![Euskal Herriko Agintaritzaren Aldizkaria](/appcont/servibopvi/images/bopv_anuncio_e.png)
116. zk., 2021eko ekainaren 15a, asteartea
- Bestelako formatuak:
- PDF (256 KB - 1 orri.)
- EPUB (218 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
EKONOMIAREN GARAPEN, JASANGARRITASUN ETA INGURUMEN SAILA
3405
EBAZPENA, 2021eko maiatzaren 27koa, Landaren eta Itsasertzaren Garapeneko eta Europar Politiketako zuzendariarena, zeinaren bidez izendatzen baitira 2020ko abenduaren 22ko Aginduan ezartzen den dirulaguntzen batzordea osatuko duten pertsonak. Agindu horren bidez, 2021. urterako oinarriak onartzen dira, partaidetzazko toki-garapenerako estrategian finkatzen diren xedeak lortzeko laguntzen deialdirako (Leader ikuspegian).
Ikusi da otsailaren 14ko 43/2017 Dekretua, zeinaren bidez ezartzen baita 2015-2020ko aldirako Euskadiko Landa Garapenerako Programan jasota dauden laguntzen esparru-araudia.
Ikusi da 2020ko abenduaren 22ko Agindua (2020ko abenduaren 30eko EHAA, 261. zk.), zeinaren bidez arautzen baitira, 2021eko ekitaldirako, 2015-2020 aldirako Euskadiko Landa Garapenerako Programaren esparruan onartu zen Leader eremuko landa-inguruko udalerrien ekonomia sustatu, garatu eta dibertsifikatzeko laguntzak.
Aipatutako aginduaren seigarren oinarriaren arabera, batzorde bat sortu behar da, aurkeztutako eskabideetarako dirulaguntzak aztertzeko, bai eta laguntzarik jaso ez duten proiektuetarako ebazpen-proposamen bat prestatzeko ere. Landaren eta Itsasertzaren Garapeneko eta Europar Politiketako zuzendariari aurkeztu behar zaio aipatutako batzordea, zeina «Landa Garapenerako Mendinet» Tokiko Ekintza Taldeko kide batek eta zuzendaritza horretako bi teknikarik osatuko baitute.
Horrenbestez, honako hau
EBAZTEN DUT:
Lehenengoa.– Dirulaguntzen Batzordea osatuko duten pertsonak izendatzea eta osaera jakinaraztea:
Batzordeburua: Azucena Salazar Bayona.
Batzordekideak:
– Inma Lacalle Aberásturi; idazkari-lanak ere egingo ditu.
– Ohiana Martínez Errasti, «Landa Garapenerako Tokiko Ekintzako Taldea – Mendinet» taldeburu gisa.
Bigarrena.– Agindu hau Euskal Herriko Agintaritzaren Aldizkarian argitaratzeko agintzea, urriaren 1eko 40/2015 Legearen 24. artikuluan aurreikusitako ondorioak izan ditzan eta jende guztia jakinaren gainean egon dadin.
Vitoria-Gasteiz, 2021eko maiatzaren 27a.
Landaren eta Itsasertzaren Garapeneko eta Europar Politiketako zuzendaria,
JONE MIREN FERNÁNDEZ LANDA.