RSS
235. zk., 2020ko azaroaren 25a, asteazkena
- Bestelako formatuak:
- PDF (208 KB - 1 orri.)
- EPUB (218 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Izendapenak, egoerak eta gorabeherak
EKONOMIAREN GARAPEN, JASANGARRITASUN ETA INGURUMEN SAILA
5060
AGINDUA, 2020ko azaroaren 12koa, Ekonomiaren Garapen, Jasangarritasun eta Ingurumeneko sailburuarena, Ekonomiaren Garapen, Jasangarritasun eta Ingurumen Saileko lanpostu bat -Gipuzkoako Lurralde Ordezkaritzako Lurralde Ordezkaria- izendapen askez betetzeko deialdia ebazten duena.
Euskal Funtzio Publikoari buruzko uztailaren 6ko 6/1989 Legearen 46.3.c) artikuluan agindutakoaren arabera eta Ekonomiaren Garapen, Jasangarritasun eta Ingurumen Sailean hutsik dagoen lanpostu bat izendapen askez betetzeko deialdia egin zuen Ekonomiaren Garapen, Jasangarritasun eta Ingurumen sailburuaren 2020ko urriaren 14ko Aginduaren hirugarren oinarrian agindutakoaren arabera (2020ko urriaren 21eko EHAA), hau
XEDATU DUT:
Lehenengoa.– Agustín Arostegi Artetxe jauna izendatzea Ekonomiaren Garapen, Jasangarritasun eta Ingurumen Sailaren Gipuzkoako Lurralde Ordezkaritzako Lurralde Ordezkari (kodea: 511786, dotazioa: 11; destino-osagarriaren maila: 29, berariazko osagarria: 0-A).
Bigarrena.– Izendapen horrek 2020ko azaroaren 16tik aurrera izango ditu ekonomia- eta administrazio-ondorioak.
Hirugarrena.– Agindu honek amaiera ematen dio administrazio-bideari. Beraz, beraren aurka, aukerako berraztertzeko errekurtsoa aurkez dakioke agindua eman zuen organoari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik hasita. Bestela, administrazioarekiko auzi-errekurtsoa aurkez daiteke, Administrazioarekiko Auzietako Epaitegian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik hasita.
Vitoria-Gasteiz, 2020ko azaroaren 12a.
Ekonomiaren Garapen, Jasangarritasun eta Ingurumeneko sailburua,
MARÍA ARANZAZU TAPIA OTAEGUI.
