Euskal Herriko Agintaritzaren Aldizkaria

86. zk., 2020ko maiatzaren 8a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GOBERNANTZA PUBLIKO ETA AUTOGOBERNU SAILA

1944

EBAZPENA, 2020ko apirilaren 29koa, Toki Administrazioekiko Harremanetarako eta Administrazio Erregistroetako zuzendariarena, zeinaren bidez argitara ematen baita Euskal Autonomia Erkidegoko administrazioei zuzendutako idazkiak udal-erregistroetan aurkezteko 2020ko maiatzean iraungi diren lankidetza-hitzarmenen zerrenda.

Eusko Jaurlaritzak ebazpen honen eranskinean azaltzen diren udalekin lankidetza-hitzarmenak sinatu zituen Euskal Autonomia Erkidegoko Administrazioari zuzendutako idazkiak udal-erregistroetan aurkezteko, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 38.4.b) artikuluaren babesean (modu iragankorrean indarrean Administrazio Publikoen Administrazio Prozedura Erkidearen urriaren 1eko 39/2015 Legearen laugarren xedapen iragankorrean xedatutakoaren arabera).

Hitzarmen horien bidez, herritarrek Euskal Autonomia Erkidegoko Administrazioari eta haren menpeko edo hari atxikitako berezko nortasun juridikodun zuzenbide publikoko erakundeei zuzentzen dizkioten eskaera, idazki eta jakinarazpenak udal sinatzaileen erregistroetan aurkeztu ahal izango dituzte eraginkortasun osoz.

Hitzarmenen seigarren klausulak hitzarmenen indarraldia ezartzean, dio lau urtez egongo dela indarrean, Euskal Herriko Agintaritzaren Aldizkarian argitaratzen den egunetik aurrera, eta, Administrazio sinatzaileetako batek, espresuki, kontrakorik ez badio, hitzarmena, besterik gabe, beste lau urterako luzatuko dela.

Hitzarmenetan aurreikusitako epea amaitu denez, iraungi egin dira Eusko Jaurlaritzaren eta eranskinean aipatzen diren udalen artean sinatutako lankidetza-hitzarmenak.

Era berean, aipatutako klausulak aurreikusten du hitzarmen horien iraungipena Euskal Herriko Agintaritzaren Aldizkarian, dagokion Lurralde Historikoko Aldizkari Ofizialean eta Udalaren iragarki taulan argitaratuko dela.

Horregatik guztiagatik, eta kontuan hartuta, batetik, hitzarmenen seigarren klausula, eta, bestetik, Gobernantza Publiko eta Autogobernu Sailaren egitura organikoa eta funtzionala ezartzen dituen apirilaren 11ko 71/2017 Dekretuaren 10. artikulua, honako hau

EBAZTEN DUT:

Artikulu bakarra.– Euskal Autonomia Erkidegoko Administrazioari zuzendutako idazkiak udal-erregistroetan aurkezteko helburuarekin sinatutako hitzarmenen seigarren klausularekin bat etorriz, aurreikusitako epea amaitu delako ebazpen honen eranskinean aipaturiko hitzarmenak 2020ko maiatzean iraungiko direla argitaratzen da.

Vitoria-Gasteiz, 2020ko apirilaren 29a.

Toki Administrazioekiko Harremanetarako eta Administrazio Erregistroetako zuzendaria,

MIREN ITZIAR LICEAGA ROMERO.

(Ikus .PDF)

Azterketa dokumentala