Euskal Herriko Agintaritzaren Aldizkaria

54. zk., 2019ko martxoaren 18a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 4 ZENBAKIKO ZUZENEKO LAGUNTZA EMATEKO UNITATE PROZESALA

1408

EDIKTUA, ezkontzaz kanpoko seme-alabentzako neurrietarako 1248/2018 prozeduraren ondoriozkoa.

Gasteizko Lehen Auzialdiko 4 Zenbakiko Epaitegia – Zibileko Zuzeneko Laguntza emateko Unitate Prozesala.

Judizioa: ezkontzaz kanpoko seme-alabei buruzko neurriak (adostasunik gabe) 1248/2018.

Demandatzailea: Edith Rufus.

Abokatua: Josu Mirena Iñurrieta Rodriguez.

Prokuradorea: Isabel Gomez Perez de Mendiola.

Demandatua: Confidence Rufus.

Gaia: ezkontzaz kanpoko seme-alabentzako neurriak.

Judizio horretan, epaia eman da 2019-02-28an. Honako hau dio ebazpen horren epaitzak:

Honako neurri hauek hartzea erabakitzen dut XXXXX izenarekin inskribatutako adingabeari dagokionez:

A) Amari esleitu behar zaio seme adingabearen zaintza eta jagoletza; guraso-ahala, berriz, bi gurasoek izango dute. Nolanahi ere, amak bakarrik baimena eman ahal izango du, aitak esku hartu gabe, adingabeak behar dituen jarduera administratibo eta mediko guztietarako, ez baitakigu aita non dagoen.

B) Ez da bisita-erregimenik ezartzen, aita bide judizialetik eskatzen ez badu, edo bi alderdiek hari buruzko akordio bat lortzen ez badute.

C) Demandatuak hilean 80 euro ordaindu behar ditu bere seme-alaben mantenu-pentsioa dela-eta; zenbateko hori aurrez ordaindu beharko du, hileko lehen bost egunetan, amak horretarako izendatzen duen kontuan. Zenbateko hori Inek adierazten duen Kpiren arabera eguneratuko da, eta lehen eguneratzea 2020ko urtarrilean egingo da.

D) Aparteko gastuak bi gurasoek erdibana ordainduko dituzte. Halakotzat hartuko dira Gizarte Segurantzak estaltzen ez dituen gastu medikoak (ortodontziak, betaurrekoak edo lentillak), araututako hezkuntzan laguntzeko klaseak eta gurasoen artean adostutako eskolaz kanpoko jarduerak.

Alderdi bakoitzak berak eragindako kostuak ordaindu beharko ditu, eta komunak, erdi bana.

Confidence Rufus demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (Pzlb).

Ebazpen horren aurka, apelazio-errekurtsoa aurkez dezake demandatu auzi-iheslariak.

Jakinarazten den ebazpenaren testu osoa auzitegi honetako bulego judizialean dago, interesdunaren eskura.

Vitoria-Gasteiz, 2019ko otsailaren 28a.

JUSTIZIA ADMINISTRAZIOAREN LETRADUA.

Azterketa dokumentala