Euskal Herriko Agintaritzaren Aldizkaria

147. zk., 2019ko abuztuaren 6a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

AZPEITIKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

3758

EDIKTUA, auzi-prozeduran ezarritako ezkontzaz kanpoko seme-alabentzako neurriei buruz bideratutako 276/2018 prozeduraren ondoriozkoa.

Azpeitiko Lehen Auzialdiko eta Instrukzioko 1 zenbakiko Epaitegia, Zuzeneko Laguntza Emateko Unitate Prozesala.

Judizioa: uzi-prozeduran ezarritako ezkontzaz kanpoko seme-alabentzako neurriak, 276/2018.

Demandatzailearen prokuradorea: Elisabet Ansoalde Oyarzabal.

Gaia: auzi-prozeduran ezarritako gurasoen eta seme-alaben arteko neurriak.

Judizio horretan epaia eman da 2019-07-01ean. Horren bidez, amaiera eman zaio prozesuari.

113/2019 EPAIA

Epailea: Leyre Perez Rodriguez.

Lekua: Azpeitia (Gipuzkoa).

Eguna: bi mila eta hemeretziko uztailaren bata.

Alderdi demandatzailea: Medaha Brahim Yadadih.

Abokatua: XXXXX.

Prokuradorea: XXXXX.

Alderdi demandatua: Nayem Sidbrahim Musa.

Abokatua.

Prokuradorea.

Judizioaren xedea: demanda, atzerriko dibortziotik eratorritako gurasoen eta seme-alaben arteko neurriak arautzea eskatzeko.

Nik, Leyre Pérez Rodríguezek, Azpeitiko eta bere barrutiko Lehen Auzialdiko 1 zenbakiko Epaitegia epaileak, epaitegi honetan bien seme-alabentzako neurriei buruzko 276/2018 auto honek ikusi ditut (zaintza, jagoletza eta elikadurarako neurriak hartzeari buruzkoak). Hauek izan dira alderdiak: batetik, demandatzaile gisa, Medaha Brahim Yadadih, epaitegietako XXXXX prokuradoreak ordezkatuta eta XXXXX letraduak lagunduta; eta bestetik, demandatu gisa, Nayem Sidbrahim Musa, auzi-ihesean; Fiskaltzak ere hartu du parte.

EPAITZA

Baiesten dut Medaha Brahim Yadadih andreak (epaitegietako XXXXX prokuradoreak ordezkatuta) Nayem Sidbrahim Musa jaunaren (auzi-ihesean) aurka jarritako demanda eta, XXXXX bien semearen harira honako neurri hauek hartzen ditut:

1.– Brahim Yadadih andreari esleitzen diot bien seme-alaba adingabearen gaineko guraso-ahala modu esklusiboan erabiltzeko eskubidea; dena den, guraso-ahalaren titulartasuna biena izango da.

2.– Brahim Yadadih andreari esleitzen diot bien seme-alaba adingabearen zaintza eta jagoletza. Ez da aitaren aldeko bisita-erregimenik ezarriko.

3.– Sidbrahim Musa jaunak hilean 200 euro ordaindu beharko ditu bere seme adingabearen aldeko mantenu-pentsio gisa. Zenbateko hori hilabete bakoitzeko lehenengo 5 egunen barruan ordaindu beharko du, .................(e)k horretarako adierazitako banku-kontuan. Zenbateko hori urtero eguneratuko da KPIaren arabera.

4.– Seme-alaba adingabearen ezohiko gastuak bi gurasoek ordainduko dituzte, erdibana.

Prozesuko kostuei dagokienez, ez da berariazko erabakirik hartzen.

Aurkaratzeko modua: apelazio-errekurtsoa, Gipuzkoako Probintzia Auzitegian (PZL, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZL, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen gordailu eta kontsignazio kontuan. Kontuaren zenbakia hauxe da: ...................... Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru kopuru hori zainpean jarri izana frogatu beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. apartatuan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Nayem Sidbrahim Musa demandatuaren egungo bizilekua ezezaguna denez, ebazpena Euskal Herriko Agintaritzaren Aldizkarian argitaratutako ediktu baten bidez jakinaraztea erabaki da, Prozedura Zibileko 1/2000 Legearen 497.2 artikuluaren arabera (PZL).

Interesdunak eskuragarri dauka jakinarazten den ebazpenaren testu osoa, epaitegi honetako bulego judizialean. Han aztertu ahal izango du oso-osorik.

Azpeitia, 2019ko uztailaren 8a.

JUSTIZIA ADMINISTRAZIOAREN LETRADUA.

Azterketa dokumentala