Euskal Herriko Agintaritzaren Aldizkaria

156. zk., 2020ko abuztuaren 11, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

LAN ETA JUSTIZIA SAILA

3225

EBAZPENA, 2020ko uztailaren 21ekoa, Laneko eta Gizarte Segurantzako zuzendariarena, zeinaren bidez xedatzen baita Osakidetza-Euskal osasun zerbitzuko garbiketa-zerbitzuaren enpresa emakidadunen hitzarmen kolektiboko soldata-taulak eguneratzeari lotuta Batzorde Paritarioak hartu duen erabakia erregistratu, argitaratu eta gordailutzea, 2020ko urtarrilaren 1etik aurrerako ondorioekin (hitzarmenaren kodea: 86002115012003).

AURREKARIAK

Lehenengoa.– 2020ko uztailaren 20an, aipatu hitzarmen kolektiboaren Batzorde Paritarioak hartutako erabakiaren dokumentazioa aurkeztu da REGCONen. Enpresaren eta sindikatuen ordezkariek sinatuta egon da dokumentazioa.

Bigarrena.– 2020ko soldata-taulak eguneratzea adostu da, 2020ko urtarrilaren 1etik aurrerako ondorioekin.

ZUZENBIDEKO OINARRIAK

Lehenengoa.– Lan-agintaritzak espedientea ebazteko duen eskumena Lan eta Justizia Sailaren egitura organikoa eta funtzionala ezartzen duen apirilaren 11ko 84/2017 Dekretuaren 9.1.i) artikuluan dago oinarrituta. Horren arabera, Lan eta Gizarte Segurantza Zuzendaritzari dagokio Euskal Autonomia Erkidegoko Lan Hitzarmen eta Akordio Kolektiboen Erregistro telematikoa zuzentzea eta kudeatzea, hori arautzen duen dekretuan eta indarrean dagoen gainerako araudian aurreikusitakoaren arabera.

Bigarrena.– Prozedura honetan aplikatu beharreko funtsezko araudia maiatzaren 28ko 713/2010 Errege Dekretuan (lan-hitzarmen eta -akordio kolektiboak erregistratu eta gordailutzeari buruzkoa) eta urtarrilaren 25eko 9/2011 Dekretuan (Euskal Autonomia Erkidegoko lan-hitzarmen eta -akordio kolektiboak erregistratu eta gordailutzeari buruzkoa) jasotakoa da.

Hirugarrena.– Hitzarmen eta akordio kolektiboak erregistratu eta gordailutzeari buruzko maiatzaren 28ko 712/2010 Dekretuaren 2.1.a) artikuluan aurreikusitakoaren arabera inskriba daitekeen egintza da aurkeztutako akordioa. Hitzarmen kolektiboan eta urriaren 23ko 2/2015 Legegintzako Errege Dekretuan (Langileen Estatutuaren Legearen testu bategina onesten duena) xedatutakoaren arabera sinatu da.

Hori dela bide, honako hau

EBAZTEN DUT:

Lehenengoa.– Akordioa Euskal Autonomia Erkidegoko Hitzarmen Kolektiboen Erregistroan inskribatu eta gordailutzeko agintzea.

Bigarrena.– Euskal Herriko Agintaritzaren Aldizkarian argitara dadila agintzea.

Vitoria-Gasteiz, 2020ko uztailaren 21a.

Laneko eta Gizarte Segurantzako zuzendaria,

MARÍA ELENA PÉREZ BARREDO.

Yolanda Zarandona Gutiérrez andreak, Osakidetzako lokalak garbitzeko zerbitzuaren enpresa emakidadunen hitzarmen kolektiboaren Batzorde Paritarioak emandako baimenaren bidez,

Honako hau adierazten du: Batzordea 2020ko uztailaren 3an, ostiralean, bildu zen, eta CCOOk eskatuta, beherago azaltzen den gaia aztertu zuen. Bileraren aktan dago transkribatuta zein izan zen ebazpena.

Azaldutako gaia: 2020ko hitzarmen kolektiboaren soldata-taulak eguneratzea proposatu zaio Batzorde Paritarioari, baina argitaratuta egon direnean eta honako hauek indarrean jarrita zeudenean: 13/2019 Legea, abenduaren 27koa, Euskal Autonomia Erkidegoko 2020ko ekitaldirako Aurrekontu Orokorrak onartzen dituena, eta 20/2020 Ebazpena, otsailaren 4koa, Jaurlaritzaren Idazkaritzako eta Legebiltzarrarekiko Harremanetarako zuzendariarena, zeinaren bidez xedatzen baita Euskal Autonomia Erkidegoko Administrazioaren zerbitzura diharduten langileen ordainsarien 2020rako igoerak onartzen dituen akordioa argitaratzea.

Batzordearen ebazpena: Batzordeak honako hau erabaki du aho batez:

Osakidetzako garbiketa-zerbitzuaren enpresa emakidadunen sektoreko hitzarmen bakarrean jasotzen diren soldata-taulak onartzen dira. Sinatu egin dira, eta akta honi erantsi zaizkio. Taula horietan % 2 eguneratu dira soldaten kontzeptuak, 2020ko urtarrilaren 1etik aurrerako ondorioekin, honako hauetan ezarritakoa betez: 13/2019 Legea, abenduaren 27koa, Euskal Autonomia Erkidegoko 2020ko ekitaldirako Aurrekontu Orokorrak onartzen dituena, eta 20/2020 Ebazpena, otsailaren 4koa, Jaurlaritzaren Idazkaritzako eta Legebiltzarrarekiko Harremanetarako zuzendariarena, zeinaren bidez xedatzen baita Euskal Autonomia Erkidegoko Administrazioaren zerbitzura diharduten langileen ordainsarien 2020rako igoerak onartzen dituen akordioa argitaratzea.

Soldata-taulak Euskal Herriko Agintaritzaren Aldizkarian argitaratzen direnetik aurrera ordainduko dira.

Eta hala ziurtatzen du, dagozkion ondorioetarako, Bilbon, 2020ko uztailaren 13an.

(Ikus .PDF)

Azterketa dokumentala