Euskal Herriko Agintaritzaren Aldizkaria

180. zk., 2020ko irailaren 11, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

KULTURA ETA HIZKUNTZA POLITIKA SAILA

3612

EBAZPENA, 2020ko irailaren 2koa, Kulturako sailburuordearena, 2020. urtean arte eszenikoak ekoizteko emandako dirulaguntzen berri ematen duena.

2020ko otsailaren 27an argitaratu zen EHAAn 2020ko otsailaren 12ko Agindua, Kultura eta Hizkuntza Politikako sailburuarena, arte eszenikoak ekoizteko dirulaguntzak emateko araubidea ezartzen duena.

Agindu horren 11.4 artikuluak dioenez, Kulturako sailburuordeak emandako ebazpena Euskal Herriko Agintaritzaren Aldizkarian argitaratuko da. Horrek ez du esan nahi onuradun gertatzen direnei banakako jakinarazpena egingo ez zaienik.

Horiek horrela izanda, honako hau

EBAZTEN DUT:

Lehenengoa.– Argitara ematea Kultura eta Hizkuntza Politikako sailburuaren 2020ko otsailaren 12ko Aginduaren babesean emandako dirulaguntza guztiak eta horien onuradunak. Zerrenda ebazpenari atxikitako eranskinean dago.

Bigarrena.– Ebazpen hau Euskal Herriko Agintaritzaren Aldizkarian argitara dadila agintzea, jendeak horren berri izan dezan.

Vitoria-Gasteiz, 2020ko irailaren 2a.

Kulturako sailburuordea,

JOSÉ ÁNGEL MARÍA MUÑOZ OTAEGI.

(Ikus .PDF)

Azterketa dokumentala