![Euskal Herriko Agintaritzaren Aldizkaria](/appcont/servibopvi/images/bopv_anuncio_e.png)
183. zk., 2019ko irailaren 26a, osteguna
- Bestelako formatuak:
- PDF (399 KB - 12 orri.)
- EPUB (662 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
ENPLEGUKO ETA GIZARTE POLITIKETAKO SAILA
4373
EBAZPENA, 2019ko irailaren 6koa, Gazteriako zuzendariarena, zeinaren bidez jakitera ematen baita Euskal Autonomia Erkidegoko Administrazioaren «Euskadiko Gazteak Lankidetzan» programaren 2019. urteko ediziorako onartutako proiektuen zerrenda.
Enpleguko eta Gizarte Politiketako sailburuaren 2018ko azaroaren 7ko Aginduaren bidez, deialdia egiten zaie garapen-lankidetzarako entitateei Euskal Autonomia Erkidegoko Administrazioaren «Euskadiko Gazteak Lankidetza» programaren 2019. urteko ediziorako proiektuak aurkezteko. Agindu hori 2018ko abenduaren 3an eman zen argitara EHAAn.
Agindu horren 8.1 artikuluan xedatutakoaren arabera, Gazteriako zuzendariak, Balioespen Batzordearen proposamena ikusita, ebazpena emango du, eta bertan agertuko da hautatu diren eta ez diren proiektu eta profilen zerrenda.
Agindu horren 8.1 artikuluan xedaturikoa betez, Balioespen Batzordearen proposamena ikusita, Gazteriako zuzendariak Euskal Autonomia Erkidegoko Administrazioaren «Euskadiko Gazteak Lankidetzan» programaren 2019. urteko ediziorako aurkezturiko proiektuak onartzen dituen ebazpena eman zuen, 2019ko uztailaren 23an. Horrez gain, ebazpenean jasota dago onartu ez diren proiektuen zerrenda.
Gazteriako zuzendariaren ebazpenaren berri emango zaie banan-banan interesdun guztiei. Horrez gain, Aginduaren 8.4 artikuluan xedaturikoari jarraituz, onartutako proiektuen zerrenda agertuko da Euskal Herriko Agintaritzaren Aldizkarian, jende guztiak horren berri izan dezan.
Ondorioz, honako hau
EBAZTEN DUT:
Lehenengo artikulua.– Jakitera ematea Euskal Autonomia Erkidegoko Administrazioaren «Euskadiko Gazteak Lankidetza» programaren 2019. urteko ediziorako onartutako proiektuen eta profilen zerrenda (ikus I. eranskina), zabalkunde osoa izan dezan. Proiektu horiek Euskal Autonomia Erkidegoko garapen-lankidetzarako entitateek aurkeztu dituzte, Euskal Autonomia Erkidegoko Administrazioaren «Euskadiko Gazteak Lankidetza» programaren 2019. urteko ediziorako, Enpleguko eta Gizarte Politiketako sailburuaren 2018ko azaroaren 7ko Aginduaren babespean (2018ko abenduaren 3ko EHAA).
Bigarren artikulua.– Jakitera ematea, zabalkunde osoa izan dezan, onartu ez diren proiektuen eta profilen zerrenda (ikus II. eranskina).
Vitoria-Gasteiz, 2019ko irailaren 6a.
Gazteriako zuzendaria,
AGURTXANE LLANO CUADRADO.