Euskal Herriko Agintaritzaren Aldizkaria

135. zk., 2021eko uztailaren 9a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

URAREN EUSKAL AGENTZIA

3907

EBAZPENA, 2021eko uztailaren 6koa, Uraren Euskal Agentziako zuzendari nagusiarena, Uraren Euskal Agentziako zenbait lanpostu behin betiko betetzeko eta lan-poltsak sortzeko hautaketa-prozesuetarako deialdia egiten duena.

Uraren ekainaren 23ko 1/2006 Legearen 8.2 eta 8.4 artikuluetan ezarritakoaren arabera, Uraren Euskal Agentziaren zerbitzura kontratatutako langileek lan-zuzenbidea bete beharko dute, eta Uraren Euskal Agentziari dagokio zehaztea beren lanpostuetara iristeko araubidea, hautapen-proben betekizunak eta ezaugarriak, bai eta lanpostuak betetzeko eta lanbide-sustapenerako prozeduren deialdia, kudeaketa eta ebazpena ere, merezimendu- eta gaitasun-printzipioen arabera.

Uraren Euskal Agentziaren Estatutuak onartzen dituen martxoaren 10eko 25/2015 Dekretuaren 14.4 artikuluan ezertzen denez, ñan-kontratuko langileentzat gordetako lanpostuak Agentziaren Zuzendaritza Nagusiaren deialdi publikoaren bidez beteko dira, enplegu publikorako sarbidea arautzen duten printzipioak zorrotz errespetatuz.

Lehen aipatutako Dekretuaren 7.2.m) artikuluaren arabera, Zuzendaritza Nagusiari dagokio Agentziako lanpostuak betetzeko prozedurak deitzea eta ebaztea.

EBAZTEN DUT:

Lehenengoa.– Uraren Euskal Agentziaren zerbitzuko langile lan-kontratudunen lanpostu hauek behin betiko betetzeko eta lan-poltsak sortzeko hautaketa-prozesuak deitzea:

– Plangintza eta Lanen Zuzendaritzako lan hidraulikoen teknikaria (dotazio bat, Mendebaldeko Kantauriar Arroen Bulegoan).

– Plangintza eta Lanen Zuzendaritzako uholde-prebentzioko teknikaria (2 dotazio).

Bigarrena.– Deialdi honen xede diren hautaketa-prozesuak arautzen dituzten oinarriak Uraren Euskal Agentziaren webgunean argitaratzeko agintzea (http://www.uragentzia.euskadi.eus).

Eskabideak aurkezteko epea 2021eko irailaren 10eko 12:00ak artekoa izango da.

Eskaerak Campo y Ochandianoren web-orriaren bidez aurkeztuko dira (www.campo-ochandiano.com), prozesuaren oinarrietan zehazten den moduan. Oinarriak Uraren Euskal Agentziaren web-orrian (http://www.uragentzia.euskadi.eus eta Campo y Ochandianoren web-orrian (http://www.campo-ochandiano.com) argitaratuko dira, 2021eko uztailaren 9an (EHAAko argitalpen-egunean bertan).

Hirugarrena.– Hautaketa-prozesuak amaitu ondoren, deitutako lanpostu bakoitzari dagozkion lan-poltsak eratzea.

Laugarrena.– Ebazpen honen aurka gora jotzeko errekurtsoa aurkeztu ahal izango zaio Ekonomiaren Garapen, Jasangarritasun eta Ingurumeneko sailburuari, hilabeteko epean, ebazpena argitaratu eta hurrengo egunetik aurrera.

Vitoria-Gasteiz, 2021eko uztailaren 6a.

Uraren Euskal Agentziako zuzendari nagusia,

ANTONIO AIZ SALAZAR.

Azterketa dokumentala