Euskal Herriko Agintaritzaren Aldizkaria

37. zk., 2019ko otsailaren 21a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 2 ZENBAKIKO ZUZENEKO LAGUNTZA EMATEKO UNITATE PROZESALA

944

EDIKTUA, 783/2018 prozedura arruntaren ondoriozkoa.

JAKINARAZPEN-ZEDULA

Vitoria-Gasteizko Lehen Auzialdiko 2 zenbakiko Epaitegian, 783/2018 judizio arruntaren prozedura bideratu da, Maria Blanca Ruiz Gomezek eskatuta, Alfonso Ruiz Gomezen aurka. Prozedura horren gainean epaia eman da. Hona hemen idazpurua eta epaitza, kopiatuta:

36/2019 EPAIA

Epailea: Francisco Javier Pablo Pablo jauna.

Lekua: Vitoria-Gasteiz.

Eguna: bi mila eta hemeretziko urtarrilaren hogeita hamarra.

Alderdi demandatzailea: Maria Blanca Ruiz Gomez.

Abokatua: Jose Ignacio Munguia Santamaría.

Prokuradorea: Luis Perez Avila Pinedo.

Alderdi demandatua: Alfonso Ruiz Gomez.

Abokatua.

Prokuradorea.

Gaia: gauza erkidea zatitzea.

Nik, Francisco Javier Pablo Pablok, ikusi ditut 783/2018 judizio arruntaren autoak, gauza erkidea banatzeari eta diru-zenbateko bat erreklamatzeari buruzkoak. Banaketa-txandaren arabera, epaitegi honi egokitu zitzaion auto horiek bideratzea. Pérez-Ávila prokuradoreak egin zuen judizio-eskaera, Blanca Ruiz Gómez ordezkatuz, Munguía letraduak lagunduta, Alfonso Ruiz Gómezen aurka, auzi-iheslaria bera.

EPAITZA

Baiesten dut gauza erkidea banatzeari buruzko judizio arruntaren demanda. Epaitegi honetan bideratu da judizio hori, banaketa-txandari jarraituz. Pérez-Ávila prokuradoreak egin du judizio-eskaera, Blanca Ruiz Gómez ordezkatuz, Munguía letraduak lagunduta, Alfonso Ruiz Gómezen aurka, auzi-iheslaria bera. Horrenbestez,

1.– Azkendutakotzat deklaratzen dut Blanca Ruiz Gómezek –Munguía letraduak lagundu dio– eta Alfonso Ruiz Gómezek egun duten jabekidetza, demandaren lehenengo aurrekarian deskribatutako etxebizitzari buruzkoa. Gasteizko 4. Jabetza Erregistroan inskribatuta dago etxebizitza, finka zenbaki honekin: 2/37288.

2.– Aipatutako higiezina zatitzeko agintzen dut, baldin eta aipatutako titularren artean adostasunik lortzen ez bada, Kode Zibilaren 404. artikulua betez. Zatiketa egiteko, enkante publikoan salgai jarriko da, kanpoko lizitatzaileek parte hartuta eta enkantetik eskuratutako produktua banatuta jabekideen artean, gastuak kendu ondoren, jabekideen kuoten proportzioan, gauza komuna zatiezina baita.

Halaber, kostuak ordaintzera kondenatzen dut alderdi demandatua.

Jakinaraz bekie ebazpen hau alderdiei.

Aurkaratzeko modua: apelazio errekurtsoa, Arabako Probintzia Auzitegian (PZL, 455. art.). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik hasita. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen gordailuan eta zainpean uzteko kontuan (0010 0000 04 0783 18). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Kontsignazioa egiaztatu beharko da errekurtsoa aurkeztean (BJLOren 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena: Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, Justizia Administrazioaren letradua naizenez, horren guztiaren fede ematen dut, Vitoria-Gasteizen, bi mila eta hemeretziko urtarrilaren hogeita hamaikan.

Alfonso Ruiz Gomez demandatuari behar bezala jakinarazteko balio dezan egin eta sinatzen dut hau, Vitoria-Gasteizen, bi mila eta hemeretziko otsailaren zortzian.

JUSTIZIA ADMINISTRAZIOAREN LETRADUA.

Azterketa dokumentala