Euskal Herriko Agintaritzaren Aldizkaria

72. zk., 2020ko apirilaren 16a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ENPLEGUKO ETA GIZARTE POLITIKETAKO SAILA

1856

AGINDUA, 2020ko apirilaren 8koa, Enpleguko eta Gizarte Politiketako sailburuarena, zeinaren bitartez bigarrenez aldatzen baita Enpleguko eta Gizarte Politiketako sailburuaren 2019ko abenduaren 17ko Agindua, Gizarte Larrialdietarako Laguntzetako gastu espezifiko bakoitzeko 2020. urtean gehienez eman daitezkeen diru-kopuruak ezartzen dituena, laguntza horietarako ezarritako kredituak banatzeko irizpideak adierazten dituena, eta Euskal Autonomia Erkidegoko lurralde historiko eta udal bakoitzarentzat 2020rako aurrekontu-mugak finkatzen dituena. Gizarte Larrialdietarako Laguntzak programaren kreditua handitzeko aparteko diru-partida emendatzea, 2020an, «Covid-19ak eragindako krisiaren aurkako neurriak» (12291) aurrekontu-programa.

Enpleguko eta Gizarte Politiketako sailburuaren 2019ko abenduaren 17ko Aginduaren bidez (2019ko abenduaren 30eko EHAA, 247. zk.) ezartzen dira Gizarte Larrialdietarako Laguntzetan aurreikusitako gastu espezifiko bakoitzeko 2020. urtean gehienez eman daitezkeen diru-kopuruak eta, halaber, zehazten dira laguntza horietarako ezarritako kredituak banatzeko irizpideak, eta, horrez gain, Euskal Autonomia Erkidegoko lurralde historiko eta udal bakoitzari dagozkion aurrekontu-mugak finkatzen dira 2020. urterako. Enpleguko eta Gizarte Politiketako sailburuaren 2020ko otsailaren 19ko Aginduak aldatu zuen agindu hori (2020ko otsailaren 27ko EHAA, 40. zk.).

Covid-19aren pandemiak eta alarma-egoeraren adierazpenak eragindako egungo osasun-larrialdiak inpaktu larria izaten ari dira, nabarmen okertzen ari baitira herritar askoren bizi-baldintzak, eta, ondorioz, nabarmen areagotzen larrialdi-egoera ekonomikoak. Hori guztia dela eta, gizarte larrialdietarako laguntzetarako 2019ko abenduaren 17ko Aginduaren bidez hasieran izendatutako diru-partida ez da nahikoa euskal udaletara hel litezkeen eskabide guztiei erantzuteko.

Adierazitakoagatik, beharrezkoa da 2019ko abenduaren 17ko Aginduan hasieran aurreikusitako zuzkidurak emendatzea; horretarako, 16.000.000 euroko aparteko kreditu-partida gehigarri bat izango da «Covid-19ak eragindako krisiaren aurkako neurriak» (12291) aurrekontu-programa berrian, eta, aurreko guztiaren ondorioz, beharrezkoa da lehenago aipatutako aginduaren II. eranskinean zehaztutako aurrekontu-muga aldatzea.

Gizarte Larrialdietarako Laguntzei buruzko urtarrilaren 18ko 4/2011 Dekretuaren azken xedapenetako bigarrenak ahalmena ematen dio Enplegu eta Gizarte politiketako sailburuari behar diren xedapenak emateko dekretu hori garatzeko eta gauzatzeko.

Azaldutakoa kontuan izanda, honako hau

EBAZTEN DUT:

Artikulu bakarra.– Enpleguko eta Gizarte Politiketako sailburuaren 2019ko abenduaren 17ko Aginduaren II. eranskina aldatzea. Agindu horren bidez ezarri ziren Gizarte Larrialdietarako Laguntzetako gastu espezifiko bakoitzeko 2020. urtean gehienez eman daitezkeen diru-kopuruak, laguntza horietarako ezarritako kredituak banatzeko irizpideak adierazi ziren, eta Euskal Autonomia Erkidegoko lurralde historiko eta udal bakoitzari 2020. urterako dagozkion aurrekontu-mugak finkatu ziren.

Aldaketa horren haritik dator, hasieran aurreikusitako zuzkidurak emendatuta, «Covid-19ak eragindako krisiaren aurkako neurriak» (12291) aurrekontu-programa berrian 16.000.000 euroko aparteko kreditu-partida gehigarri bat izendatzea.

Honela geratzen da aipatutako eranskina:

II. ERANSKINA

Enpleguko eta Gizarte Politiketako sailburuaren 2019ko abenduaren 17ko Aginduan ezarritako banaketa-irizpideak aplikatuta 16.000.000,00 euroko aparteko kreditu partida gehigarria izendatzeko Gizarte Larrialdietarako Laguntzen programan, 2020an, Euskal Autonomia Erkidegoko udal bakoitzari dagokion aurrekontu-muga ezartzen da, eranskin honetako taularen arabera.

(Ikus .PDF)

AZKEN XEDAPENA

Agindu honek Euskal Herriko Agintaritzaren Aldizkarian argitaratu eta biharamunetik aurrera sortuko ditu ondorioak.

Vitoria-Gasteiz, 2020ko apirilaren 8a.

Enpleguko eta Gizarte Politiketako sailburua,

BEATRIZ ARTOLAZABAL ALBENIZ.

Azterketa dokumentala