Euskal Herriko Agintaritzaren Aldizkaria

126. zk., 2020ko ekainaren 29a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EUSKAL AUTONOMIA ERKIDEGOKO AUZITEGI NAGUSIA

2544

EDIKTUA, 104/2018 administrazioarekiko auzi-errekurtsoaren ondoriozkoa, zeinaren bidez epaia eman baita uztailaren 18ko 197/2017 Dekretuaren III. eranskineko 13.d) artikuluaren erabateko deuseztasuna deklaratzeko. Dekretu horren bidez, Araxes paper-fabrika eta haren azpiegitura hidraulikoak (Tolosa, Leaburu, Altzo eta Lizartza, Gipuzkoa) monumentu-multzo izendapenaz kultura-ondasun deklaratzen dira.

Jakinarazten da ezen 104/2018 zk.ko administrazioarekiko auzi-errekurtsoa jarri zela Eusko Jaurlaritzaren Gobernu Kontseiluaren 2018ko abenduaren 29ko erabakiaren aurka. Erabaki horrek atzera bota zuen Gipuzkoako Foru Aldundiko Gobernu Kontseiluak 2017ko urriaren 24an egindako Administrazioarekiko auzi-errekurtso aurreko errekerimendua, zeinaren bidez uztailaren 18ko 197/2017 Dekretua partzialki aldatzeko eskatu baitzen. Dekretuak Tolosan, Leaburun, Altzon eta Lizartzan (Gipuzkoa) dauden Araxeseko paper-fabrika eta bere azpiegitura hidraulikoak monumentu-multzo kategoriarekin kultura-ondasun deklaratu zituen, eta 2017ko uztailaren 27ko EHAAn argitaratu zen (142. zk.). Salak epai irmoa eman du, 2019-10-17an, eta haren epaitzan honako hau erabaki da:

Testu hau erabat deusez deklaratzea: errekurritutako Dekretuaren III. eranskineko babes-araubideko 13.d) artikuluarena: «ahal dela, ibilgu alternatiboa erabiliko da».

Administrazioarekiko Auzien Jurisdikzioari buruzko Legearen (AAJL) 107. artikuluan xedatutakoa betez, publiko egiten da, denek jakin dezaten.

Bilbao, 2020ko ekainaren 15a.

JUSTIZIA ADMINISTRAZIOAREN LETRADUA.

Azterketa dokumentala