Euskal Herriko Agintaritzaren Aldizkaria

34. zk., 2019ko otsailaren 18a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 6 ZENBAKIKO ZUZENEKO LAGUNTZA EMATEKO UNITATE PROZESALA

857

EDIKTUA, 781/2018 prozedura arruntaren ondoriozkoa.

Vitoria-Gasteizko Lehen Auzialdiko 6 zenbakiko Epaitegia, Zuzeneko Laguntza Zibila emateko Unitate Prozesala.

Judizioa: 781/2018 prozedura arrunta.

Demandatzailea: Maria Blanca Ruiz Gomez.

Abokatua:

Prokuradorea: Luis Perez Avila Pinedo.

Demandatua: Alfonso Ruiz Gomez.

Gaia.

Judizio horretan, epaia eman da 2019-02-04an. Hona hemen epaia:

39/2019 EPAIA

Epailea: Susana Diez Martinez de Lahidalga.

Lekua: Vitoria-Gasteiz.

Eguna: bi mila eta hemeretziko otsailaren laua.

Alderdi demandatua: Maria Blanca Ruiz Gomez.

Abokatua:

Prokuradorea: Luis Perez Avila Pinedo.

Alderdi demandatua: Alfonso Ruiz Gomez.

Abokatua:

Prokuradorea.

Judizioko gaia: eskubide errealak.

EPAITZA

Baiesten dut Avila Pinedo prokuradoreak María Blanca Ruiz Gómezen izenean eta hura ordezkatuz aurkeztu duen demanda, Alfonso Ruiz Gómezen aurkakoa. Hori dela eta, demandatua kondenatzen dut auzi-jartzaileari honako hauek ordaintzera: 7.381,77 euro; Kode Zibilaren 1101. eta 1108. artikuluetan ezarritako interesak, demanda jarri zen egunetik ebazpen honen egunera arte sortutakoak, eta ebazpen honen egunetik guztia ordaintzen den arte sortzen diren interesak, Prozedura Zibilari buruzko Legearen 576. artikuluan zehazten direnak. Halaber, kostuak ordaindu beharko ditu demandatuak.

Aurkaratzeko modua: apelazio errekurtsoa aurkeztuta, Arabako Probintzia Auzitegiari (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen gordailuan eta zainpean uzteko kontuan (0071 0000 04 0781 18). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Kontsignazioa egiaztatu beharko da errekurtsoa aurkeztean (BJLOren 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Alfonso Ruiz Gomez demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, auzi-ihesean den demandatuak apelazio-errekurtsoa aurkez dezake.

Interesdunak eskuragarri dauka jakinarazten den ebazpenaren testu osoa auzitegi honetako bulego judizialean.

Vitoria-Gasteiz, 2019ko otsailaren 4a.

JUSTIZIA ADMINISTRAZIOAREN LETRADUA.

Azterketa dokumentala