Euskal Herriko Agintaritzaren Aldizkaria

217. zk., 2018ko azaroaren 12a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 2 ZENBAKIKO ZUZENEKO LAGUNTZA EMATEKO UNITATE PROZESALA

5550

EDIKTUA, 272/2018 hitzezko judizioaren ondoriozkoa.

Zuzeneko Laguntza Zibila emateko Unitate Prozesala – Vitoria-Gasteizko Lehen Auzialdiko 2 zenbakiko Epaitegia.

Judizioa: 272/2018 hitzezko judizioa.

Demandatzailea: Aseguruen Konpentsazio Kontsortzioa.

Abokatua: Estatuaren abokatua.

Prokuradorea.

Demandatua: Zurich Insurance PCL Sucursal en España, Maria Vanesa Garcia.

Berrio, Miguel Garcia Alunda eta AXA Seguros Generales S.A.

Gaia: hitzezko judizioa.

Judizio horretan, epaia eman da 2018-10-23an. Hona hemen epaia:

226/18 EPAIA

Epailea: Francisco Javier Pablo Pablo jauna.

Lekua: Vitoria-Gasteiz.

Data: 2018ko urriaren 23a.

Alderdi demandatzailea: Aseguruen Konpentsazio Kontsortzioa.

Abokatua: Estatuaren abokatua.

Prokuradorea.

Alderdi demandatua: Zurich Insurance PCL Sucursal en España (1), Maria Vanesa Garcia Berrio, Miguel Garcia Alunda eta AXA Seguros Generales S.A. (2).

Abokatua: Maria Jose Murua Etxeberria (1), Federico Saracibar Serradilla (2).

Prokuradorea: Isabel Gómez Pérez de Mendiola.

Judizioko gaia: erantzukizun zibila.

Ikusi dira, diru-zenbateko bat erreklamatzeko, epaitegi honetan bideratu den 272/18 hitzezko judizioaren autoak; prozedura Aseguruen Konpentsazio Partzuergoak eskatu du –Jimenez abokatuak lagunduta– honako hauen aurka: Axa Seguros, S.A. –Ibañez de Garayo abokatuak lagundua eta ordezkatua– Zurich aseguru-etxea –Gómez prokuradoreak ordezkatua eta Murua abokatuak lagundua–, eta auzi-ihesean diren Miguel García Alunda eta M.ª Vanessa García Berrio.

EPAITZA

1.– Baiesten dut diru-zenbateko bat erreklamatzeko demanda, Aseguruen Konpentsazio Partzuergoak –Jiménez jaunak ordezkatuta eta lagunduta– honako hauen aurka jarri duena: Axa Seguros, S.A. –Ibañez de Garayo abokatuak lagunduta eta ordezkatuta– eta Zurich aseguru-etxea, Gómez prokuradoreak ordezkatuta eta Murua abokatuak lagunduta.

Horrenbestez, Axa Seguros, S.A. eta Zurich aseguru-etxea kondenatzen ditut Aseguruen Konpentsazio Partzuergoari modu solidarioan honako zenbateko hauek ordaintzera: 959,69 euro, gehi legezko interesa % 25 gehituta, batetik, zainpean utzitako eta entregatutako 959,69 eurok sortutakoa 2016ko apirilaren 13tik 2018ko apirilaren 16ra arte, eta, bestetik, 959,60 kondena-zenbatekoak sortutakoa 2016ko apirilaren 13tik zenbatekoa osorik ordaindu arte.

Auzi-jartzaileari sortutako kostuei dagokienez, aseguru-etxe horiei ezartzen dizkiek berariaz.

2.– Ezesten dut diru-zenbateko bat erreklamatzeko, auzi-ihesean diren Miguel García Alundaren eta M.ª Vanessa García Berrioren aurka Aseguruen Konpentsazio Partzuergoak jarritako demanda.

Horrenbestez, absolbitu egiten ditut prozedura honetan haien aurka egindako eskaera guztietatik.

Prozedura honetako demandatuei sortutako kostuak demandatzaileari ezartzen zaizkie berariaz.

Jakinaraz bekie ebazpen hau alderdiei.

Ebazpen horren aurka ezin da inolako errekurtsorik aurkeztu, PZLko 455.1 in fine artikuluan xedatutakoaren arabera.

Eta epai honen bidez erabaki, agindu eta sinatzen dut.

Argitalpena:

Epaiari dagokion egunean, jendaurreko entzunaldia egiten ari zelarik, epaia eman zuen epaile berberak eman, irakurri eta argitaratu zuen, eta nik, Justizia Administrazioaren letradua naizen aldetik, fede ematen dut Vitoria-Gasteizen, bi mila eta hamazortziko urriaren hogeita hiruan.

Miguel Garcia Alunda demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka ezin da errekurtsorik aurkeztu.

Interesdunak eskuragarri du jakinarazten den ebazpenaren testu osoa, auzitegi honetako bulego judizialean.

Vitoria-Gasteiz, 2018ko urriaren 23a.

JUSTIZIA ADMINISTRAZIOAREN LETRADUA.

Azterketa dokumentala