Euskal Herriko Agintaritzaren Aldizkaria

251. zk., 2020ko abenduaren 16a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO MERKATARITZA ARLOKO 1 ZENBAKIKO EPAITEGIA

5393

EDIKTUA, 229/2011 konkurtso arruntaren ondoriozkoa.

Bilboko Merkataritzako 1 zenbakiko Epaitegia.

Judizioa: 229/2011 konkurtso arrunta. 171.749.18. art. pieza.

Demandatzailea: Jesus Verdes Lezana (konkurtso-administratzailea) eta Fiskaltza.

Demandatua: Jose Francisco Elorriaga (zuzenbideko administratzailea), Joaquin Rivero Valcarceren jaraunsleak (auzi ihesean dagoen izatezko administratzailea), Eusko Levanteaar Erainkuntzak II (Ele, sopikuna), Deepak Anand (Ele-ren zuzenbideko administratzailea, auzi ihesean dagoen sopikuna).

Gaia: konkurtsoaren kalifikazioa. Ondasunak ostentzea. Izatezko administrazioa. Sopikunak.

Judizio horretan ebazpena eman da. Hona hemen epaitza:

EPAITZA

1.– Erruduntzat jotzen da Bamolo, SLren konkurtsoa, ondasunak ostentzeagatik, kontabilitatean atzemandako irregulartasun larriengatik eta konkurtsoa eskatzeko atzerapenagatik.

2.– Kalifikazioak J. F. Elorriagari (administratzaile soziala) eragiten dio. Beraz, pertsona hori 10 urteko epean inoren ondasunak administratzeko gaitasunik gabe geratzen da, bai eta epe horretan edozein pertsona ordezkatzeko edo administratzeko gaitasunik gabe ere. Gainera, konkurtso-hartzekodun edo masa-hartzekodun gisa duen edozein eskubide galtzen du, eta konkurtsopekoaren ondaretik edo masa aktibotik bidegabeki lortutako ondasunak edo eskubideak itzuli beharko ditu.

3.– J. F. Elorriaga eta J. Riveroren jaraunsleak kondenatzen dira konkurtso-defizita ordaintzera, 59.499.176,02 euroraino. J. Riveroren jaraunsleek, gainera, kausatzaileak konkurtsopekoaren hartzekodun gisa duen edozein eskubide galduko dute.

4.– Ele eta Annad jauna sopikun gisa kondenatzen dira, eta konkurtsopekoari eragindako kalte-galerengatik ere erantzun beharko dute konkurtso-defizitaren mugaraino, adierazitako zenbatekoan.

5.– Konkurtsopeko salari eta kalifikazioak eragiten dien pertsonei ezartzen zaizkie kostuak.

Ebazpen hau irmoa denean, bidal bedi manamendua haien jaioterriko Erregistro Zibilera. Jakinaraz bekie alderdiei eta Fiskaltzari, eta aditzera eman epai honen aurka apelazio-errekurtsoa jarri daitekeela. Hala agintzen eta sinatzen dut.

Argitalpena: epaileak aurreko epaia irakurri eta argitaratu du entzunaldi publikoan, dagokion egunean. Fede ematen dut.

Deepak Anand demandatuaren gaur egungo helbidea edo bizilekua ezezaguna denez gero, Prozedura Zibilari buruzko 1/2000 Legearen 156.4 eta 164. artikuluetan xedatutakoarekin bat etorriz, ediktu hau Euskal Herriko Agintaritzaren Aldizkarian argitaratzea ebatzi da, 2019-04-10eko epaia jakinarazteko eginbidea gauza dadin.

Bilbao, 2019ko azaroaren 11.

JUSTIZIA ADMINISTRAZIOAREN LETRADUA.

Azterketa dokumentala