Euskal Herriko Agintaritzaren Aldizkaria

245. zk., 2018ko abenduaren 21a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

IRUNGO LEHEN AUZIALDIKO ETA INSTRUKZIOKO 3 ZENBAKIKO ZUZENEKO LAGUNTZA EMATEKO UNITATE PROZESALA

6280

EDIKTUA, adostasunik gabeko dibortzioari buruz bideratutako 110/2018 prozeduraren ondoriozkoa.

Irungo Lehen Auzialdiko eta Instrukzioko 3 zenbakiko Zuzeneko Laguntza emateko Unitate Prozesala.

Judizioa: 110/2018 adostasunik gabeko dibortzioa.

Demandatzailea: Natalia Menendez Pire.

Abokatua: Rosa Maria Sanchez Gonzalez.

Prokuradorea: Eskarne Ruíz de Arbulo Aizpuru.

Demandatua: Paulino Arce Fernandez.

Gaia.

Judizio horretan, epaia eman da 2018-11-05ean. Hona hemen epaitza:

Partez baiesten dut Eskarne Ruiz de Arbulo prokuradoreak Natalia Menéndez Pirezen izenean eta ordez aurkeztutako demanda, Paulino Arce Fernandezen aurka, eta, beraz, erabaki dut horien arteko dibortzioa, adierazpen horri dagozkion legezko ondorioekin; gainera, honako neurriak hartzea erabaki dut seme-alaba adingabeari dagokionez:

– Adingabearen zaintza eta jagoletza amari esleitzen zaizkio, eta guraso-ahalaren titularitatea eta erabilera, berriz, guraso biek partekatuko dute.

– Aitaren eta alabaren arteko bisita-erregimena bien artean askatasunez adostua izango da.

– Adingabearen egoitza Irunen izango da, helbide honetan: Santiago kalea 53 B – 2.A.

– Alaba adingabeari eta zaintza dela-eta amari esleitzen zaie familia-etxebizitzaren, erabilera eta gozamena. Aitari 5 egun ematen zaizkio bere arropa eta gauza pertsonalak eta profesionalak jasotzeko. Etxebizitzaren helbidea: Santiago kalea 53 B – 2.A., Irun.

Etxe-erosketaren edo hura hobetzea dela-eta sortutako betebeharrak –horrekin lotutako hipoteka-maileguak eta aseguruak barne hartuta– bi alderdiek ordaindu beharko dituzte, eraketa-tituluan ezarritakoaren arabera. Etxebizitza zaindu, mantendu edo konpontzeko gastu arruntak –barne hartuta jabekideen erkidegoko eta hornidura-gastuak eta tributuak eta tasak edo urteko zergak erabilera-eskubidea duen onuradunaren kontura izango dira.

– Aitak hilero 350 euro ordaindu beharko du alaba adingabearen elikagai-pentsio gisa eta ordainketa hilaren lehen bost egunetan gauzatu beharko du, amak zehazten duen kontu-korrontean edo aurrezki-kontuan, adingabea adinez nagusi eta ekonomikoki independentea izatera iritsi arte.

Diru-kopuru hori urtero eguneratuko da urtarrilaren 1etik aurrerako ondorioekin, Estatistikako Institutu Nazionalak edo hori ordezten duen erakundeak estatu osorako prestatutako kontsumoko prezioen indizearen gehikuntzaren indizea aplikatuz.

Gurasoek erdibana ordainduko dituzte alabaren ezohiko gastuak; ezohiko gastutzat hartuko dira beharrezkoak, ez aldizkakoak eta aurreikusi ezin direnak; alabak izan ditzakeen behar aurreikusi ezin direnak eta ukaezinak, eta nolanahi ere osasun-zerbitzu publikoak edo aseguru medikoak estaltzen ez dituen osasun-gastuak, baita alabarentzako komenigarriak, nahiz eta ez izen derrigorrezkoak, diren hezkuntza- eta prestakuntza- beharrak ere, betiere adostasunik baldin badago.

Berariaz aurreikusi gabeko beste gasturen bat badago, gurasoek ikusiko dute komenigarria den ala ez, eta, ados jartzen badira, erdibana ordainduko dute, betiere aldez aurretik dagokion faktura aurkeztuta. Horregatik, zenbatekoak zehaztu eta objektibatzeko, gastua egiteko beharra ikusten duen gurasoak beste gurasoari jakinaraziko dio aldez aurretik, hark baiezkoa edo ezezkoa eman dezan modu sinesgarrian edo modu tazituan onar dezan hogeita hamar egun igarotzen utzita gastua egitea komenigarria dela proposatzen duen jakinarazpena egiten denetik.

Ez da berariaz kosturik ezartzen.

Paulino Arce Fernandez demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, auzi-ihesean den demandatuak apelazio-errekurtsoa aurkez dezake.

Interesdunak eskuragarri dauka jakinarazten den ebazpenaren testu osoa, epaitegi honetako bulego judizialean.

Irun (Gipuzkoa), 2018ko abenduaren 3a.

JUSTIZIA ADMINISTRAZIOAREN LETRADUA.

Azterketa dokumentala