139. zk., 2019ko uztailaren 23a, asteartea
- Bestelako formatuak:
- PDF (198 KB - 1 orri.)
- EPUB (214 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Pribatuen iragarkiak
IHOBE A.B.
3586
IRAGARKIA, ekodiseinuaren, ekonomia zirkularreko frogapenaren, eta ekoberrikuntzaren alorreko proiektuetarako 2019an laguntzak emateko deialdiari buruzkoa.
Ekodiseinuko, ekonomia zirkularreko frogapen-proiektuentzako, eta ekoberrikuntzako proiektuetarako 2019ko deialdia.
Oinarri hauen bidez arautu nahi da ekodiseinuaren, ekonomia zirkularreko frogapenaren eta ekoberrikuntzaren alorreko proiektu berritzaileak garatzeko laguntzak Euskal Autonomia Erkidegoko enpresa-sektoreko erakundeei emateko prozedura.
Deialdia Europako Batzordearen Ekonomia Zirkularrerako ekintza planaren, EAEko 2030rako ekonomia zirkularraren Estrategiaren eta Zientzia, Teknologia eta Berrikuntzaren 2020rako Planaren baitan sartzen da, eta helburutzat hartzen du enpresen ikuspegi berritzaileak bultzatzea, Euskadiko Ekonomia zirkularraren helburuak lortzen laguntzeari begira.
Deialdiaren oinarriak interesdunen eskura daude Ihobe SA Ingurumen Kudeaketako Sozietate Publikoaren web-orrian (www.ihobe.eus).
Laguntzak emateko, norgehiagoka-prozedura erabiliko da.
Deialdirako eskabideak aurkezteko epea iragarkia argitaratu eta biharamunean hasiko da, eta urriaren 18an amaituko da, 13:00etan.
Deitutako laguntzen aurrekontu-zuzkidura 870.000 eurokoa da: 120.000 euro ekodiseinuko lerrora zuzenduko dira, 250.000 euro ekonomia zirkularreko frogapen proiektuak egiteko, eta 500.000 euro ekoberrikuntzako lerrora.
Bilbao, 2019ko ekainaren 26a.
Zuzendari nagusia,
JESÚS LOSADA BESTEIRO.