RSS
150. zk., 2018ko abuztuaren 6a, astelehena
- Bestelako formatuak:
- PDF (279 KB - 5 orri.)
- EPUB (374 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
ENERGIAREN EUSKAL ERAKUNDEA
4095
EBAZPENA, 2018ko uztailaren 18koa, Energiaren Euskal Erakundeko zuzendari nagusiarena, emandako diru-laguntzen zerrenda jendaurrean azaltzeko dena, Energiaren Euskal Erakundeko zuzendari nagusiaren 2017ko ekainaren 5eko ebazpenaren arabera emandakoak, zeinaren bidez argitaratzen baita 2017. urtean industria arloan energia-efizientziaren eta energia berriztagarrien erabileraren aldeko inbertsioak sustatzeari begirako diru-laguntzen deialdia.
AURREKARIAK
1.– 2017ko ekainaren 26ko datarekin, EHAAn, 120. zenbakian, Energiaren Euskal Erakundeko zuzendari nagusiaren 2017ko ekainaren 5eko Ebazpena argitaratu zen, 2017. urtean industria arloan energia-efizientziaren eta energia berriztagarrien erabileraren aldeko inbertsioak sustatzeari begirako diru-laguntzen deialdia argitaratzeko xedez.
2.– Euskadiko Ogasun Nagusiaren Antolarauei buruzko Legearen Testu Bategina onartzen duen azaroaren 11ko 1/1997 Legegintzako Dekretuaren 49.2 artikuluarekin bat etorriz, aldekoak diren diru-laguntzei eta aldaketei buruzko ebazpenak EHAAn argitaratu behar dira, laguntzak eta diru-laguntzak ezartzen dituzten arauek beste era batera egiteko esaten ez badute.
Goraxeago adierazitako guztiagatik eta EEE Energiaren Euskal Erakundearen diru-laguntzari lotutako jardunak eskatzen duen publikotasun-printzipioa betetzeko xedez, hau
EBAZTEN DUT:
Emandako diru-laguntzen zerrenda argitaratzea, honekin batera doan eranskinean, Energiaren Euskal Erakundeko zuzendari nagusiaren 2017ko ekainaren 5eko Ebazpenaren arabera, 2017. urtean industria arloan energia-efizientziaren eta energia berriztagarrien erabileraren aldeko inbertsioak sustatzeari begirako diru-laguntzen deialdiaren onuradunen berri emateko.
Bilbao, 2018ko uztailaren 18a.
Energiaren Euskal Erakundeko zuzendari nagusia,
IÑIGO ANSOLA KAREAGA.
