RSS
135. zk., 2018ko uztailaren 13a, ostirala
- Bestelako formatuak:
- PDF (363 KB - 16 orri.)
- EPUB (1098 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
INGURUMEN, LURRALDE PLANGINTZA ETA ETXEBIZITZA SAILA
3649
AGINDUA, 2018ko uztailaren 3koa, Ingurumen, Lurralde Plangintza eta Etxebizitzako sailburuarena, zeinaren bidez ebazten baita desjabetzako espedienteari hasiera ematea eta «Nerbioi ibaiaren goi-erroaren saneamendurako kolektore-proiektua, Laudio, Orozko, Aiara eta Amurrio udalerrietan (Araba eta Bizkaia)» gauzatzeko desjabetu behar diren ondasunen eta eskubideen zerrenda jendaurrean jartzea.
Sail honek gaur eman du argitaratzen den agindu hau:
Aztertuta geratu da «Nerbioi ibaiaren goi-erroaren saneamendurako kolektore-proiektua, Laudio, Orozko, Aiara eta Amurrio udalerrietan (Araba eta Bizkaia)» izeneko proiektuari dagokion espedientea.
AURREKARIAK
1.– 2018ko maiatzaren 11n, Nekazaritza, Arrantza, Elikadura eta Ingurumen Ministerioko Uraren zuzendari orokorrak erabaki zuen teknikoki onartzea «Nerbioi ibaiaren goi-erroaren saneamendurako kolektore-proiektua. Laudio, Orozko, Aiara eta Amurrio udalerrietan (Araba eta Bizkaia)».
2.– Hori gauzatzeko beharrezkoak diren ondasunak eta eskubideak banakatuta eta behar bezala zehaztuta agertzen dira espedientean jasotako zerrendan, identifikatzeko beharrezkoak diren datuekin. Bere garaian ebatzi ziren zerrenda hori jendaurrean jarri zen epean aurkeztu ziren arrazoibide-idazkiak.
3.– Aipatutako proiektuak hartzen dituen lur-sailak okupatzea beharrezkoa da eta premiazkotzat jotzen da, bertan aurreikusitako azpiegiturak eraikitzeko, 91/271/EEE Zuzentarauak hiriko hondakin-urak tratatzeari buruz ezarritako epeak betez.
ZUZENBIDEKO OINARRIAK
Lehenengoa.– Plan Hidrologiko Nazionalaren uztailaren 5eko 10/2001 Legeak Nerbioi goi-erroaren saneamendu eta arazketa bere II. eranskinean («Inbertsioen zerrendan») jaso du.
Bigarrena.– Aipatutako legearen 36.5 artikuluaren arabera, II. eranskinean jasotako obra guztiak onura publikokoak dira, eta Uraren Legearen testu bategina onartzen duen uztailaren 20ko 1/2001 Legegintzako Errege Dekretuaren 44.2 eta 119. artikuluetan eta Nahitaezko Desjabetzearen Legearen 10. artikuluan aurreikusitako ondorioak izango dituzte.
Hirugarrena.– Uraren Legearen 130. artikuluaren arabera, interes orokorreko obra hidraulikoen proiektuak onartzeak berekin ekarriko du proiektua onura publikokoa deklaratzea, ondasunak okupatu beharra izatea eta eskubideak eskuratzea, nahitaezko desjabetzea egiteko eta aldi baterako okupatzeko, indarrean dagoen legerian ezarritakoari jarraikiz.
Laugarrena.– Nahitaezko desjabetzeari buruzko Legearen 17. artikuluan eta ondorengoetan xedatutakoa betetzeko, derrigorrezkoa da jendaurrean jartzea desjabetzeko prozedurak eraginpean hartutako ondasunen eta eskubideen zerrenda.
Bosgarrena.– Euskal Autonomia Erkidegoaren Lurralde Antolamenduari buruzko maiatzaren 31ko 4/1990 Legearen 26.1.f artikuluaren arabera eta Derrigorrezko Lurjabetzearen Legearen 52. artikuluak dioenez, salbuespen modura eta Euskadiko Jaurlaritzaren Kontseiluaren erabakiaren bidez, presakotzat jo daiteke obra bat egiteak edo helburu jakin bat izateak eragin dezakeen desjabetzeak ukitutako ondasunak eta eskubideak okupatzea.
Aipatutako xedapenei, haien kidekoei eta ezargarri diren gainerakoei atxikiz, honako hau
XEDATZEN DUT:
1.– Hasiera ematea «Nerbioi ibaiaren goi-erroaren saneamendurako kolektore-proiektua, Laudio, Orozko, Aiara eta Amurrio udalerrietan (Araba eta Bizkaia)» proiektuan jasotako ondasunak eta eskubideak okupatzeko nahitaezko desjabetze-espedienteari, betiere horren barruan bildutzat emanda obrak onura publikokoak direla deklaratzea eta lurrak eta dagozkien eraikinak desjabetu edo zortasun-ezarketa egin beharra dagoela, Plan Hidrologiko Nazionala onartzen duen uztailaren 5eko 10/2001 Legean eta Uraren Legearen testu bategina onartzen duen uztailaren 20ko 1/2001 Legegintzako Errege Dekretuan xedatutakoari jarraikiz.
2.– Aipatutako espedienteak hartutako ondasunen eta eskubideen zerrenda jendaurrean jartzea, legeak agindutako azken argitalpenetik hamabost egun balioduneko epearen barruan, behar diren arrazoibide-idazkiak aurkeztu ahal izateko Eusko Jaurlaritzako Ingurumen, Lurralde Plangintza eta Etxebizitza Saileko Etxebizitza eta Arkitekturako Zuzendaritzan (Donostia kalea 1, Vitoria-Gasteiz), aipatutako zerrendan dauden akatsak zuzentzekotan. Hori guztia Nahitaezko desjabetzeari buruzko 1954ko abenduaren 16ko Legearen 17. artikuluan eta hurrengoetan eta haren arautegiari dagozkionetan xedatutakoa betetzeko, eta Lurzoruari eta Hirigintzari buruzko Eusko Legebiltzarraren ekainaren 30eko 2/2006 Legearen 178. artikuluaren arabera.
Epe horretan ikusgai izango da honekin batera doan ondasunen eta eskubideen zerrenda, Laudio, Orozko, Aiara eta Amurrioko udaletxeetako iragarki-taulan, aipatutako ondorioetarako.
3.– Euskal Autonomia Erkidegoko Gobernu Kontseiluari eskatzea Ingurumen, Lurralde Plangintza eta Etxebizitza Sailak lehenbailehen hartu beharrekoak direla deklara ditzan «Nerbioi ibaiaren goi-erroaren saneamendurako kolektore-proiektua, Laudio, Orozko, Aiara eta Amurrio udalerrietan (Araba eta Bizkaia)» egiteko hartu beharrekoak diren ondasunak eta eskubideak, nahitaezko desjabetza egiteko.
Vitoria-Gasteiz, 2018ko uztailaren 3a.
Ingurumen, Lurralde Plangintza eta Etxebizitzako sailburua,
IGNACIO MARÍA ARRIOLA LÓPEZ.
