Euskal Herriko Agintaritzaren Aldizkaria

34. zk., 2019ko otsailaren 18a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 4 ZENBAKIKO ZUZENEKO LAGUNTZA EMATEKO UNITATE PROZESALA

856

EDIKTUA, adostasunik gabeko dibortzioari buruz bideratutako 589/2018 prozeduraren ondoriozkoa.

Vitoria-Gasteizko Lehen Auzialdiko 4 zenbakiko Epaitegia (Familia) – Zibileko ZULUP.

Judizioa: 589/2018 adostasunik gabeko dibortzioa.

Demandatzailea: Fatoumata M.M. Jammeh.

Abokatua: Enrique Saenz de Ormijana Aperribai.

Prokuradorea: Ana Rosa Frade Fuentes.

Demandatua: Ebrima Saine.

Gaia: adostasunik gabeko dibortzioa.

Judizio horretan, epaia eman da 2019-02-04an. Hona hemen epaitza:

Fatoumata M.M. Jammeh-k eta Ebrima Saine-k osatutako ezkontzaren dibortzioa deklaratzen dut, legezko ondorio guztietarako.

Neurri hauek hartzen ditut alaba adingabeari dagokionez:

1.– Amari esleitzen zaio seme adingabearen zaintza eta jagoletza, eta adingabea amarekin biziko da. Guraso-ahala, berriz, bi gurasoena izango da. Amak bakarrik har ditzake semearen bizimoduari eragiten dioten erabaki garrantzizko samarrak, aitaren adostasuna eskatu beharrik izan gabe, aitaren bizilekua ezezaguna baita.

2.– Ez da bisita-erregimen zehatzik ezartzen; aita semearekin egon daiteke, bi aldeek hala adosten dutenean.

3.– Aitak, hilero 150 euro ordaindu beharko ditu semearentzako elikagai-pentsio gisa, aurreratuta ordaindu ere, hil bakoitzaren lehenengo bost egunetan, amak horretarako izendatzen duen kontuan. Zenbateko hori berrikusi egingo da, INEk urtero finkatzen duen KPIren arabera. Lehenengo berrikustea 2020ko urtarrilean egingo da.

Bi gurasoek ordainduko dituzte seme adingabearen aparteko gastuak (Gizarte Segurantzak estaltzen ez dituen gastu medikoak, adostutako eskolaz kanpoko jarduerak eta hezkuntza arauturako beharrezko dituen laguntza-eskolak). Bi gurasoen adostasuna behar da halako gastuak egiteko.

4.– Kostuen gainean ez da hartzen inolako erabakirik.

5.– Ofizioa bidali behar da interesdunen ezkontza inskribatuta dagoen Erregistro Zibilera.

Ebrima Saine demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatu auzi-iheslariak.

Interesdunak eskuragarri dauka jakinarazten den ebazpenaren testu osoa auzitegi honetako bulego judizialean.

Vitoria-Gasteiz, 2019ko otsailaren 4a.

JUSTIZIA ADMINISTRAZIOAREN LETRADUA.

Azterketa dokumentala