RSS
212. zk., 2020ko urriaren 27a, asteartea
- Bestelako formatuak:
- PDF (263 KB - 1 orri.)
- EPUB (219 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
EKONOMIAREN GARAPEN, JASANGARRITASUN ETA INGURUMEN SAILA
4506
IRAGARKIA, 2020ko urriaren 15ekoa, Ekonomiaren Garapen, Jasangarritasun eta Ingurumen Saileko Arabako lurralde-ordezkariarena, zeinaren bidez jendaurrean jartzen baita, izan litekeen lehiaren ondorioetarako, instalazio honetarako administrazio-baimena: Bastidako udalerrian (Araba), Gatzaga Buradongo herrigunean petrolioaren gas likidotuak (PGL) biltegi finkoan biltegiratzea, eta gas propano kanalizatua banatzeko sarea.
Gas erregaiak kanalizazio bidez banatzeko eta garraiatzeko instalazioei dagozkien administrazio-baimenen prozedurei buruzko ekainaren 9ko 76/2020 Dekretuan, Hidrokarburoen Sektoreari buruzko urriaren 7ko 34/1998 Legean, petrolioaren gas likidotuak banatzeko jardueraren Erregelamendua onartzen duen irailaren 11ko 1085/1992 Errege Dekretuan eta gas-erregaien erabilerari zein banaketari eta ICG (01etik 11ra) jarraibide tekniko osagarriei buruzko Arautegi teknikoan aurreikusitako ondorioetarako, eskabide hau jendaurrean jartzen da, izan litekeen lehiaren ondorioetarako:
– Eskatzailea: Ned Suministro GLP SAU, helbidea: Concha Jeneralaren kalea 20, 48010 Bilbao.
– Eskabidearen xedea: Gatzaga Buradongo (Bastida, Araba) herrigunea gasifikatzeko beharrezkoak diren gas propanoko azpiegiturak (PGL) eraikitzeko aldez aurreko administrazio-baimena.
– Erreferentzia: 01CGY 202000005.
Gatzaga Buradongo (Bastida) herrigunean petrolioaren gas likidotua biltegi finkoan biltegiratzea, eta gas propano kanalizatua banatzeko sarea.
– Eremu geografikoa: Gatzaga Buradon herrigunea (Bastida – Araba).
– Prozeduraren hasiera-data: 2020-09-29.
– Ebazpena ebazteko eta jakinarazteko gehieneko epea: 76/2020 Dekretuaren 11. artikuluan xedatutakoaren arabera.
– Administrazioaren isiltasunak dituen ondorioak: ezestekoak.
Hori guztia argitara ematen da lehiatzeko eskabideak aurkezteko aukera egon dadin, hilabeteko epean, iragarki hau argitaratu eta hurrengo egunetik aurrera, Ekonomiaren Garapen, Jasangarritasun eta Ingurumen Sailaren Arabako Lurralde Ordezkaritzan (Samaniego kalea 2, 01008 Vitoria-Gasteiz).
Lehia-prozeduran aurkezteko eskaerarekin batera, 76/2020 Dekretuaren 8. artikuluan adierazitako dokumentazioa aurkeztu beharko da gutxienez, eta dekretu horren 6. eta 7. artikuluetan ezarritakoa bete beharko da.
Vitoria-Gasteiz, 2020ko urriaren 15a.
Arabako lurralde-ordezkaria,
JESÚS PASCUAL LORENTE.
