Euskal Herriko Agintaritzaren Aldizkaria

28. zk., 2020ko otsailaren 11, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA

703

AGINDUA, 2020ko urtarrilaren 9koa, Hezkuntzako sailburuarena, zeinaren bidez aldatzen baita Donostian (Gipuzkoa) dagoen «Nazaret Lanbide Heziketa» Bigarren Hezkuntzako ikastetxe pribatuaren baimena.

«Nazaret Lanbide Heziketa» ikastetxe pribatuaren ordezkariak hasarazitako espedientea aztertu da, zeinean eskatzen baitu baimena alda dakiola Lanbide Heziketako bi heziketa-ziklo berri emateko.

Espediente horren izapideak araudiak ezarritako prozedurari jarraituz egin dira; gainera, indarrean dauden arauek eskatzen dituzten agiriak erantsi zaizkio, eta arlo horretan eskumena duten erakundeek txostena egin diote.

Arau hauek ikusi dira: apirilaren 3ko 332/1992 Errege Dekretua, araubide orokorreko unibertsitateaz kanpoko irakaskuntzak eskaintzeko baimenak ikastetxe pribatuei emateari buruzkoa (apirilaren 9ko BOE); abenduaren 14ko 1689/2007 Errege Dekretua, zeinaren bidez Farmazia eta Parafarmazia erdi-mailako teknikariaren titulua ezartzen den eta haren gutxieneko irakaskuntzak finkatzen diren (urtarrilaren 17ko BOE), eta ekainaren 30eko 425/2009 Dekretua, zeinaren bidez Euskal Autonomia Erkidegoan ezartzen baita aipaturiko tituluari dagokion curriculuma (abuztuaren 17ko EHAA) eta irailaren 12ko 769/2014 Errege Dekretua, zeinaren bidez Ahoaren eta Hortzen Higieneko goi-mailako teknikariaren titulua ezartzen den eta haren gutxieneko irakaskuntzak finkatzen diren (urriaren 4ko BOE) eta abenduaren 22ko 241/2015 Dekretua, zeinaren bidez Euskal Autonomia Erkidegoan ezartzen baita aipaturiko tituluari dagokion curriculuma (otsailaren 2ko EHAA) eta gai horretan aplikatu beharreko gainerako legeak. Horiek horrela, hau

EBAZTEN DUT:

1. artikulua.– Ondoren deskribatzen den ikastetxe pribatuaren baimena aldatzen da 2020-2021 ikasturterako:

Kode zenbakia: 20004721.

Izen generikoa: Bigarren Hezkuntzako Ikastetxe Pribatua.

Izen espezifikoa: «Nazaret Lanbide Heziketa».

Titularra: Nazaret Fundazioa.

Helbidea: Aldakonea 36.

Udalerria: Donostia.

Lurralde historikoa: Gipuzkoa.

Baimena:

– «Farmazia eta parafarmazia» erdi-mailako heziketa-zikloa ematea.

– «Ahoaren eta hortzen higienea» goi-mailako heziketa-zikloa ematea.

Ikastetxearen osaera:

– Lanbide Heziketa:

● Lanbide-arloa: Administrazioa eta kudeaketa:

○ Administrazio-kudeaketako erdi-mailako heziketa-zikloa. Edukiera: ziklo 1.

○ Administrazio eta finantzako goi-mailako heziketa-zikloa. Edukiera: 2. ziklo.

○ Zuzendaritzari laguntza emateko goi-mailako heziketa-zikloa. Edukiera: ziklo 1.

● Lanbide-arloa: Merkataritza eta marketina:

○ Merkataritza jardueretako erdi-mailako heziketa-zikloa. Edukiera: ziklo 1.

○ Nazioarteko merkataritzako goi-mailako heziketa-zikloa. Edukiera: ziklo 1.

○ Salmentak eta merkataritza-espazioak kudeatzeko goi-mailako heziketa-zikloa. Edukiera: ziklo 1.

○ Marketin eta publizitateko goi-mailako heziketa-zikloa. Edukiera: ziklo 1.

● Lanbide-arloa: Informatika eta komunikazioak:

○ Mikroinformatika sistemetako eta sareetako erdi-mailako heziketa zikloa. Edukiera: ziklo 1.

○ Sareko informatika sistemen administrazioko goi-mailako heziketa-zikloa. Edukiera: ziklo 1.

○ Plataforma anitzeko aplikazioak garatzeko goi-mailako heziketa-zikloa. Edukiera: ziklo 1.

○ Web aplikazioen garapeneko goi-mailako heziketa-zikloa. Edukiera: ziklo 1.

● Lanbide-arloa: Osasungintza:

○ Erizaintzako zaintza osagarriak erdi-mailako heziketa-zikloa. Edukiera: ziklo 1.

○ Farmazia eta parafarmazia erdi-mailako heziketa-zikloa. Edukiera: ziklo 1.

○ Ahoaren eta hortzen higienea goi-mailako heziketa-zikloa. Edukiera: ziklo 1.

● Lanbide-arloa: Gizarte eta kultur zerbitzuak:

○ Mendekotasun egoeran dauden pertsonei arreta egiteko erdi-mailako heziketa-zikloa. Edukiera: ziklo 1.

○ Gizarteratzeko goi-mailako heziketa-zikloa. Edukiera: 2 ziklo.

2. artikulua.– Ikastetxeak indarrean dagoen araudia bete beharko du, agindu honen bidez baimentzen zaizkion heziketa-zikloak irakasteko eskatzen diren ikaspostuen kopuruari, ekipamenduari eta irakasleen titulazio akademikoari eta hizkuntza-eskakizunari dagokienez. Bestela, emandako baimena baliogabetuta geratuko da.

3. artikulua.– Ikastetxeak Eraikingintzaren Kode Teknikoa bete beharko du, martxoaren 17ko 314/2006 Errege Dekretuak onartua, bai eta indarreko legeriak ezartzen dituen higiene-, akustika-, bizigarritasun-, segurtasun- eta irisgarritasun-baldintzak ere. Ikastetxeko titularrarena izango da baldintza horiek ez betetzearen erantzukizuna.

AZKEN XEDAPENETAKO LEHENENGOA

Agindu honetan dagoen baimena emateak ez dakar, inolaz ere, hezkuntza-itunen araubidearen bitartezko laguntzak lortzea.

AZKEN XEDAPENETAKO BIGARRENA

Agindu honen aurka aukerako berraztertze-errekurtsoa aurkez dakioke Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusian, hilabete biko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2020ko urtarrilaren 9a.

Hezkuntzako sailburua,

CRISTINA URIARTE TOLEDO.

Azterketa dokumentala