Euskal Herriko Agintaritzaren Aldizkaria

50. zk., 2020ko martxoaren 12a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 2 ZENBAKIKO ZUZENEKO LAGUNTZA EMATEKO UNITATE PROZESALA

1523

EDIKTUA, prekarioko utzarazpenari buruzko 1475/2019 hitzezko judizioaren ondoriozkoa.

Vitoria-Gasteizko Lehen Auzialdiko 2 zenbakiko Epaitegia, Zuzeneko Laguntza emateko Unitate Prozesal Zibila.

Judizioa: 1475/2019 hitzezko judizioa.

Gaia: hitzezko judizioa, prekariokoa.

Demandatzailearen prokuradorea: Soledad Carranceja Diez.

Judizio horretan epaia eman da 2020-02-26an. Horren bidez amaiera eman zaio prozesuari.

68/20 EPAIA

Epailea: Francisco Javier Pablo Pablo jauna.

Lekua: Vitoria-Gasteiz.

Eguna: bi mila eta hogeiko otsailaren hogeita seia.

Demandatzailea: Promociones y Construcciones Lerimonte SL.

Abokatua: Emma Maria Rioja Iturricha andrea.

Prokuradorea: Soledad Carranceja Diez andrea.

Demandatuak: Legutioko Santa Engrazia etorbideko 1. zenbakian dagoen eraikinean bizi diren okupatzaile ezezagunak.

Abokatua.

Prokuradorea.

Judizioaren xedea: prekarioko utzarazpena.

EPAITZA

Baiesten dut Carranceja prokuradoreak, «Construcciones y Promociones Lerimonte, S.L.»ren izenean eta haren ordezkari gisa, eta Rioja letraduak lagunduta, aurkeztu duen prekarioko utzarazpenerako hitzezko judizioaren demanda, «Legutioko Santa Engrazia etorbideko 1. zenbakian dagoen eraikinean bizi diren okupatzaile ezezagunen» aurka, denak auzi-ihesean. Horrenbestez,

«Okupatzaile ezezagunak» kondenatzen ditut prozeduraren xede den higiezina libre eta hutsik eta demandatzailearen eskura uztera, eta ohartarazten diet hala egiten ez badute legez ezarritako epean etxetik botako dituztela.

Kostuak demandatuari ezartzen dizkiot berariaz.

«Legutioko Santa Engrazia etorbideko 1. zenbakian dagoen eraikinean bizi diren okupatzaile ezezagunak» demandatuaren gaur egungo bizilekua ezezaguna denez, ebazpen hori Euskal Herriko Agintaritzaren Aldizkarian argitaratuko den ediktu baten bidez jakinaraztea erabaki da, Prozedura Zibilaren 1/2000 Legeak (PZL) 497.2 artikuluan xedatutakoari jarraituz.

Ebazpen horren aurka apelazio-errekurtsoa aurkez daiteke hogei egun balioduneko epean, ediktu hau argitaratzen denetik hasita, jakinarazi den ebazpenean bertan adierazten den eran.

Interesdunak eskuragarri dauka jakinarazten den ebazpenaren testu osoa, epaitegi honetako bulego judizialean, eta, han, osorik aztertu ahal izango du.

Vitoria-Gasteiz, 2020ko otsailaren 26a.

JUSTIZIA ADMINISTRAZIOAREN LETRADUA.

Azterketa dokumentala