Euskal Herriko Agintaritzaren Aldizkaria

144. zk., 2020ko uztailaren 23a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GOBERNANTZA PUBLIKO ETA AUTOGOBERNU SAILA

2929

AGINDUA, 2020ko ekainaren 17koa, Gobernantza Publiko eta Autogobernuko sailburuarena, zeinaren bidez Euskal Autonomia Erkidegoko Fundazioen Erregistroan inskribatzen baitira «Fundación Azti - Azti Fundazioa» izeneko fundazioaren estatutuetako 10., 11. eta 39. artikuluetan egindako aldaketak.

Ikusi eta aztertu da Euskal Autonomia Erkidegoko Fundazioen Erregistroan inskribatzeko egindako eskaeraren espedientea. Honako aurrekari hauek ditu oinarri:

AURREKARIAK

Lehenengoa.– 2020ko maiatzaren 22an jaso zen, modu telematikoan, Gobernantza Publiko eta Autogobernu Sailaren erregistroan, «Fundación Azti – Azti Fundazioa» izeneko fundazioaren estatutuak aldatzeko eskritura publikoa. Eskritura hori 2020ko maiatzaren 14an egiletsi zen Donostiako Manuel Fernando Cánovas Sánchez notarioaren aurrean (protokolo-zenbakia: 906).

Bigarrena.– Eskritura publiko horretan patronatuak 2019ko abenduaren 13an egin zuen bileraren ziurtagiriak sartu dira, bertan aho batez erabaki baitzen fundazioaren estatutuetako 10., 11. eta 39. artikuluak aldatuko zirela (Patronatuaren osaerari eta patronatu-karguaren iraupenari, patronatukideen izendapenari eta lanpostu hutsak betetzeari eta likidazioari buruzkoak, hurrenez hurren). Ziurtagiria fundazioaren patronatuko idazkaria den Joanes Labayen Andonaegui jaunak egin zuen, 2019ko abenduaren 13an, eta presidentearen oniritzia du.

Hirugarrena.– Euskal Autonomia Erkidegoko Fundazioen Erregistroaren Zerbitzu Teknikoek aztertu dute espedientea, eta, ondoren, ebazpen-proposamena egin dute. Hona hemen horretarako kontuan hartu dituzten

ZUZENBIDEKO OINARRIAK

Lehenengoa.– Gobernantza Publiko eta Autogobernuko sailburuari dagokio fundazioaren estatutuak aldatzeko espedientea agindu bidez ebaztea. Hala aurreikusita dago lege-xedapen hauetan: Euskal Autonomia Erkidegoko Fundazioen Erregistroaren Erregelamendua onartzen duen uztailaren 23ko 115/2019 Dekretuaren 3.1.a) artikulua; Euskal Autonomia Erkidegoaren Administrazioko sailak sortu, ezabatu eta aldatzen dituena eta horien egitekoak eta jardun-arloak finkatzen dituen, Lehendakariaren, azaroaren 26ko 24/2016 Dekretuaren 6.1.m) artikulua; eta Gobernantza Publiko eta Autogobernu Sailaren egitura organikoa eta funtzionala ezartzeko apirilaren 11ko 71/2017 Dekretuaren 3.1 artikulua.

Bigarrena.– Funtsezko iritzitako datu eta agiriak erantsi zaizkio espediente honi, eta, bereziki, xedapen hauetan eskatutakoak: Euskal Autonomia Erkidegoko Fundazioei buruzko ekainaren 2ko 9/2016 Legearen 37. eta 51.2 artikuluetan, eta Euskal Autonomia Erkidegoko Fundazioen Babesletzaren eta Erregistroaren Erregelamendua onartzen duen uztailaren 23ko 115/2019 Dekretuaren 42. artikuluan; horrenbestez, aplikagarriak diren lege eta erregelamenduetan xedatutakoarekin bat dator estatutuen aldaketa.

Ikusi dira aipatutako manuak eta aplikatzekoak diren gainerako arauak, eta, beraz, honako hau

EBAZTEN DUT:

Lehenengoa.– «Fundación Azti – Azti Fundazioa» izeneko fundazioaren estatutuetako 10., 11. eta 39. artikuluetan (Patronatuaren osaerari eta patronatu-karguaren iraupenari, patronatukideen izendapenari eta lanpostu hutsak betetzeari eta likidazioari buruzkoak) egindako aldaketak Euskal Autonomia Erkidegoko Fundazioen Erregistroan inskribatzea. Agindu honen datarekin, Fundazioaren Patronatuak 2019ko abenduaren 13an erabakitakoa da aldaketa hori, eta bat dator 2020ko maiatzaren 14an Manuel Fernando Cánovas Sánchez Donostiako notarioaren aurrean egiletsitako eskritura publikoko zehaztapenekin (protokolo-zenbakia: 906).

Bigarrena.– Agindu hau Euskal Herriko Agintaritzaren Aldizkarian argitaratzea eta interesdunei bidaltzea.

Agindu honek amaiera ematen dio administrazio-bideari, eta, beronen aurka, aukerako berraztertze-errekurtsoa aurkez dakioke Gobernantza Publiko eta Autogobernuko sailburuari, hilabeteko epean, agindua jakinarazi eta hurrengo egunetik hasita; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusiko Administrazioarekiko Auzien Salan, bi hilabeteko epean, agindua jakinarazi eta hurrengo egunetik aurrera.

Vitoria-Gasteiz, 2020ko ekainaren 17a.

Gobernantza Publiko eta Autogobernuko sailburua,

JOSU IÑAKI ERKOREKA GERVASIO.

Azterketa dokumentala