan argitaratzen diren Zerbitzuetako Langileen epaimahaian integratutako kategorien / lanpostu funtzionalen Lekualdatze-lehiaketa ireki eta iraunkorreko destinoen eskaintza-zikloen epaimahai kalifikatzailea izendatzea. Epaimahai hori Ebazpen honen I. eranskinean agertzen diren kideez osatuta egongo da.

Osakidetzako Administrazio Kontseiluaren 2019ko azaroaren 27ko Erabakiaren 10.1. apartatua eta Osakidetzako zuzendari nagusiaren urtarrilaren 26ko 112/2021 Ebazpenaren lehenengo apartatua aplikatuz, izendapen hori 2021eko apirileko zikloa eta 2021. eta 2022. urteetan argitaratzen diren destinoen eskaintza-zikloak amaitu arte luzatuko da, eta beste bi urtez luzatu ahal izango da.

Izendapena luzatzea erabakitzen bada, Zuzendaritza Nagusiaren ebazpen bidez egingo da.

Bigarrena.– Ebazpen honek daukan egunetik aurrera izango ditu ondorioak.

Hirugarrena.– Ebazpen hau EHAAn argitaratzeko agintzea.

Laugarrena.– Administrazio Publikoen Administrazio Prozedura Erkidearen urriaren 1eko 39/2015 Legeak, Euskadiko Antolamendu Sanitarioaren ekainaren 26ko 8/1997 Legeak eta Osakidetzako Estatutu Sozialak ezartzen dituen azaroaren 11ko 255/1997 Dekretuak xedatzen dutenaren arabera, Ebazpen honen aurka gora jotzeko errekurtsoa jarri ahalko zaio Osakidetzako Administrazio Kontseiluari, hilabeteko epean, Ebazpena EHAAn argitaratu eta hurrengo egunetik zenbatzen hasita.

Vitoria-Gasteiz, 2021eko uztailaren 1a.

Osakidetza-Euskal osasun zerbitzuko zuzendari nagusia,

MARÍA ROSA PÉREZ ESQUERDO.

I. ERANSKINA

EPAIMAHAI KALIFIKATZAILEA ZERBITZUETAKO LANGILEAK

Epaimahaiburua:

– Titularra: María Teresa Acaiturri Ayesta.

– Ordezkoa: Iñaki Armentia Arsuaga.

Lehenengo epaimahaikidea:

– Titularra: Miguel Angel Cabrero García.

– Ordezkoa: Ana María González Navajas.

Bigarren epaimahaikidea:

– Titularra: María Teresa Domínguez Fernández.

– Ordezkoa: Daniel López Ortiz.

Hirugarren epaimahaikidea:

– Titularra: Juan Luis Fernández Elorduy.

– Ordezkoa: Nerea López Azcarraga.

Laugarren epaimahaikidea:

– Titularra: María Jesús García Berasategui.

– Ordezkoa: José Manuel Romero Gimeno.

Bosgarren epaimahaikidea:

– Titularra: Juan Hernández Miranda.

– Ordezkoa: Iciar Saldaña Gomollón.

Idazkaria:

– Titularra: Eva Aldama López de Viñaspre.

– Ordezkoa: Francisco Javier Cano Fernández.

Azterketa dokumentala