RSS
45. zk., 2020ko martxoaren 5a, osteguna
- Bestelako formatuak:
- PDF (268 KB - 3 orri.)
- EPUB (267 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
ENPLEGUKO ETA GIZARTE POLITIKETAKO SAILA
1350
EBAZPENA, 2020ko otsailaren 4koa, Lanbide-Euskal Enplegu Zerbitzuko zuzendari nagusiarena, zeinaren bidez argitara ematen baita langabeentzako kontratazio-konpromisodun prestakuntza-ekintzak egiteko 2019ko deialdiko dirulaguntzen erakunde onuradunen zerrenda, Euskal Autonomia Erkidegoan Enplegurako Lanbide Heziketa arautzen duen maiatzaren 31ko 82/2016 Dekretuaren esparruan.
Dirulaguntza publikoak emateko, publikotasun-printzipioa bete beharra dago. Horrenbestez, Euskal Herriko Agintaritzaren Aldizkarian argitaratu behar da, Lanbide-Euskal Enplegu Zerbitzuaren zuzendari nagusiaren ebazpen baten bidez, deialdi horren babespean emandako laguntzen erakunde onuradunen zerrenda eta jasoko dituzten zenbatekoak, hala ezartzen baitu langabeentzako kontratazio-konpromisodun prestakuntza-ekintzak egiteko 2019ko deialdiaren 7.4 artikuluak. Deialdi hori Lanbideren Administrazio Kontseiluak 2019ko maiatzaren 22ko bilkuran hartutako Erabakiaren bidez onartu zen.
Hori dela eta, hauxe
EBAZTEN DUT:
Lehenengoa.– Euskal Herriko Agintaritzaren Aldizkarian argitaratzea langabeentzako kontratazio-konpromisodun prestakuntza-ekintzak egiteko 2019ko deialdiko dirulaguntzen erakunde onuradunen zerrenda –espediente-zenbakia, erakunde onuradunaren izena eta dirulaguntzaren zenbatekoa zehaztuta–, ebazpen honen eranskinean ageri denari jarraituz, eta Euskal Autonomia Erkidegoan Enplegurako Lanbide Heziketa arautzen duen maiatzaren 31ko 82/2016 Dekretuaren esparruan.
Bigarrena.– Berariaz aipatzea Lanbide-Euskal Enplegu Zerbitzuaren eta Europako Gizarte Funtsaren kofinantzazioa izan dela, Gazte Enplegurako 2014-2020 Programa Operatiboaren eta EAEko 2014-2020 EGIF Programa Operatiboaren esparruan.
Vitoria-Gasteiz, 2020ko otsailaren 4a.
Lanbide-Euskal Enplegu Zerbitzuko zuzendari nagusia,
JUAN JOSE BORJA BELANDIA FRADEJAS.
